Jobu 2:11 - Tonga Bible 1986

¹¹ Sono penipo ŵabwezi ŵaku Jobu ŵatutu ŵanguvwa ndi uheni wose uwu ungumuwiya, ŵanguza we yose kutuwa ku malo ghake, Elifazi muTemani, Bildadi muShuhite, ndi Zophara muNamati. Ŵangupangana kuzachitenje nayo ndi kumusangaruska.

Jobu 2:11 Referans Kwoze

ŴaRoma 12:15

Kondwani pamoza ndi ŵakukondwa; tenjeni pamoza ndi ŵakutenje.

Jobu 42:11

Ndipo ŵabali ŵake ndi ŵazichi ŵake wose, ndi wose wo ŵangumziŵa kali ŵanguza kwaku iyo, ŵangurgha nayo chiŵande mu nyumba yake, ndi ŵangumurongo lisungu ndi ŵangumusangaruska chifukwa cha viheni vyose vyo Ambuya angusiskiya pake, ndipo we yose waku wo wangumpaska ndrama, ndi mphete ya golide.

Yeremiya 49:7

Gha paku Edomu. Viyo atiti Ambuya ŵa maŵanja: “Kumbi zeru kuti zichalimu cha mu Temani? Kumbi fundu zaŵamariya ŵa zeru? Kumbi chinjeru chawo chikuzilimitiya?

Nthanthi 17:17

Bwezi litanja nyengo zose, ndipo mwana munyako wakupapikiya suzgu.

Jobu 6:14

“Yo wakana kuchitikiya ulemu ndi mubwezi wake, wareka kopa Wanthazi-zose.

1 ŴaKorinte 12:26

Ndipo asani chiŵaru chimoza chikomwa, viŵaru vyose vikomwe pamoza nacho; asani chimoza chirumbika, viŵaru vyose vikondwere pamoza nacho.

Chiyambo 25:2

Wangumupapiya Zimirana, Jokishana, Medana, Midiani, Ishibaka, ndi Shuna.

Yohane 11:19

ndipo ŵanandi ŵa ŵaYuda ŵanguza kwaku Marta ndi Mariya, kuti ŵaŵasanguruske pa nyifwa ya mzichi wawo.

Jobu 19:21

Muŵe nane ndi lisungu, muŵe nane ndi lisungu, O, imwe mwa ŵabwezi ŵangu, chifukwa janja laku Chiuta landikwaska!

Jobu 16:2

“Ndavwa vinthu vinandi vyaviyo. Mose mwe ŵasangaruski ŵa ŵakaŵaka.

Jobu 6:19

Ŵapa ulendo ŵaku Tema ŵawona, ŵapa lwendo ŵaku Sheba ŵarindizga.

1 Mikoka 1:32

Ŵana ŵaku Ketura, muwoli mumana, waku Abrahamu: wangupapa Zimrani, Yokoshani, Medani. Midiani, Ishibaki, ndi Shua. Ŵana ŵaku Yokoshani: Sheba ndi Dedana.

Chiyambo 37:35

Ŵana ŵake ŵanthurumi wose ndi ŵana ŵake ŵanthukazi wose ŵanguruta kwachimusangaruska, kweni wangukana kusangaruskika, ndi wanguti, “Awa, ine ndikayanga ku muunda ku mwana wangu ndi kutenje.” Viyo ndimu ŵangumutenjere awiske.

Chiyambo 36:15

Yaŵa ndiwo ŵenga vinkhara vya ŵana ŵanthurumi ŵaku Esau. Ŵana ŵanthurumi ŵaku Elifaza waumwali waku Esau: vinkhara Temana, Omara, Zepo, Kenaza,

Chiyambo 36:11

Ŵana ŵanthurumi ŵaku Elifaza ŵenga Temani, Omara, Zepo, Gatama, ndi Kenaza.

ŴaHebere 13:3

Kumbukani ŵamagoŵa wo ulimba kumangikiya pamoza nawo; kumbukani wo mbakuchitikiya uheni, pakuti namwe so mwe muliŵavu lo.

Yesaya 51:19

Ivi vinthu viŵi vyakuwiya iwe njani yo wakatenjenga nawe? Pharghaniku, ndi wanangiku, nja ndi lipanga; njani wakakusangaruskanga?

Nthanthi 27:10

Bwezi laku ndi bwezi la ausu ungaŵarekanga; ndipo ungayanga ku nyumba ya mwana munyake mu zuŵa la suzgu. Wamamphaku ndi mzengezgani mweniyo we'pafupi kuruska mwana munyako mweniyo we patali.

Nthanthi 18:24

Ghalipo mabwezi ŵeniwo ŵachitauli ndi mabwezi kweni pe bwezi lo libatikana pafupi kwakuruska mwana munyake.

Jobu 42:7

Ambuya anguti akamba mazu yagha kwaku Jobu, Ambuya anguti kwaku Elifazi muTemani, “Ukari wangu wakolere paku iwe ndi pa mabwezi ghako ghaŵi; chifukwa kuti mwakamba cho nchakurunjika cha paku ine, nge ndimo mteŵeti wangu Jobu wakambiya.

Jobu 19:19

Mabwezi ghangu ghose gha pamtima ghandiwoya, ndipo wose wo ndingwanja ŵandiyukiya.

Jobu 18:1

Ndipo Bildadi muShuhite wangu wamuka wanguti,

Jobu 16:20

Mabwezi ghangu ghandiyeya, jiso langu lipunguliya masozi kwaku Chiuta,

Jobu 15:1

Penipo Elifazi muTemani wangwamuka, wanguti,

Jobu 13:4

Imwe ndimwe mwakumbutiska mautesi, mwe ŵasing'anga ŵaŵakaŵaka mose.

Jobu 8:1

Sono wangwamuka Bildadi muShuhite:

1 Mikoka 1:45

Wanguti wafwa Yobabu, Hushamu wamu charu cha Temani wanguwusa mu malo ghake.

1 Mikoka 7:22

Ndipo wiskeu Efraimu wanguŵatenje kwa mazuŵa ghanandi, ŵabali ŵake ŵanguza kumusangaruska.

Jobu 42:9

Viyo Elifazi muTemani, ndi Bildadi mu Shuhite, ndi Zophara mu Namati ŵanguruta ndi ŵanguchita chenicho Ambuya anguŵanene; ndipo Ambuya anguronde rombo laku Jobu.

Obadiya 1:9

Ndi vinkhara vinu vimarenge nthazi, owe Temana, viyo kuti munthu yose waku phiri laku Esau wadumulike ndi kubayika.

Chiyambo 36:34

Yobabu wangufwa, ndipo Hushama wamu charu cha ŵaTemani wanguwusa mu malo ghake.

Yoswa 15:41

Gederoto, Betedagono, Nama, ndi Makeda, Misumba chumi pachanya nkhonde ndi umoza ndi mizi yake.

Jobu 4:1

Viyo Elifazi muTemani wangwamuka:

Jobu 11:1

Viyo Zophara muNamati wangwamuka: