Jobu 12:10 - Tonga Bible 1986

¹⁰ Mu janja lake mwe umoyo wa chinthu chose cha moyo, ndi mvuchi wa ŵanthu wose.

Jobu 12:10 Referans Kwoze

Machitidu gha Ŵakutumika 17:28

Chifukwa, ‘Mwaku iyo tijariya ŵamoyo, ndi titenda, ndi tiripo,’ mo so ŵanyake ŵakwata sumu ŵaku imwe ŵakambiya, ‘Chifukwa te mbumba yake.’

Jobu 33:4

Mzimu waku Chiuta wandilenga, ndipo mvuchi wa Wanthazizose utindipaska umoyo.

Machitidu gha Ŵakutumika 17:25

chingana nkhuti wateŵeteka ndi manja gha ŵanthu cha, nge ngwakukavuka kanthu, pakuŵa mweneko wakupaska wose umoyo, ndi mvuchi, ndi vyose;

Maŵerengedu 16:22

Ndipo ŵanguwa kavunama, ŵanguti, “Owe Chiuta, Chiuta wa mizimu ya ŵanthu wose asani walakwa munthu yumoza, kumbi mukakalipiyanga wumba wose?”

Jobu 27:3

nyengo yose yo mvuchi wangu weche mwaku ine, ndi mzimu waku Chiuta wemu mphunu zangu,

Danyele 5:23

kweni wajisoska wamweni kulimbana ndi Ambuya wa kuchanya. Viyaŵi vya mu nyumba yawo vyatoreke paurongo pinu, imwe ndi nduna zinu, ŵawoli ŵinu, ndi mabwezi ghinu ghanthukazi mwamwiyamu vinyo; mwakankhuska ŵachiuta ŵa siliva ndi golide, mkuŵa, chisulo, muti, ndi mwa, ŵeniwo kuti ŵawona cha, chingana nkhuvwa, pamwenga kuziŵa; kweni Chiuta mu manja ghaku mweniyo mwe mvuchi winu, ndi mwaku mweniyo mwe nthowa zinu zose, kuti mwamukankhuska cha.

Sumu 104:29

Asani mwabisa chisku chinu, vichita mantha; ndipo asani mwatuzgako mvuchi winu, vitufwa; ndi kuwere ku dongo ko vingutuliya.

Chiyambo 2:7

Sono Ambuya Chiuta wangulenga munthu ndi fuvu la nyata, ndipo wangututiya mu mphunu zake mvuchi wa umoyo, ndipo munthu wanguŵa wamoyo.

Yohane 3:6

Cho chapapikako ku nyama ndi nyama; ndipo chochapapikako ku Mzimu ndi mzimu.

Chiyambo 6:17

Pakuti ndikatoliyanga zandi wa maji pa charu kunanga nyama chakurengeka chose chamoyo mu charu cha pasi; chinthu chose chapa charu chapasi chikafwanga.

Jobu 27:8

Kumbi chigomezgu cha wambura kuziŵa Chiuta nchine penipo Chiuta watuzgamo umoyo wake?

Wakutaula 9:1

Kweni vyose ivi ndinguviŵika pa mtima, kwesa vyose, kuti murunji ndi wazeru ndi nchitu zawo ŵemu manja ghaku Chiuta; munthu kuti waziŵa cha kuti manyi nchanju pamwenga tinkhu. Chinthu chose paurongo pawo nchawaka.

Yesaya 42:5

Viyo ndimu wakambiya Chiuta, Ambuya, mweniyo wangulenga machanya ndi kughatambaruwa, mweniyo wangutandika charu chapasi ndi vyo vituwa mwenimo, yo wapaska mvuchi ku ŵanthu wo ŵaja penipo ndi mzimu kwaku wo ŵatenda mwenimo:

Sumu 104:30

Kweni asani mwavipaska mvuchi, vituŵa ndi umoyo; mupaska umoyo ufya ku charu.

Yesaya 57:16

Pakuti kuti ndikakwiyanga Muyaya cha, chingana nkhuti ndikakaripanga nyengo zose cha; pakuti kwangu ndiku kutuwa mzimu wo, ndipo ndine ndikulenga mvuchi waumoyo.