Jobu 13:11 - Tonga Bible 1986

¹¹ Kumbi kuti ukuru wake ukamutenthemeskeninga cha ndi chofyo chake kuŵa paku imwe?

Jobu 13:11 Referans Kwoze

Sumu 119:120

Chifukwa chaku imwe, ndichita mantha, ndazazika ndi chitenthe chifukwa cha vyeruzgu vinu.

Jobu 31:23

Chifukwa ndenga mu chofyo chakutuwa kwaku Chiuta, ndipo ndingutondeka kuma pa maso pa ukuru wake.

Mateyu 10:28

Ndipo mungopanga cha ŵakubaya liŵavu, kweni mbakuwara nthazi kubaya mzimu: ukongwa mopenge yo ngwanthazi kwananga mzimu nawo ndi liŵavu mu gehena.

Yeremiya 10:10

Kweni Ambuya ndi Chiuta wauneneska; iyo ndi Chiuta wamoyo ndi Karonga wamuyaya. Pa ukari wake charu chiyaghayika, ndipo mitundu kuti yingakunthiyapo kukwiya kwake cha.

Yeremiya 5:22

Kumbi kuti mutindopa cha ine? atiti Ambuya; Kumbi kuti mumbwambwanthiya cha paurongo pangu? Ndinguŵikapo mchenga nge ndi mphaka ya nyanja, ndi dangu la muyaya kuti yireke kurutiliyapo, chingana mayigha ghapumeko, kuti ghangayijumpha cha, nanga ghawuruma, kweni kuti ghangarutiliya yapa cha.

Yesaya 8:13

Kweni Ambuya ŵa maŵanja, iyo ndiyo mutenere kuziŵa kuti ngwakupaturika, iyo ndiyo mopenge, iyo ndiyo mutenthemenge.

Jobu 13:21

Tuzganiko kwaku ine janja lino, ndipo kofya kwinu kureke kunditenthemeska.

Chituwa 15:16

Chofyu ndi chitenthe vyaŵa paku wo; chifukwa cha ukuru wa janja linu, ŵachetama ulaka ndi mwa, mpaka penipo ŵanthu ŵaporotamo Ambuya, mpaka ŵanthu ŵinu ŵaporota wo mwagula.

Jobu 13:12

Vikumbusku vinu ndi ntharika za vyoto, kujivikiriya kwinu nkhwa dongo.