Jobu 1:5 - Tonga Bible 1986

⁵ Ndipo ghanguti ghamara mazuŵa gha dghera, Jobu wanguziŵiriya kutuma ndi kuŵapatuwa mukuŵatoweska, wayukanga ndi mlenjilenje kwachipereka sembe zakocha kwakuyana ndi unandi wawo, pakuti Jobu wanguti, “Vinu ŵana ŵangu ŵananga ndi kutemba Chiuta mu mitima yawo.” Viyo ndimo Jobu wanguchitiya mazuŵa ghose.

Jobu 1:5 Referans Kwoze

Jobu 42:8

Sono muchifukwa ichi toni nkhuzi zinkhonde ndi ziŵi, ndi mberere zinthurumi nazo zinkhonde ndi ziŵi, ndi rutani ku mteŵeti wangu Jobu, ndipo kajiperekiyeni sembe yakocha yakumaŵeni, ndipo Jobu mteŵeti wangu wakakurombiyaninga. Nkharondiyanga rombo lake chifukwa kuti ndikhumba kuchita namwe kwakuyana ndi uheni winu cha, pakuti mulive kukamba chinthu chamampha cha paku ine nge ndimo mteŵeti wangu Jobu wachitiya.”

Chiyambo 8:20

Pavuli Nowa wanguzenge Ambuya jochero lakochiyapo mpasku, ndipo wanguto nyama yose yakuphotoka ndi chiyuni chose chakuphotoka ndi wangupaska mpasku wakocha pa jochero lo.

Jobu 8:4

Asani ŵana ŵinu ŵamulakwiya, iyo waŵapereka ku mazaza gha mamphuru ghawo.

1 Samuele 16:5

Iyo wanguti, “Muchimangu; ndaziya kwazipereka sembe ku Ambuya; jipaturiskeni mwaŵeni, ndipo muzi pamoza nane ku sembe.” Ndipo wangupaturiska Jese ndi ŵana ŵake ŵanthurumi wanguŵadaniya ku sembe.

ŴaEfeso 6:18

Mu kuromba ndi kuninizika murombiyenge nyengo zose mu Mzimu, ndi kucherezga kwakufwiririyapo limu kuninizikiya pa chifukwa chakuwose ŵakupaturika,

Machitidu gha Ŵakutumika 8:22

Viyo nyongokako ku uheni wako uwu, ndi uŵeyere Chiuta, alinga kuti vinu lingagowokereka khumbiro lo la mtima wako.

1 ŴaKaronga 21:13

Ndipo ŵanthu ŵatesi ŵaŵi wo ŵangusere ndi ŵanguja pasi pakuthyana nayo, ndipo ŵanthu ŵatesi wo ŵangutole Naboti mlando paurongo pa ŵanthu, ŵanguti, “Naboti wangutuka Chiuta ndi karonga.” Viyo ŵangumutuzga mu msumba ŵangumudina ndi mya wangufwa.

1 ŴaKaronga 21:10

Ndipo mumike ŵanthu ŵatesi ŵaŵi ŵakumikana nayo, ndipo yaŵa ŵampaske mulando, kunena kuti, ‘Iwe watuka Chiuta ndi karonga.’ Pavuli mumutuzge, mumudine ndi mya kuti wafwe.”

Chiyambo 22:3

Viyo Abrahamu wanguyuka ndi mlenji-lenji wangulongoso mbunda yake, ndipo wangutopo ŵaŵi ŵa ŵanyamata ŵake pamoza nayo, ndi, mwana wake Yisaki; ndipo wangudumuwa nkhuni za sembe yakocha, ndipo wangusoka ndi wanguruta ku malo gho Chiuta wangumunene.

1 ŴaKorinte 4:5

Viyo mungeruzgiyanga limu kanthu cha, yindaze nyengo, Ambuya ŵenga ŵandaze, ŵeniwo nawo ŵavumuwenge vibisibisi vya mdima, ndipo ŵawoneskenge pakweru vipangu vya mitima. Penipa ndipo likamuŵiyanga munthu we yose rumbu lake kutuliya kwaku Chiuta.

Machitidu gha Ŵakutumika 21:26

Sono Paulo, wanguto wo ŵanthurumi, ndi pa zuŵa lapavuli wangujiphoto pamoza nawo, wangusere mu kasopi, ndi wanguziŵiska unandi wa mazuŵa gha chiphoto, ndipo wanguswa penipo mpaka chisasku chingusaskika pa chifukwa chaku yose waku wo.

