Hoseya 9:15 - Tonga Bible 1986

¹⁵ Uheni wawo wose wemu Gilgala; kwenikuwa ndiko ndingudanga chaŵatinkha. Chifukwa cha uheni wa milimu yawo, nkhaŵatuzganga mu nyumba yangu. Ndiŵanjenge so cha; mafumu ghawo ghose ghandigaruka.

Hoseya 9:15 Referans Kwoze

Hoseya 12:11

Asani mwe utimbanizi mu Gileada, nadi ŵaŵenge ŵaŵakaŵaka; asani mu Gilgala wapereka sembe ya zinkhuzi, majochero ghawo ghaŵenge nge ndi ndundu ya mya mu migandu ya munda.

Hoseya 4:15

Chingana muchita maureŵi, imwe ŵaYisraele, kweni Yuda wangananganga cha. Mungazanga ku Gilgala cha chingana nkhukwere ku Betavene, pamwenga kurapa, “Ambuya wamoyo.”

Yesaya 1:23

Ŵaraŵara ŵinu ŵaŵa vigaruka ndi mabwezi gha ŵankhungu. We yose watanja vinda ndipo ŵaunukiya vyaulera. Kuti ŵavikiriya ŵana ŵaranda cha, ndipo makani gha choko ŵatighaphwere cha.

Amosi 5:5

“Penjani ine ndipo muŵenge ŵamoyo; kweni mungapenjanga Betele, ndipo mungaserenga mu Gilgala cha, pamwenga kujumpha Beresheba; chifukwa Gilgala wakarutanga nadi ku umkoli, ndi Betele nayo wasandukenge chawaka.”

1 Samuele 7:16

Ndipo wayendanga mwakuzunguliya chirimika ndi chirimika ku Betele, Gilgala, ndi Mizpa; wangweruzga ŵaYisraele mu malo ghose yagha.

Zefaniya 3:3

Nduna zake mukati mwake ze nge ndi nkharamu yakukoroma; ŵeruzgi ŵake ndi mphumphi za mazulo zo kuti zisiya kanthu cha mpaka ndi mlenji.

Mika 6:5

A! Mwa ŵanthu ŵangu, kumbukani cho Balaki, karonga wa Moabu wangughanaghana; ndi cho Balamu mwana waku Beori wangumwamuka; ndi cho chinguŵako kutuwa ku Shitimi ku Gilgala, mwakuti muziŵe milimu ya utaski wa Ambuya.”

Machitidu gha Ŵakutumika 4:27

“Chifukwa mu msumba uno ŵanguwungirana pa Muŵanda winu Wakupaturika Yesu, yo mungupatuwa, Herode ndi so Pontio Pilato, pamoza ndi Mitundu ndi makhamu ghaku Yisraele,

Zekariya 11:8

Mu mwezi umoza ndingutuzgako ŵaliska ŵatatu. Kweni ndingukaripa nawo, iwo nawo ŵangunditinkha.

Mika 3:11

Ŵarongozgi ŵake ŵateruzgiya chimbundi, ŵazukuru ŵake ŵasambizgiya mphoto, ŵamchimi ŵake ŵaloska chifukwa cha ndrama; ndipuuli ŵayegeme ku Ambuya ndi ŵatiti, “Kumbi Ambuya ŵe mukati mwidu cha? Uheni kuti ukatiwiyanga cha.”

Amosi 5:27

chifukwa ichi nkhamutoriyaninga ku uŵanda kujumpha Damasko,” atiti Ambuya mweniyo zina lake ndi Chiuta wa maŵanja.

Amosi 4:4

“Zani ku Betele, muzachilakwa; ndipo ku Gilgala, mwandaniske maulakwi; zani ndi sembe zinu, mlenji we wose, ndi vigaŵa vya chichumi paziŵa le lose la chitatu;

Hoseya 9:17

Chiuta wangu waŵatayenge, chifukwa ŵalivi kumuvwiya; ŵaŵenge ŵakuyinga mukati mu mitundu.

Hoseya 9:3

Kuti ŵakajanga mu charu cha Ambuya cha; kweni Efraimu wakawerenga, ku Egipiti, ndipo ŵamukurgha kurgha kuheni mu Asiriya.

Hoseya 7:2

Kweni ŵaghanaghana cha kuti ndikumbuka nchitu zawo zose ziheni. Sono milimu yawo yaŵazinga, ye pa maso pangu.

