Hoseya 9:6 - Tonga Bible 1986

⁶ Chifukwa ehe, ŵaruta ku Asiriya; Egipiti waŵawunjikenge, Mefisi waŵaŵikenge mu masano. Ukasi ukataŵanga pachanya pa vyakuzirwa vyawo vya siliva, minga yiŵenge mu mahema ghawo.

Hoseya 9:6 Referans Kwoze

Hoseya 10:8

Malo gha pachanya ghaku Avene, ndi kwananga kwaku Yisraele, vyose vimarenge. Minya ndi nthula vikamenga pa majochero ghawo; ndipo ŵakatinge ku mapiri, “Wiyani paku ifwe”; ndi mitunthu, “Tivunikiriyeni.”

Yesaya 5:6

Ndikauchitanga mapopa, kuti ŵakaupanthiyanga chingana nkhuulima cha, kankhande ndi minga vikamengamo; ndikalanguliyanga mitambo kuti yireke kung'iyapo vuwa paku wo.

Hoseya 9:3

Kuti ŵakajanga mu charu cha Ambuya cha; kweni Efraimu wakawerenga, ku Egipiti, ndipo ŵamukurgha kurgha kuheni mu Asiriya.

Hoseya 8:13

Ŵatanja sembe; ŵapereka sembe ya nyama ndi ŵatiyirgha; kweni Ambuya kuti akondwa nawo cha. Sono wakumbukenge ubendezi wawo ndikuŵaranga chifukwa cha kulakwa kwawo; ŵawerenge so ku Egipiti.

Hoseya 7:16

Ŵawere kwaku Bala; ŵakozgana ndi uta wakupusika, mafumu ghawo ghazamubayika ndi lipanga chifukwa cha nkhaza za lilimi lawo. Ichi ndicho chamukuŵa chilengesku chawo mu charu cha Egipiti.

Yesaya 7:23

Mu zuŵa lo malo ghose mwenimo kale mwenga miti ya mphereska chikwi chimoza, yapa mtengo wa mashekelo gha siliva chikwi chimoza, yikasandukanga kankhande ndi minga.

Hoseya 11:11

Wakazanga ŵakutenthema nge nthuyuni twakutuwa ku Egipiti, nge ndi nkhunda zakutuwa ku Asiriya, ndipo nkhaŵawezgiyanga ku mizi yawo, atiti Ambuya.

Hoseya 7:13

Owe, kwaku iwo; chifukwa ŵapatuka ku kwaku ine! Pharghaniko kwaku iwo chifukwa ŵagaruka kwaku ine! Ndingukhumba kuŵawombo kweni ŵatindikambiya utesi.

Yesaya 34:13

Minga yikamenga pa malinga ghake, kabata ndi kuchiwanga mu malo ghake ghakuvikiriya. Mukaŵanga mwakupikiskana ŵakambwe, mwakugona viyuni.

Yesaya 32:13

pakuti mu nyata ya ŵanthu ŵangu mwame minga ndi kankhande, inya, chifukwa cha nyumba za kukondwa mu muzi walikondwa.

Yesaya 27:12

Mu zuŵa liya kwamba ku msinji Efrate kwachifika ku kamsinji kaku Egipiti Ambuya akapwanthanga trigu, ndipo mukaunjikikanga yumoza yumoza, mwa ŵanthu mwe waku Yisraele.

Yesaya 19:13

Ŵeruzgi ŵa Zoani ŵasanduka ŵabereŵeza, ndipo ŵeruzgi ŵa Mefisi ŵapusikika, wo ndi mya ya nyondo ya makhamu ghake ŵarandizga Egipiti.

Yesaya 11:11

Mu zuŵa liya Ambuya akarutirizganga mbwenu janja lawo nyengo yachiŵi, kusaniya wakujapo wa ŵanthu ŵawo, kutuwa ku Asiriya, ku Egipiti, ku Patrosi, ku Etiopia, ku Elami, ku Shinari, ku Hamati, ndi ku vyaru vya mu likumba la nyanja.

