Jobu 2:13 - Tonga Bible 1986

¹³ Ŵanguja nayo pasi mazuŵa ghankhonde ndi ghaŵi ndipo panguŵavi yumoza wangukamba nayo, chifukwa ŵanguwona kuti kukomwa kwake kwenga kukuru.

Jobu 2:13 Referans Kwoze

Chiyambo 50:10

Ŵanguti ŵaza ku mbuli waku Atada, wo we pa sirgha la Yordane, ŵangutenje penipa ndi kutenje kukuru ukongwa ndi kwachisungu; ndipo ŵanguchita maliro gha awiske mazuŵa ghankhonde ndi ghaŵi.

Ezekiele 3:15

ndinguza ku ŵamikoli ku Telabibu, wo ŵajanga mu Kebara. Ndipo ndinguja kuwa umamphavi mukati mwawo mazuŵa ghankhonde ndi ghaŵi.

Nehemiya 1:4

Ndinguti ndavwa mazu yagha ndinguja ndi ndinguliya, ndipo ndingutenje mazuŵa ghanandi; ndipo ndingulutiriya kufunga ndi kuromba paurongo paku Chiuta wa kuchanya.

Yesaya 3:26

Ndipo malikomo ghake ghakatenjenga ndi kuliya; wakubwanganduka, wakajanga pa dongo.

Sumu 77:4

Kuti watindigoneka tulo cha; ndisuzgika ukongwa reka nditondeka kukamba.

Jobu 4:2

“Asani munthu watesa kurongoro nawe, kumbi ukaripenge? Ndipuuli ndiyani wangajikanizga kureka kurongoro?

Chiyambo 1:8

Ndipo Chiuta wangudana mtambo, kuchanya. Ndipo kwenga mazulo, ndi kwenga mlenji, zuŵa lachiŵi.

Chiyambo 1:5

Chiuta wangudana ukweru, msana ndi mdima wangudana, usiku. Ndipo kwenga mazulo ndi kwenga mlenji, zuŵa limoza.

Ezra 9:3

Ndinguti ndavwa ichi ndinguparuwa chivwaru changu ndi munjirira wangu, ndi kukuchuwa sisi laku mutu ndi mwembe, ndipo ndinguja pasi wambura nthazi.

Yesaya 47:1

Sikani, muje mu fuvu, mwaŵanthu ŵaku Babiloni; jani pasi pambura chitengo cha ufumu, imwe mwa ŵaKaldiya! Pakuti mukadanikanga so cha kuti mwe ŵakuzika ndi ŵakoloŵa.

Jobu 3:1

Pavuli paku ichi Jobu wangubanuwa mlomo wake, ndi wangutemba zuŵa la kawi kake.

Chitenje 2:10

Ŵaraŵara ŵamu msumba waku Zioni, ŵateka pasi chisisi; ŵajidiriya fuvu pa mitu yawo ndi ŵavwara chigudulu; ŵamwali ŵaku Yerusalemu ŵakotamiya pasi mitu yawo.