Hoseya 4:9

Kukaŵanga viyo ku ŵanthu, ndi ŵazukuru, ndiŵarangenge chifukwa cha kendero kawo, ndi kuŵawezge nchitu zawo.

Hoseya 3:4

Chifukwa ŵana ŵaku Yisraele ŵakajanga mazuŵa ghanandi kwambura karonga pamwenga fumu, kwambura sembe pamwenga mzati, kwambura mphenduzga pamwenga ŵakaboni.

Hoseya 1:9

Ndipo Ambuya anguti, “Umudani zina lakuti ‘Ndimwe ŵanthu ŵangu cha,’ chifukwa kuti mwe ŵanthu ŵangu cha ndipo ine kuti nde Chiuta winu cha.”

Hoseya 1:6

Gomere wanguzuuka so wangupapa mwana munthukazi, ndipo Ambuya anguti kwaku Hoseya, “Umudani mwana yo zina lakuti, ‘Wambura kuchitikiya lisungu,’ chifukwa kuti nkhaŵanga ndi lisungu so cha ndi ŵanyumba yaku Yisraele chingana nkhuŵagowoke.

Ezekiele 23:18

Chifukwa chakupinga ureŵi wake pakwero ndi kwanika nkhuli yake, ine ndingumusiya mwa kumutinkha, nge ndimo ndingusiyiya muku wake.

Ezekiele 22:27

Mafumu ghawo mukati mwake ghayana ndi mphumphi zakuparuwa nyama, kudiska ndopa, kuparghang'a ma umoyo chifukwa chakupenja chanduwu chakupusika.

Yeremiya 11:15

Nkhwanjiwa wangu wendi mazaza uli mu nyumba yango, penipo iyo wachita nchitu zachilengesku? Kumbi marapu ndi nyama ya mpasku vingaziŵa kutuzgapo soka pinu? Kumbi mungaziŵa kutumbwa penipo?

Yeremiya 5:5

Ndikarutanga ku ŵaraŵara, ndamurongoro nawo; pakuti ŵaziŵa nthowa ya Ambuya, dangu laku Chiuta wawo.” Kweni iwo so nawo ŵangufyo goli lo, ŵakuswa maunyoro ghakumangiya.

Yeremiya 3:8

Wanguwona kuti chifukwa maureŵi ghake ghose Yisraele, wambura magomekezgeka yuwa ndingumudikiska ndi kumupaska karata wa chipata; kweni ndipuuli Yuda mzichi wake phula kuti wangopa cha, iyo nayo wanguruta kwachichita maureŵi.

Sumu 78:60

wangutuwamo mu hema lake ku Shilo, muzi wo wangujamo mukati mu ŵanthu.

Yoswa 10:43

Pavuli Yoswa wanguweko ndi Yisraele yose pamoza nayo, ŵanguwere ku ugoŵi pa Gilgala.

ŴaLevi 26:30

Nkhaparghang'anga malo ghinu gha pachanya ndi kugumuliya pasi majochero ghinu gha vyachema ndi kupong'a viŵanda vinu pachanya pa viŵanda vya ŵangoza ŵinu mtima wangu umukaneninge.

Machitidu gha Ŵakutumika 5:21

Ndipo ŵati ŵavwa, ŵangusere mu kasopi ku matanda kucha, ndipo ŵasambizganga. Kweni wachifikako mzukuru mura yo, ndi ŵa pamoza nayo, wanguwungang'a pamoza upu wo ndi ura wose wa ŵara ŵaku Yisraele, ndipo wangutumiya ku ulinda kwachiŵato.

Yeremiya 12:8

Ŵanthu ŵangu ŵaŵa kwaku ine uli ndi nkharamu mu dambo, ŵatinditafuliya; chifukwa cho ndaŵatinkha.

Hoseya 12:2

Ambuya ŵe ndi mlando ndi Yuda; amupaniskenge Yakobe kwakulingana ndi nthowa zake, ndi kumuwezge kwakuyana ndi milimu yake.

Yeremiya 15:1

Sono Ambuya anguti, kwaku ine, “Chingana Mosese ndi Samuele ŵanguma paurongo pangu, kweni ndipuuli mtima wangu kuti watinge ung'anamukiyenge ku ŵanthu yaŵa cha. Ŵatuzgeko ku maso ghangu, ŵarutenge!