Jobu 10:21 - Tonga Bible 1986

²¹ ndenga ndindaruti ko kuti ndamuweko so cha, charu cha munkharwe ndi mdima ukuru,

Jobu 10:21 Referans Kwoze

Jobu 3:5

Mdima ukuru ndi mduzi wa nyifwa viliŵange kuŵa lawo. Mitambo yiwe pachanya pake, mdima wa zuŵa ulitenthemeske.

2 Samuele 12:23

Kweni sono wafwa; ndifungiyengenji kurgha? Kumbi ndikamuwezganga so? Ine ndirutenge kwaku iyo, kweni iyo kuti wawerenge so kunu kwangu cha.”

Sumu 23:4

Nanga nditenda mu phata mu munkhorwe wanyifawa; kuti ndopenge uheni cha; chifukwa imwe mwe pamoza nane; nthonga yinu ndi ndodo yinu vitindisangaruska.

Jobu 16:22

Kweni penipo virimika vimanavi vyafika, nkharutanga munthowa yo kuti nkhawengako so cha.

2 Samuele 14:14

Tose tikafwanga te nge ndi maji ghakudikiya pasi, gho kuti ghangayoreka so cha; kweni Chiuta kuti wakatuzgangako cha umoyo wa munthu yo wapenja nthowa yakuti wakudikika wake wareke kudikikiya limu.

Yeremiya 2:6

Wengavi kukamba, ‘Ŵepani Ambuya ŵeniwo angutituzga mu charu cha Egipiti, ŵeniwo ŵangutirongozga mu bozwa, mu charu cha uyiku ndi mabuwu, mu charu cha chiparantha ndi cha mdima uzitu, mu charu chambura kuporotamo nanga njumoza, mwenimo kuti muja munthu cha?’

Yesaya 38:11

Ndinguti, kuti ndiwonenge Ambuya cha mu charu cha ŵamoyo; kuti ndikalereskanga so pa munthu cha mukati mu ŵakuja mu charu.

Sumu 88:6

Mwandipong'a pasi pa muunda, mu zenje litali la mdima.

Jobu 3:13

Pakuti mphanyi ndingugona pasi ndi kuti chete; mphanyi ndagona tulo, viyo mphanyi ndingupumuwa,

Jobu 10:22

charu cha munkhorwe ndi chautimbanizi kweniko ukweru we nge ndi mdima.”

Jobu 34:22

Kulivi mduzi, pamwenga mdima wamunkhorwe mwaku weniwo ŵakuchita uheni ŵangabisama.

Jobu 38:17

Kumbi malikomo gha nyifwa ghavumburika kwaku, kumbi mwaghawona malikomo gha mdima wa munkhorwe?

Sumu 39:13

Ndirekeni, mwakuti ndiziŵe kukondwere, ndenga ndi ndatuwepo pano, ndi kureka kuŵapo so.”

Jobu 17:13

Asani ndirindizga muunda kuŵa nyumba yangu, asani nditandika chita changu mu mdima,

Sumu 49:20

Munthu kuti wajaririya mu kuzirwa kwake cha, wayana ndi nyama zo zitufwa.

Sumu 88:13

Ambuya, ine ndiliriya chovyo chinu; mlenji ndi mlenji ndiromba imwe.

Wakutaula 9:10

Chose cho janja lako lasaniya kuchita, chitanga ndi nthazi yako; pakuti kulivi nchitu pamwenga maghanaghano pamwenga kuziŵa pamwenga vinjeru mu muunda mwenimo ukarutanga.

Wakutaula 11:8

Pakuti asani munthu watuŵa ndi umoyo wa virimika vinandi, wakondwenge mwaku vyose vyo, kweni watenere kukumbuka kuti mazuŵa gha mdima ghakaŵanga ghanandi. Chose cho chituza nchawaka.