Jobu 1:21 - Tonga Bible 1986

²¹ Wanguti, “Ndinguza wankhuli kutuwa mu nthumbo ya ama ndipo wankhuli nkhawenga, Ambuya angundipaska, ndipo Ambuya alonda, litumbikike zina la Ambuya.”

Jobu 1:21 Referans Kwoze

Wakutaula 5:15

Nge ndimo wangutuliya mu nthumbo ya anyina wankhuli mo wanguziya ndimo wakarutiyanga so, ndipo kuti wakapinganga kanthu kapa mlimu wake cha, ko watenere kupinga mu janja lake.

1 Timote 6:7

chifukwa kuti nkhuti tingutolemu mu charu chingana nkhanthu kamoza cha, chingana nkhuti tiziŵa kutuzga mu cha chingana nkhamoza,

1 ŴaTesalonika 5:18

mwaku vyose Kristu Yesu kuchiri kwaku imwe.

Yakobe 1:17

Mpasku wose wamampha ndi chawezi chose chizirima nchakutuwa kuchanya chakusika kutuwa ku Dada wa maukweru, mwaku mweniyo mulive ching'anamuka chingana nchiduzi cha ching'anamuka.

Jobu 2:10

Kweni iyo wanguti kwaku iyo, “Ukamba kwakulingana nge yumoza wa ŵanthukazi ŵakupusa wangakambiya. Kumbi tikarondiyanga umampha kutuwa ku janja laku Chiuta, kumbi kuti tikarondiyanga uheni cha?” Mwaku chose ichi Jobu kuti wangunanga cha mukurongoro kwake.

ŴaEfeso 5:20

pakuwonge so nyengo zose Chiuta ndi Dada pa chifukwa chaku vyose mu zina la Ambuyafwe Yesu Kristu.

Yesaya 45:7

Ndiumba ukweru ndi kulenga mdima, ndiŵika umampha ndilenga soka, ndine Ambuya mweniyo wachita vinthu ivi vyose.

Sumu 49:17

Chifukwa asani wafwa kuti wapingengepo kanthu cha; unkhankhu wake kuti ukamurondonga pavuli pake cha.

1 Samuele 2:7

Ambuya akavuska ndi kusambasiska; asiskiya pasi, ndi kusoska so.

Chitenje 3:38

Kumbi kuti nkhu mlomo wa Wapachanya Limu cha; ko kutuwa chamampha ndi chiheni?

Wakutaula 12:7

fuvu liwere ku dongo nge ndimo linguŵiya, ndipo mzimu uwere kwaku Chiuta yo wanguwupaska.

Chiyambo 3:19

Ukarghanga chiŵande, mu dukutira la chisku chako mpaka penipo uweriyenge ku nyata. Pakuti ungutoleka mwenimo; ndiwe fuvu, ndipo ukaweriyanga ku fuvu.”

Mateyu 20:15

Asi kuyiyamu ine kuchita cho ndikhumba pa vyaku ndamweni? Pamwenga vinu uchita sanji chifukwa nde wamampha ine?’

Sumu 39:9

Nde mbuwu, kuti ndibanuwa mlomo wangu cha; chifukwa imwe ndimwe mukuchichita.

Machitidu gha Ŵakutumika 4:28

kwachichitiya vyo vyose janja linu ndi khumbu linu linguteme limu kuŵapo.

Yesaya 42:24

Njani wangumupereka Yakobe ku wakuparghang'a, ndi Yisraele ku ŵakupoka? Kuti ŵenga Ambuya cha ŵeniwo ifwe talakwiya, mu nthowa zaku mweniyo kuti ŵangukhumba kwendamo cha, ndi dangu laku mweniyo kuti ŵangukhumba kuvwiya cha?

Sumu 34:1

Nditumbikenge Ambuya nyengo yose; nyengo yose rumbu lawo liŵenge mu mlomo wangu.

Jobu 1:11

Kweni tambasuwani janja linu sono ndi kukwaska vyose vyo we navyo, ndipo mukawonanga kuti wakamutukaninga pa maso pinu.”

