Jobu 1:3 - Tonga Bible 1986

³ Wenga ndi mberere, vikwi vinkhonde ndi viŵi (7,000) ŵagamila vikwi vitatu (3,000) magori gha ng'ombe machumi pe chumi ghankhonde (500), ndi mbunda zinthukazi, machumi pe chumi ghankhonde (500) ndi ŵateŵeti ŵanandi ukongwa, viyo munthu uyu wenga wakuzirwa ukongwa kuruska ŵanthu wose kuvuma.

Jobu 1:3 Referans Kwoze

Jobu 29:25

ndingusankha nthowa yawo ndipo ndenga nge ndi fumu, ndinguja nge ndi karonga mukati mu maliŵanja ghake, nge ngwakusangaruska ŵachilirizi.

Jobu 42:12

Ambuya angutumbika mazuŵa ghakumariya ghaku Jobu kuruska mazuŵa ghake ghakwamba. Wenga ndi mberere vikwi chumi pachanya vinaye (14,000) ndi ŵagamila vikwi vinkhonde ndi chimoza (6,000) ndi ng'ombe za magoŵa chikwi chimoza (1,000) ndi mbunda zinthukazi chikwi chimoza (1,000).

Ŵeruzgi 6:3

Pakuti penipo pose ŵaYisraele ŵangupanda mbutu ŵaMidiyani, ndi Amaleke ndi ŵanthu ŵa kuvuma ŵazanga kuŵapweteka;

1 ŴaKaronga 4:30

viyo kuti zeru yaku Solomoni yinguruska zeru za ŵanthu wose ŵaku vuma, ndi zeru yose ya mu Egipiti.

Maŵerengedu 23:7

Sono Balamu wangukamba ntharika yake, wanguti, “Ku Aramu ndiku wandito ine Balaki, karonga wa Moabu, ku mapiri ghaku maturi gha lumwi: ‘Zanga, uzinditembe Yakobe, zanga uzindinyoze Yisraele!’

Nthanthi 10:22

Chitumbiku cha Ambuya chisakatiska, ndipo kuti asazgiyako chitima cha kwaku cho.

Chiyambo 12:16

Ndipo chifukwa chaku iyo wanguchitiya umampha Abramu; ndipo wenga ndi mberere, ng'ombe, mbunda zinthurumi, ŵaŵanda ŵanthurumi, ŵaŵanda ŵanthukazi, mbunda zinthukazi ndi ŵagamila.

Chiyambo 12:5

Ndipo Abramu wanguto Sarai muwoli wake, ndi Lote mwana munthurumi wa mhurwa wake, ndi usambasi wawo wose weniwo ŵangusambasa, ndi ŵanthu wo ŵanguŵa nawo mu Harani; ndipo ŵangusoka kuruta ku charu cho cha Kanani. Penipo ŵangufika mu charu cha Kakani,

Chiyambo 29:1

Sono Yakobe wangurutiriya pa ulendo wake, ndipo wanguza ku charu cha ŵanthu ŵaku vuma.

Chiyambo 13:6

viyo kuti charu cho chinguziŵa kuŵasunga wose ŵaŵi cha ŵachija pamoza; pakuti mausambasi ghawo ghenga ghakuru ukongwa, kuti ŵanguziŵa kuja pamoza cha,

2 Mikoka 32:29

Wanguzenga so mizi ndi miskambu ya vyakuŵeta, chifukwa Chiuta wangumpaska vyuma vinandi.

2 Mikoka 26:10

Ndipo wanguzenga so vitanthali mu bozwa, ndi wangukumba visima vinandi chifukwa wenga ndi miskambu yinandi ya vyakuŵeta, mu madambo ndi mu vidika. Wenga ndi ŵalimi ŵaminda ya mphereska mu mapiri ndi mu charu cha nyata chifukwa wangwanja nyata.

2 ŴaKaronga 3:4

Sono Mesha karonga wa Moabu wenga wakuŵeta mberere, ndipo waperekanga chirimika ndi chirimika ku karonga waku Yisraele vikwi machumi pe chumi vya ŵana ŵa mberere, ndi weya wa ŵabira vikwi machumi pe chumi.

1 Samuele 25:2

Kuwa kwenga munthu mu Maono, yo nchitu yake yenga ku Karmele. Munthu uyu wenga musambasi; wenga ndi mberere vikwi vitatu (3,000) mbuzi chikwi chimoza (1,000) wasenganga mberere zake mu Karmele.

Ŵeruzgi 6:5

Pakuti ŵazanga ndi ng'ombe zawo ndi mahema ghawo, ŵazanga nge ndi zombe mu unandi, ŵanthu pamoza ndi ŵagamila ŵawo, ŵenga ŵambura maŵerengeka, viyo kuti ŵachiza mwenimo charu chinguzgoka chiparamba.

