Jobu 13:12 - Tonga Bible 1986

¹² Vikumbusku vinu ndi ntharika za vyoto, kujivikiriya kwinu nkhwa dongo.

Jobu 13:12 Referans Kwoze

2 ŴaKorinte 5:1

Chifukwa tiziŵa kuti asani nyumba yapa charu ya hema lidu yabwanganduka, uzengi wakutuliya kwaku Chiuta te nawo, nyumba yakuchitika ndi manja cha, yamuyaya, mu machanya.

Yesaya 26:14

Iwo ŵakufwa, kuti ŵakaŵanga ŵamoyo cha; ndi mizguka, kuti ŵakayukanga so cha, chifukwa ichi imwe munguchezga nawo ndi phasulu ndipo mungusisita chinkhumbu chawo chose.

Nthanthi 10:7

Chikumbusku cha murunji ndi thumbiku, kweni zina la wamphulupulu likavundanga.

Sumu 109:15

Nyengo yose Ambuya akumbuke ma utimbanizighawo, ndipo iwo ŵeneko ŵaruwikiye limu!

Sumu 102:12

Kweni imwe, Ambuya, mwe karonga muyaya; zina linu lijaririya ku migonezi yose.

Sumu 34:16

Chisku cha Ambuya chimikana ndi ŵakuchita utimbanizi, kudumuwa chinkhumbu chawo mu charu.

Jobu 18:17

Kukumbukika kwake kumara mu charu, ndipo kuti wasiya zina cha mu charu.

Jobu 4:19

iku kukaŵanga kukuru limu ku ŵanthu wo ŵaja mu nyumba za dongo zenizo viŵanja vyake vye mu mafuvu zo zirghika ndi fufuzi.

Chituwa 17:14

Ndipo Ambuya anguti kwaku Mosese, “Lemba ichi nge nchikumbusku mu buku, ndipo uchikambe mu makutu ghaku Yoswa kuti ndisisistiyanga limu chikumbusku chaku Amaleke mu charu chose chapasi.”

Chiyambo 18:27

Abrahamu wangwamuka, “Ehe, ndajigangiya kukamba ndi Ambuya, ine ndi fuvu ndi choto.

Chiyambo 2:7

Sono Ambuya Chiuta wangulenga munthu ndi fuvu la nyata, ndipo wangututiya mu mphunu zake mvuchi wa umoyo, ndipo munthu wanguŵa wamoyo.

Jobu 13:11

Kumbi kuti ukuru wake ukamutenthemeskeninga cha ndi chofyo chake kuŵa paku imwe?

Jobu 13:13

“Muje cheti, ndirekeni ndikambe cho chikhumba kundiziya, chirekeni chize.

Jobu 27:1

Ndipo Jobu wanguwerezgapo so nthanthi yake wanguti:

Jobu 29:1

Ndipo Jobu wanguwerezgapo so nthanthi yake, ndi wanguti:

Jobu 21:34

Viyo mungandisangaruska uli ndi vyaŵaka? Mukwamuka kwinu kulivi kujako kanthu kweni utesi pe.”