Hoseya 9:8 - Tonga Bible 1986

⁸ Mchimi ndi mlonda waku Efraimu, ŵanthu ŵaku Chiuta wangu, kweni chiŵana cha wakuthya che mu nthoŵa zake zose, ndi kutinkha mu nyumba yaku Chiuta wake.

Hoseya 9:8 Referans Kwoze

Hoseya 5:1

Vwani ichi, mwa ŵazukuru! Vwiyani, mwa ŵanyumba yaku Yisraele! Vwiyani, mwa ŵanyumba ya karonga! Chifukwa cheruzgu nchinu; pakuti mwenga chiŵana pa Mizipa, ndi ukonde wakupong'eka pa Taboro.

Ezekiele 3:17

“Mwana wa munthu, ndakuchita uŵe mulonda wa nyumba yaku Yisraele; penipo pose utuvwa mazu ghangu, ukaŵachenjezganga.

Mika 7:4

Wamampha waku wo walingana ndi chatata, wakunyoroka ukongwa waku iwo walingana ndi lisitu la minga. Zuŵa la ŵalonda ŵawo, ndi la chilangu chawo; laza sono, kutimbanyika kwa vinjeru vyawo kwafika.

Yesaya 62:6

Ndaŵikapo ŵalonda pa malinga ghako, Yerusalemu we, msana wose ndi usiku wose kuti wakachetamanga cha. Imwe muŵika Ambuya mu chinkhumbu chinu, mungapumuwanga cha,

ŴaHebere 13:17

Vwiyani ŵarongozgi ŵinu, ndipo ŵatheriyeni: chifukwa iwo ŵalindiya pa chifwa cha mizimu yinu, uli mbeniwo ŵamkamba likonkhoska; alinga ŵalichite ndi chimwemwe, ndipo ndi kudinginika cha: chifukwa chenichi chingaŵiya imwe chambura chanduku.

Yohane 15:24

Asani ndengavi kuchita mwawo nchitu zo munyake wengavi kuchita, mphanyi ŵanguuravi chilakwa: kweni sono kosekose ŵawona ndi ŵatinkha ine ndi Ada so nawo.

Ezekiele 33:7

“Viyo iwe, mwana wamunthu, ndakuŵika mlonda pa nyumba yaku Yisraele; penipo pose utuvwa mazu kutuwa ku mlomo wangu, uŵacheŵeske mwaku ine.

Chitenje 4:13

Ichi chenga chifukwa cha mauheni gha ŵamchimi ŵake ndi kunanga kwa ŵazukuru ŵake, ŵeniwo ŵangudiska mukati mwake, ndopa za ŵanthu ŵarunji.

Chitenje 2:14

Ŵamachimi ŵako ŵakuwone iwe vyakuwona vyakupusika ndi vitesi; ŵalivi kuvumbuwa uheni wako, alinga kuti ŵawezge umampha wako, kweni ŵakuwone iwe vyakuwona vyakupusika ndi vyakukurandizga.

Yeremiya 31:6

Pakuti likaŵangapo zuŵa lo ŵalonda ŵakadananga mu charu cha mitunthu yaku Efraimu: ‘Yukani, tiyeni tirutenge ku Zioni, ku Ambuya Chiuta widu.’ ”

Yeremiya 14:13

Sono ndinguti, “Na, Ambuya Chiuta, ehe, ŵamchimi ŵatiti kwaku wo, ‘Kuti mukawonanga lipanga cha, chingana nkhuti mukaŵanga ndi chilala cha, kweni ndikakupaskaninga chimangu chakuneneska mu malo ghenighano.’ ”

Yeremiya 6:17

Ndingumika ŵalonda paku imwe, ndi kuti, ‘Phwereni ku kuliya kwa mbata.’ Kweni iwo ŵanguti, ‘Kuti tikaphwerenga cha!’

Yeremiya 6:14

Ŵachizga bala la ŵanthu ŵangu kamanavi keni, ŵatiti, ‘Chimangu chimangu’, penipo kulivi chimangu.