Nthanthi 24:31

ndipo ehe, wose unguŵinda ndi minga; charu chinguŵinda ndi kabata, ndipo lisitu lake la mya lingubwangandukiya pasi.

Sumu 107:34

Achitiska charu cha nyata kuŵa charu cha mche wakusukuruka, chifukwa cha uheni waŵakujamo.

2 ŴaKaronga 13:7

Pakuti kwengavi kusiyikako so kwaku Jehoyahazi liŵanja la nkhondo lakuruska wapakavalo machumi ghankhonde ndi magareta chumi ndi ŵakwenda pasi vikwi chumi, chifukwa karonga waSiriya wanguŵaphwanya ndi wanguŵachita uli ndi fuvu lapa mbuli.

1 Samuele 13:6

ŴaYisraele ŵanguti ŵawona kuti ŵafinyikizgika pakuti ŵangunyekezgeka ukongwa, ŵangubisama mu zimphanji, mu majarawi, mu masano, ndi mu zingarande,

Yeremiya 2:16

Ndipo so ŵanthu ŵamu Mefisi ndi Tafanesi ŵaswa mphumphu yapa mutu wako ya ufumu.

Yeremiya 42:22

Sono chifukwa cho ziŵiskani kuti mukafwanga ndi lipanga, ndi chilala, ndi chideru mu malo ghenigho munweka kwachijamo.”

Yeremiya 44:1

Mazu gho ghanguza kwaku Yeremiya gha pa ŵaYuda wose wo ŵajanga mu charu cha Egipiti, pa Migidoli, pa Tapanesi, Mempisi, ndi mu charu cha Patarosi,

Yeremiya 46:14

“Ziŵiskani mu Egipiti, memezani mu Migidoli, memezani mu Mempisi ndi Tapanesi; nenani, ‘Mume ndipo murongosoleke, pakuti lipanga likarghanga kwakuzunguliya imwe!’

Yeremiya 46:19

Jirongosoliyeni katundu waku umkoli, owe mwa ŵakuja mu Egipiti imwe! Pakuti Mempisi wakaŵanga mapopa, phasulu wambura wakujamo.

Ezekiele 30:13

“Viyo atiti Ambuya Chiuta: Ndiparghang'enge ŵangoza, ndikurekeska vikozgo mu Mefisi; kuti mukaŵanga so fumu cha mu charu cha Egipiti inya ndiŵikengemo mantha mu Egipiti.

Ezekiele 30:16

Ndipembenge moto mu Egipiti; Pelusimu wakaŵanga mu soka likuru; Tebesi wakabwangandukanga, malinga ghake ghakawiskikanga.

Hoseya 2:6

Chifukwa ichi nkhajaranga nthowa yake ndi minga, ndi kuyizungurizga ndi mupanda kuti wareka kuwona nthowa zake.

Hoseya 7:11

Efraimu wenge ndi nkhunda, yakupusa ndi yambura zeru; wadana ku Egipiti, watiya ku Asiriya.

Zefaniya 1:11

Tenjeni, mwakuja mu misika! Chifukwa ŵamaronda wose ŵakumara; wose wo ŵapima siliva ŵakumara.

ŴaLevi 26:33

Ndipo ndikaparghang'iyanga imwe mu mitundu, ndipo nkhawewepuwanga lipanga mu chibazi kukudikiskani; charu chinu chikaŵanga phasulu, ndipo misumba yinu yikaŵanga mapopa.

Yeremiya 44:12

Ndikatonga ŵakujako ŵaku Yuda wo ŵalazga maso ghawo kuzachija ku charu cha Egipiti; ndipo wose ŵakamaranga ŵakawanga mu charu cha Egipiti; ŵakabayikanga ndi lipanga, ndi chilala; kwamba ku mumana kufika ku mura wakamariya, ŵakafwanga ndi lipanga ndi chilala, ndipo ŵakaŵanga chakutukika, chakofya, thembo, ndi chitozeru.

Yeremiya 44:13

Ndikalanganga wo ŵaja mu charu cha Egipiti, uli ndimo ndalangiya Yerusalemu, ndi lipanga, ndi chilala, ndi chideru;