Jobu 1:10 - Tonga Bible 1986

¹⁰ Asi mukumuzingizga ndi lisitu, ndi nyumba yake ndi vyose vyo mwe navyo? Mwatumbika mlimu wa manja ghake ndipo viŵetu vyake vyandana mu charu.

Jobu 1:10 Referans Kwoze

Sumu 34:7

Mungelo wa Ambuya watigoŵa kwakuzunguliya wose ŵakuwopa iwo, ndi kuŵataska.

Zekariya 2:5

Chifukwa ine ndiŵenge kwaku wo linga la moto kwakuzunguriya, atiti Ambuya, ndipo ndiŵenge unkhankhu mukati mwakuwo.’ ”

1 Petro 1:5

mwaŵakusungika ndi nthazi yaku Chiuta mu chivwanu ku utaski wakurongosoleke kuvumbulikiya mu nyengo yaumari.

Nthanthi 10:22

Chitumbiku cha Ambuya chisakatiska, ndipo kuti asazgiyako chitima cha kwaku cho.

Zekariya 2:8

Chifukwa atiti viyo Ambuya ŵa maŵanja, pavuli pa unkhankhu wawo angundituma ku mitundu yo yingumuskoŵani; chifukwa yo wakwaska imwe, ndikwesa wakwaska mboni ya jiso lawo:

Jobu 31:25

asani ndasekere chifukwa usambasi wangu ngukuru, pamwenga chifukwa manja ghangu ghangusaniya vinandi;

Chiyambo 15:1

Pavuli pa vinthu ivi mazu gha Ambuya ghanguza kwaku Abramu mu chakuwona, “Ungopanga cha Abramu, Ine nde nguru yako; mphoto yako yikaŵanga yikuru ukongwa.”

Sumu 107:38

Angutumbika khamu lawo ndipo ŵenga ndi ŵana ŵanandi, ndipo angusunga ng'ombe zawo kuti zinguwutuka cha.

Sumu 90:17

Ambuya Chiuta widu, vitumbiku vinu viŵe paku ifwe, ndipo mutisakatiske mwaku vyose vyo tichita! Inya, mwaku vyose mutisakatiske!

Marangu 7:13

Wakwanjeninge ndi kumutumbikani ndi kukwandaniskani. Ndiso watumbikenge ŵana ŵinu, vipasi vya mu minda yinu, trigu winu, vinyo winu, ndi mafuta ghinu, kwandana kwa ng'ombe zinu, ndi ŵana ŵa mberere zinu, mu charu cho wangurapa ku auskemwe kukupaskani.

Chiyambo 26:12

Ndipo Yisaki wangumija mu charu chiya, ndi wanguvuna mu chirimika chenicho machumi pe chumi ghakuwerezgapo. Ambuya angumutumbika,

Yesaya 5:5

Sono ndikakuneniyaninga, cho ndikachitanga ku munda wangu wa mphereska. Ndikapasuwanga lisitu lake, ndipo ukaliwanga: ndibwanganduliyenge pasi linga lake, ndipo ukaphwatikiyanga pasi.

Yesaya 5:2

Wanguwulima wangutuzgamo mya, ndipo wangupandamo mphereska zakusankhika; wanguzenga chitanthali mukati mwake, wangusemiyamo thaŵali la mphereska mukati mwake; wanguwulereze kuti upasenge vipasi, kweni ungupasa vikorakora.

1 Samuele 25:16

ŵanguŵa linga kwaku ifwe ku usiku ndi ku msana, po pose tinguŵiya nawo pamoza kuliska mberere.

Marangu 33:27

Chiuta wa muyaya ndiyo malo ghako ghakujamo, ndipo kusi kwe manja ghake gha muyaya. Ndipo wadikiska ŵakupindikana ŵinu paurongo pinu, ndipo watiti, ‘Parghang'a’.

Sumu 71:21

Mukandikuzganga kuruska pakudanga, ndipo mukandisangaruskanga so.

Jobu 42:12

Ambuya angutumbika mazuŵa ghakumariya ghaku Jobu kuruska mazuŵa ghake ghakwamba. Wenga ndi mberere vikwi chumi pachanya vinaye (14,000) ndi ŵagamila vikwi vinkhonde ndi chimoza (6,000) ndi ng'ombe za magoŵa chikwi chimoza (1,000) ndi mbunda zinthukazi chikwi chimoza (1,000).

Chiyambo 49:25

mwaku Chiuta wa ausu mweniyo wakakovyanga, mwaku Chiuta Wanthazi zose mweniyo wakakutumbikanga ndi vitumbiku vya kuchanya, vitumbiku vya ndimba vyenivyo vija pasi, vitumbiku vyamu chifuŵa ndi vya chibali.

Chiyambo 30:43

Viyo ndimu munthu yo wangukuliya kwakuruska mu usambasi, ndi wenga ndi viŵetu vinandi ukongwa, ŵaŵanda ŵanthukazi ndi ŵaŵanda ŵanthurumi ndi ŵagamila, ndi mbunda.

Chiyambo 30:30

Pakuti wenga ndi zimanavi ndenga ndindaze ine, ndipo zandana kwakuzala; ndipo Ambuya akutumbika kweniko kose ndinguruta. Kweni sono ndi zuŵanji po ndisakatiskenge ŵa nyumba yakundamwene?”

Sumu 80:12

Kumbi mukupasuliyanji malisitu ghake? Sono yose yo wajumphapo waziŵa kuba vipasi vyake.

Sumu 5:12

Chifukwa imwe mutumbika murunji; A Chiuta mutimuzingirizga ndi ulemu nge ndi nguru.

Jobu 29:6

penipo marundi ghangu ndichenda ghasukikanga ndi mkaka; ndipo majarawi ghandidiriyanga twa mafuta!

Marangu 33:11

Ambuya tumbikani uromba wake ndipo muronde nchitu ya manja ghake. Swani viunu vya ŵarwani ŵake, viunu vyaku wo ŵatumutinkha, alinga kuti ŵareke kuyuka so.”

Chiyambo 39:5

Kutuwa pa nyengo yeniyo wangumuŵika mura mu nyumba yake ndi pa vinthu vyose vyo wenga navyo Ambuya angutumbika nyumba yo ya muEgipiti chifukwa chaku Yosefe, chitumbiku cha Ambuya chenga pa vinthu vyose vyo wenga navyo, mu nyumba ndi ku munda.

Jobu 1:3

Wenga ndi mberere, vikwi vinkhonde ndi viŵi (7,000) ŵagamila vikwi vitatu (3,000) magori gha ng'ombe machumi pe chumi ghankhonde (500), ndi mbunda zinthukazi, machumi pe chumi ghankhonde (500) ndi ŵateŵeti ŵanandi ukongwa, viyo munthu uyu wenga wakuzirwa ukongwa kuruska ŵanthu wose kuvuma.

Jobu 29:2

“Owe, asani ndenga mu myezi yo yarutapo, mu mazuŵa gho Chiuta wandilondanga;