Jobu 1:8 - Tonga Bible 1986

⁸ Ndipo Ambuya anguti kwaku Satana, “Kumbi wamsanda muteŵeti wangu Jobu kuti mulive mu charu wakuŵa nge ndiyo, munthu wambura kalema, ndi murunji yo watopa Chiuta ndi wakupatukako ku uheni?”

Jobu 1:8 Referans Kwoze

Jobu 2:3

Ndipo Ambuya anguti kwaku Satana, “Wamuteska mteŵeti wangu Jobu kuti palive wakuyana nayo mu charu, munthu wambura kalema, ndimurunji, yo watopa Chiuta ndi wakupatukako ku uheni? Weche kungangamika pa urunji wake, chingana ungunena kuti ndimuparghang'e kwambura kafukwa.”

Jobu 1:1

Kwenga munthu mu charu cha Uzu, yo zina lake lenga Jobu; munthu uyu wenga murunji ndi wakaunyoloka, wangopa Chiuta ndi wangutinkha uheni.

Yesaya 1:16

Musambe; mujiphoto; tuzgani uheni wa machitidu ghinu pa maso pangu; rekani kuchita uheni,

Nthanthi 8:13

Kopa Ambuya nkhutinkha uheni. Kunyada ndi kujikuzga ndi nthowa ya uheni ndi kirongoro kwakupuruska nditinkha.

Jobu 8:20

“Wona, Chiuta kuti wakakananga munthu murunji cha, pamwenga kuŵawovya ŵakuchita uheni.

2 ŴaKaronga 23:25

Paurongo pake pengavi karonga wakukozgana nayo, mweniyo wanguwere ku Ambuya ndi mtima wake wose ndi mzimu wake wose ndi nthazi yake yose kwakuyana ndi dangu lose laku Mosese, chingana nkhuyukapo yumoza pavuli paku iyo.

Sumu 84:11

Ambuya ndi muvikiriya widu ndi karonga wa unkhankhu, kutitumbika ndi wezi ndi ulemu; kuti wanora kanthu kose kamampha cha kwaku wose wo mbakuchita urunji.

Maŵerengedu 12:3

Mosese wenga wakuzika kwakuruska ŵanthu wose mu charu chapasi.

Yesaya 42:1

Ehe, muŵanda wangu mweniyo ndisoska, wakusankhika wangu, mwaku yo mzimu wangu ukondwere; ndaŵika Mzimu wangu paku iyo, wakarongonga cheruzgu chirunji ku mitundu.

Sumu 18:23

Paurongo pake ndenga wambura kalema, ndingujisunga ku kwananga.

Jobu 34:14

Asani wanguwezge kumweneko mzimu wake, ndi kuwunjika ku mweneko mvuchi wake.

Jobu 12:4

Nde wakusekeka ndi mabwezi ghangu; ine, ndamwenine ndinguromba kwaku Chiuta ndipo wangundamuka, munthu murunji ndi wakunyoroka, kweni nde wakusekeka.

Yoswa 1:7

Ukhome ŵaka ndipo uchinthi ukongwa; kuŵa wakuphwere kuchita kwakuyana ndi langulu lose lo mteŵeti wangu Mosese wangukulanguliya, ungalisiyanga kurata ku janja la marghe pamwenga la maze mwakuti uŵi ndi kusakata kwamampha ko kose ukayanga.

Yohane 1:47

Yesu wangumuwona Natanele wachiza kwake, wanguti kwaku iyo, “Awonani, muYisraele nadi, mwaku mweniyo mulive urghargha!”

Ezekiele 40:4

Munthu yo wangunena nane, “Mwana wa munthu, ulereske ukongwa, uvwisiske, mitima wako uŵike paku vyose vyo ndikakurongonga, chifukwa iwe waza kunu mwakuti ndikurongo ichi; ukambiye nyumba yaku Yisraele vyose vyo wawona.”

Sumu 89:20

Ndatando mteŵeti wangu Davidi, ndamuchita kuŵa karonga winu;

Sumu 37:27

Tuwaniko ku kwananga, chitani umampha; viyo mukajaririyanga muyaya.

Sumu 36:1

Kwananga kwa wamphurupuru kukamba mukati mu mtima wake; palivi kopa Chiuta paurongo pa maso ghake.

Sumu 34:14

Tuwako ku uheni, chita umampha; penja chimangu, ndi uchindondoloske.

Nehemiya 5:15

Ŵeruzgi ŵara ŵakudanga wo ŵengapo paurongo pangu ŵanguchitiska mphingu zizitu pa ŵanthu, ndipo ŵanguronda kurgha ndi vinyo ku ŵanthu, pamoza ndi mashekelo machumi ghanayi (40) gha siliva, ŵateŵeti ŵawo so ŵanguchita mitufu pa ŵanthu. Kweni ine kuti ndinguchita viyo cha, chifukwa chakopa Chiuta.

Yoswa 1:2

“Mosese mteŵeti wangu wafwa; viyo sono usoke, wambuke, Yordane uyu, iwe ndi ŵanthu wose yaŵa, murutenge ku charu cho ndituŵapaska ŵaYisraele.

Jobu 2:1

Panguŵa so zuŵa linyake po ŵana ŵaku Chiuta ŵanguza kujirongo pa maso gha Ambuya, ndipo Satana nayo wanguza mukati mwawo kuzachijirongo pa maso gha Ambuya.