Hoseya 8:13 - Tonga Bible 1986

¹³ Ŵatanja sembe; ŵapereka sembe ya nyama ndi ŵatiyirgha; kweni Ambuya kuti akondwa nawo cha. Sono wakumbukenge ubendezi wawo ndikuŵaranga chifukwa cha kulakwa kwawo; ŵawerenge so ku Egipiti.

Hoseya 8:13 Referans Kwoze

Hoseya 9:9

Ŵajivundiska ukongwa nge ndi mu mazuŵa ghaku Gibeya. Wakumbukenge ubendezi wawo; waŵarengenge chifukwa cha maulakwi ghawo.

Hoseya 9:6

Chifukwa ehe, ŵaruta ku Asiriya; Egipiti waŵawunjikenge, Mefisi waŵaŵikenge mu masano. Ukasi ukataŵanga pachanya pa vyakuzirwa vyawo vya siliva, minga yiŵenge mu mahema ghawo.

Amosi 8:7

Ambuya arapa ndi kuzirwa kwaku Yakobe: “Nadi kuti ndiruwenge cha, chingana ngumoza wa milimu yawo.

Amosi 5:22

Chingana mundipaska sembe zinu zakocha ndi sembe zinu za vyakurgha kuti ndizirondiyenge cha, ndi sembe zinu za chimangu za nyama zinu zakututuŵa kuti ndizilereskenge cha.

Hoseya 11:5

Ŵakawerenga ku charu cha Egipiti, ndipo Asiriya wakaŵanga karonga wawo, chifukwa ŵakana kuwere kwaku ine.

Hoseya 5:6

Ŵarutenge kupenja Ambuya ndi mskambu wa mberere, ndi mpingu wa ng'ombe zawo, kweni kuti aŵasaniyenge cha; apatukako kwaku iwe.

Yeremiya 14:10

Viyo atiti Ambuya ghapa ŵanthu yaŵa: “Ŵanja kuyingayinga kwa viyo, ŵalivi kukanizga marundi ghawo; chifukwa cho Ambuya kuti ŵati ŵaronde cha. Sono ŵakakumbukanga mautimbanizi ghawo, ndi kulanga mauheni ghawo.”

Yesaya 1:11

“Kwaku ine unandi wa mipasku yinu nkhane?” atiti Ambuya. “Ndaronde kale mipasku yakukwana yakocha ya ŵabira ndi mafuta gha nyama zakuliska, kuti ndikondwa ndi ndopa za nkhuzi cha, pamwenga za ŵana ŵa mberere, ndi za ŵaphongo cha.

Marangu 28:68

Ndipo Ambuya akamuwezgiyaninga ku Egipiti mu zingaraŵa, ulendo weniwo ndingupangana kuti mukawendanga so cha, mwenimuwa mwakujiguliska ku ŵakupindikana ŵinu kuŵa ŵaŵanda ŵanthurumi ndi ŵaŵanda ŵanthukazi, kweni pamuwulavi munthu yo wakumugulani.”

Chivumbuzi 16:19

Ndipo msumba wo ukuru ungugaukana patatu, ndi misumba ya ŵamitundu yinguwa pasi: ndipo Babiloni mukuru yo wangukumbukika paurongo paku Chiuta, kumpaska chandi cha vinyo wa ukari wa kandundu kake.

1 ŴaKorinte 11:29

Chifukwa wakurgha ndi wakumwa pakureka kuteska liŵavu lo. Watijirghiya ndi watijimwiya chisusa.

1 ŴaKorinte 11:20

Viyo muchiwungana pamoza, kuti muturgha nadi njonesku ya Ambuya cha.

Hoseya 12:11

Asani mwe utimbanizi mu Gileada, nadi ŵaŵenge ŵaŵakaŵaka; asani mu Gilgala wapereka sembe ya zinkhuzi, majochero ghawo ghaŵenge nge ndi ndundu ya mya mu migandu ya munda.

Hoseya 7:16

Ŵawere kwaku Bala; ŵakozgana ndi uta wakupusika, mafumu ghawo ghazamubayika ndi lipanga chifukwa cha nkhaza za lilimi lawo. Ichi ndicho chamukuŵa chilengesku chawo mu charu cha Egipiti.

Hoseya 7:2

Kweni ŵaghanaghana cha kuti ndikumbuka nchitu zawo zose ziheni. Sono milimu yawo yaŵazinga, ye pa maso pangu.

Hoseya 4:9

Kukaŵanga viyo ku ŵanthu, ndi ŵazukuru, ndiŵarangenge chifukwa cha kendero kawo, ndi kuŵawezge nchitu zawo.

Nthanthi 21:27

Ambuya ŵatinkha asani ŵanthu ŵaheni ŵatuŵapaska mipasku, weni ukongwa asani ŵatu wupereka ndi maghanaghano ghaheni.

1 Samuele 15:22

Samuele wanguti, “Kumbi Ambuya ŵendi likondwa likuru mu mipasku yakocha ndi zisembe, nge ndimo aliri nalo mu kuvwiya mazu ghawo? Ehe, kuvwiya nkhwamampha kuruska sembe, kutegherezga kuruska mafuta gha viphongo.

Chituwa 32:34

Kweni sono rutanga, kaŵarongozge ŵanthu ku malo gho ndikukunene; ndipo muthenga wangu wakakudanjiriyanga. Ndipuuli, mu zuŵa lo ndazamuchezga, ndazamutole uheni wawo paku wo.”

Chituwa 20:3

“Kuti ukajanga ndi ŵachiuta ŵanyake pa maso pangu cha.

Luka 12:2

Kweni palive kanthu kakubenekereka ko karekenge kuvunulika: ndi kakubisika keniko karekenge kuziŵikwa.

1 ŴaKorinte 4:5

Viyo mungeruzgiyanga limu kanthu cha, yindaze nyengo, Ambuya ŵenga ŵandaze, ŵeniwo nawo ŵavumuwenge vibisibisi vya mdima, ndipo ŵawoneskenge pakweru vipangu vya mitima. Penipa ndipo likamuŵiyanga munthu we yose rumbu lake kutuliya kwaku Chiuta.

Yeremiya 6:20

Kafukwa nkhane ko vyakusunkhizga viziya kwangu kutuliya ku Sheba, pamwenga mijuŵa kutuliya kucharu cha kutali? Sembe zinu zakocha kuti zirondereka cha, chingana ndi mipasku yinu kuti yitindikondweska cha.

Ezekiele 29:16

Ndipo kuti wakaŵanga so chigomezgu cha nyumba yaku Yisraele cha, ichi chikaŵanga chikumbusku pa mauheni ghawo, ŵachiwere ku Egipiti kupenja chovyo. Sono ndipo ŵakaziŵanga kuti ine ndine Ambuya Chiuta.”

Hoseya 7:11

Efraimu wenge ndi nkhunda, yakupusa ndi yambura zeru; wadana ku Egipiti, watiya ku Asiriya.

Hoseya 9:7

Mazuŵa ghakurangikiya ghafika, mazuŵa ghakuwezge thayu ghafika. Yisraele wakaghaziŵanga. Mchimi ngwakupusa, munthu wa mzimu wafuntha, chifukwa cha ubendezi winu ndi kutinkha kukuru.

Hoseya 6:6

Chifukwa ndikhumba lisungu, sembe cha; kumuziŵa Chiuta kwakuruska sembe zakocha.

Amosi 3:2

“Imwe pe ndimwe ndakuziŵani mu mbumba zose zapa charu chapasi; mu chifukwa ichi ndimulangeninge chifukwa cha mauheni ghinu ghose.