Luka 18:7

Ndipo asi Chiuta wangaŵachitiya utaski ŵakusankhika ŵake, wo ŵabongore kwaku iyo msana ndi usiku, kumbi wakunthiyengepo ŵaka paku iwo?

Yohane 11:55

Phaska la ŵaYuda lenga pafupi: ndipo ŵanandi ŵaku charu cho Wangukwere ku Yerusalemu, lenga lindafike Phaska alinga kuti ŵajitoweske.

Luka 1:75

mu utozi ndi urunji pa maso pake mazuŵa ghidu ghose.

Yeremiya 4:14

Yerusalemu we, suka mtima kuti uheni utuwemo, mwakuti utaskike. Mpaka zuŵanji maghanaghano ghako ghaheni ghakajanga mu mtima wako?

Wakutaula 9:10

Chose cho janja lako lasaniya kuchita, chitanga ndi nthazi yako; pakuti kulivi nchitu pamwenga maghanaghano pamwenga kuziŵa pamwenga vinjeru mu muunda mwenimo ukarutanga.

Sumu 5:3

Ambuya, ndi mlenji muvwenge mazu ghangu; ndi mlenji ndinozge sembe yangu kwaku imwe, ndi kukhazga.

Jobu 41:25

Po wabukiya pachanya, nanga vinkhara vitenthema; chifukwa cha chofyo chake, ŵamara zeru.

Jobu 27:10

Kumbi wakakondweriyanga mu Wanthazizose? Kumbi wakadananga pa zina laku Chiuta, nyengo zose?

Jobu 2:9

Viyo muwoli wake wanguti kwaku iyo, “Kumbi weche kungangamikiya pa urunji wako? Umunyozi Chiuta mwakuti ufwe.”

Jobu 1:11

Kweni tambasuwani janja linu sono ndi kukwaska vyose vyo we navyo, ndipo mukawonanga kuti wakamutukaninga pa maso pinu.”

Nehemiya 12:30

Ndipo ŵazukuru ndi ŵaLevi ŵangujiphoto; ndi ŵanguphoto ŵanthu ndi malikomo ndi linga lo.

Chituwa 19:10

ndipo Ambuya anguti kwaku Mosese, “Rutanga ku ŵanthu wo ndipo ukaŵapatuwe msana wale ndi la mawa, ndipo ukaŵachapiske vyakuvwara vyawo,

Chituwa 18:12

Ndipo Yetero msibweni waku Mosese, wangupereka chisopo chakocha ndi vyakubaya kwaku Chiuta, ndipo Aroni wanguza pamoza ndi ŵaraŵara ŵa ŵaYisraele kurgha chiŵandi pamoza ndi msibweni waku Mosese paurongo paku Chiuta.

Chiyambo 6:5

Ambuya anguwona kuti utimbanizi wa munthu wenga ukuru mu charu ndiso mateskedu ghose gha maghanaghano gha mu mtima ghenga ghaheni pe nyengo zose.

2 ŴaKorinte 11:2

Chifukwa ndikunwekiyani ndi linweka lauchiuta; chifukwa ndingumtoreskiyani ku mrumi yumoza, kwachipereke imwe nge ndi mwali mkhovu kwaku Kristu.

1 ŴaKaronga 18:31

Eliya wanguto mya chumi ndi yiŵi, kwakuyana ndi unandi wa mafuku gha ŵana ŵaku Yakobe, kwaku mweniyo mazu gha Ambuya ghanguza, ghakuti, “Yisraele likaŵanga zina lako.”

Chituwa 24:5

Ndipo wangutuma ŵanyamata ŵa ŵaYisraele, wo ŵangupereka mpasku wakocha ndi ŵanguchita visopo vya chimangu vya ng'ombe ku Ambuya.

Jobu 1:4

Ŵana ŵake ŵanthurumi ŵanguziŵiriya kuruta kuŵa ndi dghera mu nyumba yaku we yose waku wo, pa zuŵa lake watumanga thenga kwachidana ŵazichi ŵawo ŵatatu kuzachirgha ndi kumwa pamoza nawo.

Jobu 6:14

“Yo wakana kuchitikiya ulemu ndi mubwezi wake, wareka kopa Wanthazi-zose.

Ezekiele 14:14

inya, chingana yaŵa ŵanthu ŵatatu. Nowa, Danyele, ndi Jobu ŵenga mwenimo ŵatine ŵataskenge maumoyo ghaku iwo ŵeneko pe kwakulingana ndi urunji wawo, atiti Ambuya Chiuta.