Sumu ya Zisumu 3:3

Ŵalonda pa kwendayenda mumsumba ŵangundisaniya. “Kumbi mwamuwona yo mzimu wangu utanja?”

2 ŴaKaronga 13:21

Ndipo nyengo yimoza po ŵaŵikanga munthu wakufwa, ehe, kabungwi ka ŵachivwamba kanguburika ndipo chitanda cho ŵanguchitaya mu muunda waku Elisha, ndipo penipo chitanda cho chingukwaska viwanga vyaku Elisha, wakufwa yo wanguyuka, wanguma jo.

2 ŴaKaronga 7:19

Ndipo nduna yiya yingwamuka munthu waku Chiuta, “Asani Ambuya iwo ŵeneko ŵangujura madangazi gha kuchanya, kumbi chingachitika ichi?” Ndipo iyo wanguti, “Ukachiwonanga ndi maso ghako kweni kuti ukarghangapo cha.”

2 ŴaKaronga 7:2

Sono nduna yira, yo karonga waŵakangapo mtima wake yingunena ndi munthu waku Chiuta, “Asani Ambuya iwo ŵeneko ŵangujura madangazi gha kuchanya, kumbi chingachitika ichi?” Iyo wanguti, “Iwe ukachiwonanga ndi maso ghako, kweni kuti ukarghangapo cha.”

2 ŴaKaronga 5:27

Chifukwa cho makhate ghaku Namani ghakaniliyenge mwako, ndi kumphapu yako muyaya.” Viyo wangutuwa pa maso ghake wa makhate, ghakutuwa uli ndi matalala.

2 ŴaKaronga 5:14

Viyo wangusikiyako ndi wangujibizga kankhonde ndi kaŵi mu Yordane, kwakuyana ndi mazu gha munthu waku Chiuta, ndipo liŵavu lake linguweremo nge ndi liŵavu la mwana numana, ndipo wangutozgeka.

2 ŴaKaronga 4:43

Kweni mteŵeti wake wanguti, “Ndiperekenge uli ivi ku ŵanthu machumi pe chumi?” Viyo wanguwerezgapo, “Vipereke ku ŵanthu wo alinga ŵarghenge, pakuti ndimo anene Ambuya, ŵakarghanga ndipo vikajangako vinyake.”

2 ŴaKaronga 4:41

Iyo wanguti, “Zani ndi ufwa.” Ndipo wanguwudira mukhali, wanguti, “Ŵagaŵiyeni ŵanthu, ŵarghenge.” Ndipo mwengavi urwani mu nkhali.

2 ŴaKaronga 2:21

Wanguruta ku chisima cha maji, wangudira mche mu chisima cho, ndi wanguti, “Ambuya atiti, ‘Ndachizga maji yagha, kwamba mono kaya ndi nyifwa manyi nkhusoposka kuti vikatuwanga mwaku gho cha.’ ”

2 ŴaKaronga 2:14

Sono wanguto chivwalo chaku Eliya cho chingumbotoka kwake, ndi wangupuma maji, wanguti, “Wepani Ambuya Chiuta waku Eliya?” Ndipo wanguti waghapuma maji, ghangupatukana ghanguma uku ndi uku, ndipo Elisha wangwambuka.

1 ŴaKaronga 22:28

Ndipo Mikaya wanguti, “Asani wamuwe mu chimangu, iku Ambuya kuti angukambiya mwangu cha.” Ndipo iyo wanguti, “Avwani, mwa ŵanthu!”

1 ŴaKaronga 22:22

Ndipo Ambuya anguti kwaku wo, ‘Ndifundu uli?’ Ndipo unguti, ‘Ndikarutanga kwenikuwa, ndi po ndamkuŵa mzimu wakupusika mu mlomo wa ŵamchimi ŵake wose.’ Ambuya anguti, ‘Wakumunyengadi, ndipo wamkumugoda; rutanga ukachite viyo.’

