Jobu 2:12 - Tonga Bible 1986

¹² Ndipo ŵanguti wamuwona patali kuti ŵangumziŵa cha, ŵangukwezga mazu ghawo ndi ŵanguliya; ŵanguparuwa minijirira yawo, ndi kuthibuwa fuvu kuchanya kuwiya pa mitu yawo.

Jobu 2:12 Referans Kwoze

Ezekiele 27:30

Ŵatenje kwakubongo paku iwe, kuliya kwakuŵaŵa mtima. Kudira fuvu ku mitu yawo ndi kugadabuka mu vyoto;

Chitenje 2:10

Ŵaraŵara ŵamu msumba waku Zioni, ŵateka pasi chisisi; ŵajidiriya fuvu pa mitu yawo ndi ŵavwara chigudulu; ŵamwali ŵaku Yerusalemu ŵakotamiya pasi mitu yawo.

Nehemiya 9:1

Sono pa zuŵa la machumi ghaŵi ndi ghanayi la mwezi wenuwu, ŵaYisraele ŵanguwungana ndi kufunga ndi kuvwara vigudulu ndi dongo pa mitu yawo.

Jobu 1:20

Penipo Jobu wangusoka ndi wanguparuwa munjirira wake ndi wangumeta sisi la mutu wake, ndi kuwa pasi ndi kuromba,

Yoswa 7:6

Sono Yoswa wanguparuwa vyakuvwara vyake, ndipo wanguwa pasi kavunama paurongo pa bokosi la Ambuya mpaka mazulo iyo pamoza ndi ŵaraŵara ŵa ŵaYisraele; ndipo ŵangujidiya fuvu ku mitu yawo.

Chivumbuzi 18:19

Ndipo ŵangujifunthuliya fuvu pa mitu yawo uku ŵabongo ndi kuliya ndi kutenje, ŵakuti, “Owe! Owe! Msumba ukuru wo, mwenimo wose ŵa zingaraŵa zamu nyanja ŵangusambaskikiya chifukwa cha uromba wake! Mu ora limoza wapopeskeka.

Jobu 19:14

Ŵabali ŵangu ŵapafupi ndi mabwezi ghangu ghapa mtima ŵandireka;

Estere 4:1

Mordikayi wanguti waziŵa vyose vyo vinguchitika wanguparuwa vyakuvwara vyake, wanguvwara chigudulu ndi wangujidiriya vyoto, wangutuwa mu msumba kuliya ndi kubangura pachanya kwa kuŵaŵa mtima,

2 Samuele 13:36

Ndipo ŵangusoska mazu ghawo ŵanguliya; ndipo karonga nayo ndi ŵateŵeti ŵake wose ŵanguliya kwa kuŵaŵa mtima.

1 Samuele 30:4

Sono Davidi ndi ŵanthu ŵakuŵa nayo ŵangusoska mazu ghawo ndi kuliya, mpaka po nthazi zakuliriya zingumara.

1 Samuele 11:4

Mathenga ghanguti ghafika ku Gibea kwaku Sauli, ndi kukamba makani yagha mumakutu gha ŵanthu; ŵanthu wose ŵanguliya ukongwa.

Ŵeruzgi 2:4

Po mungelo wa Ambuya wangurongoro mazu yagha ku ŵaYisraele wose, ŵanthu ŵangusoska mazu ghawo, ŵanguliya.

Chiyambo 27:34

Penipo Esau wanguvwa mazu gha awiske wanguliya kwakuŵaŵa mtima, ndi wanguti ku awiske, “Nditumbikeni nani mbwenu, ada mwe!”

1 Samuele 4:12

Munthu waku Benjamini wakuthaŵa ku nkhondo, wanguza pa Shilo zuŵa leniliya, wakuŵa ndi vivwalo vyakuparuka ndi fuvu ku mutu wake.

Ezra 9:3

Ndinguti ndavwa ichi ndinguparuwa chivwaru changu ndi munjirira wangu, ndi kukuchuwa sisi laku mutu ndi mwembe, ndipo ndinguja pasi wambura nthazi.