Hoseya 9:4 - Tonga Bible 1986

⁴ Kuti ŵamupaska sembe za vinyo cha kwa Ambuya; ndipo kuti ŵakumukondweska iyo cha ndi sembe zawo. Chiŵande chawo chikaŵanga nge nchiŵande cha ŵakutenje; wose wo ŵakachirghanga ŵakakazuzgikanga chifukwa chiŵande chawo chiŵenge cha nja yawo pe; kuti chikaserenga mu nyumba ya Ambuya cha.

Hoseya 9:4 Referans Kwoze

Hoseya 8:13

Ŵatanja sembe; ŵapereka sembe ya nyama ndi ŵatiyirgha; kweni Ambuya kuti akondwa nawo cha. Sono wakumbukenge ubendezi wawo ndikuŵaranga chifukwa cha kulakwa kwawo; ŵawerenge so ku Egipiti.

Yeremiya 6:20

Kafukwa nkhane ko vyakusunkhizga viziya kwangu kutuliya ku Sheba, pamwenga mijuŵa kutuliya kucharu cha kutali? Sembe zinu zakocha kuti zirondereka cha, chingana ndi mipasku yinu kuti yitindikondweska cha.

Marangu 26:14

Ndilivi kurghapo chachichumi penipo ndatenjenga, pamwenga kutuzgako penipo ndenga wambura kuphotoka. Ndilivi kusaskako nanga nchimoza ku ŵakufwa. Ndavwiya mazu gha Ambuya Chiuta wangu kuchita vyose vyo mwandilanguliya.

Yoele 2:14

Njani waziŵa kuti wakawengako cha ndi kung'anamuka, ndikusiya thumbiko kuvuli kwake, mpasku wa vyakurgha ndi mpasku wa vyakumwa kupereka kwa Ambuya Chiuta winu?

Hoseya 3:4

Chifukwa ŵana ŵaku Yisraele ŵakajanga mazuŵa ghanandi kwambura karonga pamwenga fumu, kwambura sembe pamwenga mzati, kwambura mphenduzga pamwenga ŵakaboni.

Ezekiele 24:17

Fwifwinthiya, kweni kwakuvwika cha; kuchita kutenjere wakufwa cha. Manga chilemba chako, vwara viyato vyako; ungajaranga milomo yako cha, nanga nkhurgha chiŵande cha ŵakutenje.”

Yohane 6:51

Ine ndine Chiŵande chamoyo, cho chasoromoka kuchanya: asani yumoza wangarghapo chiŵande chenichi, wajaririyenge wamoyo ku muyaya: ndipo chiŵande nacho cho ine ndipaskenge pa chifwa cha umoyo wa charu ndi liŵavu langu.”

Malaki 2:13

Muzumbwiska jochero la Ambuya ndi masozi, ndi kuliya ndi kutamantha, chifukwa iyo kuti weche so kuphwere cha mpasku pamwenga kuuronde ku manja ghinu ndi ulemu.

Amosi 5:22

Chingana mundipaska sembe zinu zakocha ndi sembe zinu za vyakurgha kuti ndizirondiyenge cha, ndi sembe zinu za chimangu za nyama zinu zakututuŵa kuti ndizilereskenge cha.

Yoele 1:13

Vwarani chigudulu, muliye imwe ŵazukuru, tenjeni mwa ŵateŵeti ŵa jochero la sembe. Sereni, mwaŵakuvwala vigudulu ndi cherezgani usiku wose, owe! Mwa ŵateŵeti ŵaku Chiuta wangu! Chifukwa mpasku wa vyakurgha ndi mpasku wa vyakumwa vyagota ku nyumba yaku Chiuta winu.

Ezekiele 24:22

Imwe mukachitanga mo ine ndachitiya kuti mukajaranga milomo yinu cha, pamwenga kurgha vya ŵakutenje.

Yesaya 66:3

“Yo wabaya ng'ombe walingana ndi wakubaya munthu; yo wapereka chisopo cha mwana wamberere, walingana ndi yo wafyo khosi la garu; yo wapereka mpasku wa ufwa walingana ndi yo wasaska ndopa za nkhumba; yo wachita mpasku wa chikumbusku wa vyachema walingana ndi yo watumbika ngoza. Yaŵa ŵasankha nthowa yo ŵeneko, ndipo mtima wawo ukondwere mu maukazuzi ghawo;

Yesaya 57:6

Mukati mu mya ya nkhulungo yamu dambo mwe chigaŵa chinu; iyo, yeniyo pe, ndi mphenduzga yinu; kwaku yo mwadira mpasku wakumwa, mwatoliyako mpasku wa ufwa. Kumbi ndikachetamiskikanga pa vinthu ivi?