Chiyambo 34:23

Kumbi ng'ombe zawo, vyuma vyawo, ndi vyakuŵeta vyawo kuti viŵenge vidu cha? Tizomerezgane nawo ŵaka, ndipo ŵakajanga nafwe.”

Chiyambo 25:6

Kweni ku ŵana ŵavidandanu vyake wangupaska vya ulera, ndipo wachalipo wamoyo wanguŵatuzgako ku mwana wake Yisaki, wanguŵatuma kuchiri ku vuma ku charu cha kuvuma.

Ŵeruzgi 8:10

Sono Zeba ndi Zalmuna ŵenga mu Karkoro pamoza ndi liŵanja lawo la nkhondo, akhumba ŵanthu vikwi chumi ndi vinkhonde (15,000), ŵeniwo pe ndi wo ŵangujapo ŵaliŵanja la nkhondo la ŵanthu ŵakuvuma; pakuti vikwi machumi pe chumi ndi machumi ghaŵi (120,000) wo ŵenga ŵakuko malipanga ŵangubayika

Ŵeruzgi 7:12

Ndipo ŵaMidiyani ndi Amaleke ndi ŵanthu wose ŵaku Vuma ŵangula kundondoloska dambo uli ndi zombe mu unandi; ndipo ŵagamila ŵawo ŵenga ŵambura maŵerengeka nge ndi mchenga wapa likumba la nyanja mu unandi.

1 Samuele 27:9

Davidi wangupasuwa charu, wengavi kusiyapo munthurumi pamwenga munthukazi wamoyo, wanguskoŵa mberere, ng'ombe, zimbunda, ŵagamila, ndi vyakuvwara, wanguwere kwaku Akishi.

Jobu 1:4

Ŵana ŵake ŵanthurumi ŵanguziŵiriya kuruta kuŵa ndi dghera mu nyumba yaku we yose waku wo, pa zuŵa lake watumanga thenga kwachidana ŵazichi ŵawo ŵatatu kuzachirgha ndi kumwa pamoza nawo.

Jobu 1:10

Asi mukumuzingizga ndi lisitu, ndi nyumba yake ndi vyose vyo mwe navyo? Mwatumbika mlimu wa manja ghake ndipo viŵetu vyake vyandana mu charu.

Jobu 21:28

pakuti mutiti, ‘Kumbi nyumba ya karonga ye pani? Kumbi lepani hema lo, muheni wajangamo?’

Jobu 31:25

asani ndasekere chifukwa usambasi wangu ngukuru, pamwenga chifukwa manja ghangu ghangusaniya vinandi;

Jobu 31:37

mphanyi ndingumupaska makani gha kayendero kangu kose, mphanyi ndingumufika nge ndi karonga.

Jobu 42:10

Ndipo Ambuya angumuwezge Jobu mwaŵi wake penipo wangurombe mabwezi ghake, Ambuya angumpaska vinandi kuwerezga kaŵi kuruska vyo wanguŵa navyo pakudanga.

Yeremiya 49:28

Gha paku Kedara ndi maufumu ghaku Hazoro gho Nebukadanezara karonga wa Babiloni wangukoso. Viyo atiti Ambuya: “Sokani, skomiyani ku Kedara! Kamaleni ŵanthu ŵaku vuma!

Chiyambo 24:35

Ambuya atumbika ukongwa mbuya wangu, ndipo waŵa mkuru; amupaska viŵeto ndi ŵaliska, siliva ndi golide, ndrama zinandi, waŵanda ŵanthurumi ndi ŵaŵanda ŵanthukazi, ŵagamila ndi zimbunda.

Chiyambo 32:14

mbuzi zinthukazi machumi pe chumi ghaŵi (200), ndi mbuzi zinthurumi machumi ghaŵi (20), mberere zinthukazi machumi pe chumi ghaŵi (200), ndi mberere zinthurumi machumi ghaŵi (20),

2 Samuele 12:2

Uyu musambasi wenga ndi vyakuŵeta vinandi;

2 ŴaKaronga 15:20

Menahemu wangupana ndrama izi ku ŵaYisraele, ŵanthu wo ŵenga ŵaromba mashekelo machumi ghankhonde gha siliva ku munthu we yose, kwachipaska karonga wa Asiriya. Viyo karonga wa Asiriya wanguwere vuli ndi kuti wanguja mu charu chiya cha.

1 Mikoka 27:30

Musungi mura wa ŵagamila, wenga Obili muIshmaeli; musungi mura wa mbunda zinthukazi, wenga Yehidei muMeronoti. Musungi mura wa miskambu ya mberere, wenga Yazizi muHagri.