1 Samuele 3:18

Viyo Samuele wangumukambiya vyose ndipo kuti wangubisa kanthu cha. Ndipo Eli wanguti, “Ndi Ambuya; iko achite cho chingaŵa chamampha kwaku iwo.”

Chiyambo 45:5

Ndipo sono rekani kujisuzga pamwenga kukaripa paku mwaŵeni, chifukwa mungundiguliska kuno; pakuti Chiuta wangundituma kumudanjiriyani kwachitaska umoyo.

Amosi 3:6

Kumbi mbata yingambika mumsumba, ndipo ŵanthu ŵangareka kopa? Kumbi chiheni chingaŵamo mu msumba, kwambura kuti chachitika ndi Ambuya?

Yesaya 24:15

Chifukwa cho ku vuma paskani unkhankhu ku Ambuya; mu vyaru vyalikumba la nyanja, ku zina la Ambuya, Chiuta waku Yisraele.

Wakutaula 5:19

Munthu yose yo Chiuta wamupaska usambasi ndi vyuma ndi mazaza ghakukondwe navyo, kuronde phande lake ndi kusekere mu nchitu yake; ichi nchawezi chaku Chiuta.

2 ŴaKaronga 20:19

Sono Hezekiya wanguti kwaku Yesaya, “Mazu gha Ambuya gho wakamba ngamampha.” Pakuti wangughanaghana kuti, “Na kwati, asani kukaŵanga chimangu ndi uja wakufwasa mu mazuŵa ghangu?”

1 ŴaKaronga 12:15

Viyo karonga kuti wanguvwa gha ŵanthu cha; pakuti kwenga kugadabuka kwa vinthu ko kunguchitika ndi Ambuya mwakuti ŵafiske mazu ghawo, gho Ambuya angurongorore mwaku Ahija ku Shilo kwaku Yeroboamu mwana waku Nebati.

2 Samuele 16:12

Njani waziŵa, panyake Ambuya andiwonenge mu kusuzgika kwangu, ndikuti Ambuya andiwezgiyenge umampha mu malo mwakutukika uku zuŵa lino.”

Chiyambo 30:2

Ukari waku Yakobe ungukole paku Rakelo, ndi wanguti, “Kumbi ine nde mu malo ghaku Chiuta, mweniyo wamika kwaku iwe chipasi cha chibali?”

Yakobe 5:11

Awonani, tiwapima ŵamwaŵi wo ŵangukunthiyapo. Nwavwa ndi unkhunthiya wo waku Yobu, ndipo mwaona mo Ambuya wanguufiskiya, pakuti Ambuya mbachitima ukongwa ndi wachifundu.

Ruti 1:21

Ndichiruta ndenga wakuzaza, ndipo wandiwezga wambura kanthu. Mutindidaniyanji Naomi penipo Ambuya andisuzga, ndipo Wanthazizose watole soka likuru paku ine?”

1 Samuele 2:8

Akwezga mkavu kutuwa ku fuvu; asoske pachanya ŵaumphaŵi kutuwa kuchiza, kuŵajariska pamoza ndi ŵana ŵa mafumu ndi kuŵahariska mpando wa chitumbiku. Pakuti viŵanja vya charu chapasi vya Ambuya ndipo pakuvyo achimika charu.

Nehemiya 9:5

Sono ŵaLevi, Yeshua, Kadmieli, Bani, Hashubaniya, Kerebiya, Hodiya, Shebaniya, ndi Pehahiya, ŵanguti, “Imani ndi tumbikani Ambuya Chiuta winu kutuwa ku muyaya kuya ku muyaya. Ndakutumbikika zina linu la unkhankhu lenilo ndakukuzgika pachanya pa thumbiku lose ndi rumbu.”

Jobu 9:12

Wonani wapoka ndiyani wangamukanizga? Ndiyani wakanenanga kwaku iyo, ‘Nchine cho uchita?’

Sumu 34:2

Mzimu wangu utumbwiya mu Ambuya; ŵakusuzgika ŵavwenge ndi ŵakondwenge.

Wakutaula 5:14

usambasi wo unguparghang'ika pakumuziya soka; ndipo pakupapa mwana, walivi kanthu mu janja lake.