Hoseya 9:3 - Tonga Bible 1986

³ Kuti ŵakajanga mu charu cha Ambuya cha; kweni Efraimu wakawerenga, ku Egipiti, ndipo ŵamukurgha kurgha kuheni mu Asiriya.

Hoseya 9:3 Referans Kwoze

Ezekiele 4:13

Ambuya anguti, “Viyo ndimo ŵaYisraele ŵakarghiyanga chiŵande chawo chakukazuzgika, mukati mu mitundu yo ndikaŵadikiyangamo.”

Hoseya 8:13

Ŵatanja sembe; ŵapereka sembe ya nyama ndi ŵatiyirgha; kweni Ambuya kuti akondwa nawo cha. Sono wakumbukenge ubendezi wawo ndikuŵaranga chifukwa cha kulakwa kwawo; ŵawerenge so ku Egipiti.

ŴaLevi 25:23

Paulevi kuguliskiya limu charu, pakuti charu nchangu; imwe mutuza mwaku cho nge mbalendo ndi ŵakutandara.

Yeremiya 2:7

Ndipo ndingumutoliyani mu charu cha vyakuzala, kurgha vipasi vyake ndi vyamampha vyake. Kweni munguti mwaseremo imwe mungukazuzga charu changu, ndipo mungukazuzga ŵanthu ŵangu.

Hoseya 7:11

Efraimu wenge ndi nkhunda, yakupusa ndi yambura zeru; wadana ku Egipiti, watiya ku Asiriya.

Danyele 1:8

Kweni Danyele kuti wangukhumba cha kujikazuzga ndi kurgha kunandi kwa karonga, pamwenga ndi vinyo yo wamwanga; viyo wanguŵeyere mura wa ŵamuthenu kuti wamuzomerezge kureka kujikazuzga.

Yeremiya 16:18

Ndipo ndikaŵawerezgiyangapo kwa kaŵi pa utimbanizi ndi uheni wawo, chifukwa ŵakazuzga charu changu ndi viŵanda vya ŵangoza ŵawo ŵa ŵaka, ndipo ŵazaza charu changu ndi maukazuzi ghawo.”

2 ŴaKaronga 17:6

Mu chirimika cha chinkhonde ndi vinayi chaku Hosheya karonga yo wa Asiriya wangupoka Samaria, ndi wanguyora ŵaYisraele kuyanawo ku Asiriya, wanguŵaŵika mu Hala, ndi pa Haboro, msinji waku Gozani, ndi msumba ya Dedisi.

1 ŴaKaronga 9:7

po ndipo ndikamudumuwangako Yisraele ku charu chenicho ndikuŵapaska; ndi nyumba yeniyo ndatoweske zina langu ndikayituzgangako ku maso ghangu; ndipo Yisraele wakaŵanga nthanthi ndi mphekuru mu makhamu ghose gha ŵanthu.

Marangu 28:63

Ndipuuli ndimo wangukondwere kumuchitiyani umampha ndi kumwandaniskani, ndimo Ambuya akakondwiyanga mu kutole pharghang'iku pinu ndi kumumarani, ndipo mukazuwikanga mu charu chenicho mukaserengamo kwachiŵa chinu.

Marangu 4:26

zuŵa lino ndidana kuchanya ndi charu chapasi kuŵa ŵakaboni paku imwe kuti mwamuparghang'ika sosonukweni mu charu cho mutambukiyamo Yordane kwachironda kuŵa chinu, kuti mwamujamo nyengo yitali cha, kweni mwamupasuka.

Machitidu gha Ŵakutumika 10:14

Kweni Petro wanguti, “Awa na, Ambuya: pakuti kali kose ndirive kurgha kanthu kaŵaka ndi kamwikhu.”

Mika 2:10

Yuka rutanga, pakuti yagha kuti ndimalo cha ghakupumuliyapo; chifukwa cha uheni wo ubwanganduwa ndi kubwanganduka kwakofya.

Hoseya 11:11

Wakazanga ŵakutenthema nge nthuyuni twakutuwa ku Egipiti, nge ndi nkhunda zakutuwa ku Asiriya, ndipo nkhaŵawezgiyanga ku mizi yawo, atiti Ambuya.

Hoseya 11:5

Ŵakawerenga ku charu cha Egipiti, ndipo Asiriya wakaŵanga karonga wawo, chifukwa ŵakana kuwere kwaku ine.

Hoseya 9:6

Chifukwa ehe, ŵaruta ku Asiriya; Egipiti waŵawunjikenge, Mefisi waŵaŵikenge mu masano. Ukasi ukataŵanga pachanya pa vyakuzirwa vyawo vya siliva, minga yiŵenge mu mahema ghawo.

Yoswa 23:15

Kweni ulaka ndimo Ambuya Chiuta winu wafiskiya vyamampha vyose vyo wangupangana paku imwe, viyo so ndimu Ambuya akatoriyanga paku imwe viheni vyose, mpaka po amubwanganduwani mu charu chamampha ichi cho Ambuya Chiuta winu wakupaskani,

Marangu 28:68

Ndipo Ambuya akamuwezgiyaninga ku Egipiti mu zingaraŵa, ulendo weniwo ndingupangana kuti mukawendanga so cha, mwenimuwa mwakujiguliska ku ŵakupindikana ŵinu kuŵa ŵaŵanda ŵanthurumi ndi ŵaŵanda ŵanthukazi, kweni pamuwulavi munthu yo wakumugulani.”

ŴaLevi 20:22

“Chifukwa cho mukasunganga malangulu ghangu ghose ndi vyeruzgu vyangu vyose, ndi kuvichita, alinga kuti charu cho nditumutoliyaniko kwachijamo chireke kumuwukuwani.

ŴaLevi 18:28

muchenje vinu charu cho chingamuwukuwani, muchichikazuzga, uli ndimo chinguwukuliya mtundu wo wengamo kale.

Chitenje 5:6

Tichita kuko rundi ku ŵaEgipiti ndiku Asiriya, kuti tiŵe ndi kurgha kwakuguta.

Hoseya 7:16

Ŵawere kwaku Bala; ŵakozgana ndi uta wakupusika, mafumu ghawo ghazamubayika ndi lipanga chifukwa cha nkhaza za lilimi lawo. Ichi ndicho chamukuŵa chilengesku chawo mu charu cha Egipiti.

Amosi 7:17

Viyo mu chifukwa ichi atiti Ambuya: ‘Muwoli wako waŵenge mureŵi mu msumba, ndipo ŵana ŵako ŵanthurumi ndi ŵana ŵako ŵanthukazi ŵakabayikanga ndilipanga, ndi charu chako chamugaŵika ndi chipimo cha chingwe, ndipo wamweni wamufwiya mu charu cha ukazuzi; ndipo Yisraele wakarutanga nadi ku uŵanda kutali ndi charu chake!’ ”