ŴaRoma 3:7

Kweni asani chifukwa cha utesi wangu uneneska waku Chiuta ungufurwiya ku unkhankhu wake, chifukwa chine ine nane ndeche kweruzgika uli ndi mlakwi?

1 ŴaKaronga 22:11

Ndipo Zedekiya mwana waku Kenani wangujipangiya masengwe gha chisulo, ndi wanguti, “Viyo atiti Ambuya, ‘Ndi yagha mwamudikiska ŵaSiriya mpaka po ŵamara.’ ”

1 ŴaKaronga 22:6

Sono karonga ŵaYisraele wanguwungang'a pamoza ŵamchimi, akhumba ŵanthu machumi pe chumi ghanayi, wanguti kwaku wo, “Kumbi ndirutenge ku nkhondo kwachirwa ndi Ramoti-gileada, pamwenga ndireke?” Ndipo iwo ŵanguti, “Kweriyaniko; chifukwa Ambuya akawuperekanga mu janja la karonga.”

1 ŴaKaronga 18:19

Viyo sono tuma ndi uwungang'e ŵaYisraele wose kwangu pa phiri Karmele, ndi ŵamchimi machumi pe chumi ghanayi ndi machumi ghankhonde (450) ŵaku Bala ndi ŵa mchimi machumi pe chumi ghanayi (400) ŵaku Ashera, ŵeniwo ŵaturgha pa gome laku Yezebelu.”

1 ŴaKaronga 18:1

Pavuli pa mazuŵa ghanandi, mazu gha Ambuya ghanguza kwaku Eliya, mu chirimika cha chitatu, ghakuti, “Ruta, ukajirongo kwaku Ahabu, chifukwa ndikatumanga vuwa pa charu chapasi.”

1 ŴaKaronga 17:1

Sono Eliya mu Tishibe waku Tishibe mu Gileada, wanguti kwaku Ahabu, “Ulaka ndimo aliri amoyo Ambuya Chiuta waku Yisraele, paurongo paku mweniyo ine ndituma, kuti kukaŵanga dungwi chingana ndi vuwa cha virimika ivi, kweni pa mazu ghangu pe.”

Sumu 124:7

Tapozomoka nge nkhayuni mu chiŵana cha wakunthya; chiŵana chadumuka, ndipo ifwe tapozomoka!

Wakutaula 9:12

Pakuti munthu kuti waziŵa nyengo yake cha. Ulaka nge ndi somba zo zakoreka mu chirepa chiheni, ndipo nge nthuyuni to twawira muchiŵana, viyo ŵana ŵa ŵanthu ŵakuwiya mu nyengo yiheni, po yituŵawiya kwa mabuchibuchi.

Yeremiya 23:13

Mu ŵamchimi ŵamu Samaria ndinguwonamo chinthu chakupusa: ŵachimiyanga mwaku Bala, ndipo ŵangurandizga ŵanthu ŵangu ŵaYisraele.

Hoseya 9:7

Mazuŵa ghakurangikiya ghafika, mazuŵa ghakuwezge thayu ghafika. Yisraele wakaghaziŵanga. Mchimi ngwakupusa, munthu wa mzimu wafuntha, chifukwa cha ubendezi winu ndi kutinkha kukuru.

Hoseya 9:9

Ŵajivundiska ukongwa nge ndi mu mazuŵa ghaku Gibeya. Wakumbukenge ubendezi wawo; waŵarengenge chifukwa cha maulakwi ghawo.

Yeremiya 11:19

Kweni ndenga nge ndi mberere yakuzika yakurongozgeke kukubayika. Ndengavi kuziŵa kuti chenga paku ine ŵangupangirana machitidu gha chiŵembo pa mutu wangu, ŵakuti, “Tiyeni tiphwanye chimuti ndi chipasi chake, tiyeni timudumuweko ku charu cha ŵamoyo, mwakuti zina lake lireke kukumbukika so cha.”