Maŵerengedu 28:2

“Walanguliye ŵaYisraele, uŵanene kuti, ‘Muphwerenge kupereka kwangu pa nyengo yake yakutemeka, mpasku wangu, kurgha kwa mipasku yangu yapa moto, fungu lamampha.’

ŴaLevi 21:21

paulevi munthu yumoza wakupapika mwaku Aroni mzukuru wakuŵa ndi kalema yo wakazanga kufupi kuzachipereka sembe za Ambuya zapa moto, pakuti wendi kalema, kuti wazenge kufupi cha kuzachipereka chiŵande chaku Chiuta wake.

ŴaLevi 21:17

“Kamba kwaku Aroni, paulevi nanga njumoza wakupapika mwaku iwe mu migoneze yose, yo wendi kalema wakazanga kupereka chiŵande chaku Chiuta wake.

ŴaLevi 21:8

Mukamupatuwanga pakuti iyo wapereka chiŵande chaku Chiuta winu; kwaku imwe wakaŵanga wakupaturika, pakuti Ine mbuyamwe yo wapatuwa ndi kutoweska imwe, nde wakupaturika.

ŴaLevi 21:6

Ŵakaŵanga ŵakupaturika kwaku Chiuta wawo, kweni kukazuzga zina laku Chiuta wawo cha; pakuti iwo ŵapereka sembe zapa moto ku Ambuya, chiŵande chaku Chiuta wawo; chifukwa cho ŵakaŵanga ŵakupaturika.

ŴaLevi 17:11

Pakuti umoyo wa liŵavu ndi ndopa; reka ndazisankha kuŵa zakupepeske pa jochero chifukwa chinu: ndi ndopa, ndizo umoyo, ndizo zichita mphepeska.

Chituwa 40:23

ndipo wanguŵikapo chiŵandi paku lo mwakwene paurongo pa Ambuya; uli ndimo Ambuya angulanguliya Mosese.

Maŵerengedu 19:11

“Wakukwaska chiŵanda cha munthu we yose wakaŵanga wakunguzgika mazuŵa ghankhonde ndi ghaŵi;

Maŵerengedu 4:7

Ndipo pa gome la viŵande vya pamaso paku Chiuta ŵatandikengepo saru ya bulu, ndi kujarikapo zimbali, ndelema za kochapo chema, twabalasuma, ndi nkhombo zakupereke vyakumwa; viŵande vya mazuŵa ghose navyo viŵenge penipo;

Chituwa 29:40

ndipo pamoza ndi kamberere kakundanga, mweso wa umoza wa chumi wa ufwa wakuti ng'ibu wakusazga pamoza ndi chigaŵa cha chinayi cha supa ya mafuta ghakwenguwa, ndi chigaŵa cha chinayi cha supa ya vinyo, kuŵa chakupepeske.

Yeremiya 16:7

Palivi yumoza wakamupaskanga wakutenje chiŵande, kumusangaruska chifukwa cha wakufwa; chingana nkhuti pakaŵanga nanga njumoza cha wakumupaska chandi cha chisangarusku kumwa chifukwa cha wiske pamwenga nyina.

Danyele 1:8

Kweni Danyele kuti wangukhumba cha kujikazuzga ndi kurgha kunandi kwa karonga, pamwenga ndi vinyo yo wamwanga; viyo wanguŵeyere mura wa ŵamuthenu kuti wamuzomerezge kureka kujikazuzga.

Yoele 1:9

Sembe ya vyakurgha ndi sembe ya vyakumwa zarekeka mu nyumba ya Ambuya. Ŵazukuru ŵatenje, ŵateŵeti ŵa Ambuya.

Hoseya 7:16

Ŵawere kwaku Bala; ŵakozgana ndi uta wakupusika, mafumu ghawo ghazamubayika ndi lipanga chifukwa cha nkhaza za lilimi lawo. Ichi ndicho chamukuŵa chilengesku chawo mu charu cha Egipiti.