Jobu 1:6 - Tonga Bible 1986

⁶ Ndipo linguŵapo zuŵa po ŵana ŵaku Chiuta ŵanguza kuzachijirongo pa maso gha Ambuya, ndipo Satana nayo wanguza mwaku wo.

Jobu 1:6 Referans Kwoze

Jobu 2:1

Panguŵa so zuŵa linyake po ŵana ŵaku Chiuta ŵanguza kujirongo pa maso gha Ambuya, ndipo Satana nayo wanguza mukati mwawo kuzachijirongo pa maso gha Ambuya.

Jobu 38:7

penipo nyenyezi za mlenji zingumba pamoza, ndipo ŵana ŵaku Chiuta wose ŵangukambura ndi chimwemwe?

Zekariya 3:1

Viyo wangundirongo Yoswa mzukuru mura wakuma panthazi pa mungelo wa Ambuya, ndi Satana wakuma ku janja lake la marghe.

1 ŴaKaronga 22:19

Ndipo Mikaya wanguti, “Chifukwa cho vwani mazu gha Ambuya: ndinguwona Ambuya akuja pa chitengo chawo cha ufumu, ndi liŵanja lose la kuchanya lakuma pafupi nawo ku janja lawo la marghe ndi la maze;

1 Mikoka 21:1

Satana wangumikana ndi Yisraele, wangusosomo Davidi kuŵerenga Yisraele.

Chiyambo 6:4

ŴaNefilimi ŵenga mu charu mu mazuŵa ghenigha, ndiso pavuli penipo ŵana ŵaku Chiuta ŵangusere mu ŵana ŵanthukazi ŵa ŵanthu, ndi ŵangupapa ŵana. Yaŵa ŵenga ŵanthu virimbi wo ŵenga ŵamwaka, ŵanthu ŵambiri.

Yohane 6:70

Wanguwamuka Yesu, “Asi ine ndakusankhani mwachumi ndi ŵaŵi, ndipo mwaku imwe yumoza ndi diabolo?”

Mateyu 18:10

“Cheŵani kuti mungayuyuwa kamoza ka tumana to cha; chifukwa ndinene imwe, kuti nyengo zose ŵangelo ŵawo ŵakuchanya ŵalereska chisku cha Ada ŵakuchanya. [

Luka 3:38

mwana waku Enose, mwana waku Seti, mwana waku Adamu, mwana waku Chiuta.

Sumu 103:20

Rumbani Ambuya, mose mwa ŵangelo ŵawo, mwa vilimbi vyanthazi, mwakuvwiya marangu ghawo, mwa ŵakutegherezga kwaku vyo akamba!

Chiyambo 6:2

ŵana ŵanthurumi ŵaku Chiuta ŵanguwona ŵana ŵanthukazi ŵa ŵanthu kuti ŵenga ŵakutowa ndipo ŵangujitole ŵawoli ŵeniwo ŵangusankha.

Danyele 3:25

“Inya, karonga.” Wanguti, “Kweni ine ndiwona ŵanthu ŵanayi ŵakufwatulika ŵatenda mukati mu moto ndipo kuti mbakocheka cha; kweni kawonekedu ka wachinayi kalingana nge ndi mwana wa ŵachiuta.”

Luka 22:31

“Simoni, Simoni, awona Satana yo wangujifumbiya imwe kwachimpepetani uli ndi trigu:

2 Mikoka 18:20

Penipo mzimu unguza, unguma paurongo paku Chiuta, unguti, ‘Ndimpusikenge ndine.’ Ndipo Ambuya anguti, ‘Ndi nthowa uli?’

Jobu 2:3

Ndipo Ambuya anguti kwaku Satana, “Wamuteska mteŵeti wangu Jobu kuti palive wakuyana nayo mu charu, munthu wambura kalema, ndimurunji, yo watopa Chiuta ndi wakupatukako ku uheni? Weche kungangamika pa urunji wake, chingana ungunena kuti ndimuparghang'e kwambura kafukwa.”