Hoseya 8:1 - Tonga Bible 1986

¹ Ŵika mbata ku mlomo wako, chifukwa khuŵi le pachanya pa nyumba ya Ambuya, chifukwa ŵaswa phanganu langu, ndi ŵajumpha dangu langu.

Hoseya 8:1 Referans Kwoze

Hoseya 6:7

Kweni paku Adamu ŵanguswa phanganu; kwenikuwa ŵanguchita nane kwakuura magomezgeka.

Marangu 28:49

Ambuya akazanga ndi mtundu wa ŵanthu kutuwa ku mpherekezgu za charu chapasi, upusu wawo nge nkhaphururukidu ka nombo, mtundu wo mazu ghake kuti mungavwa cha,

Hoseya 5:8

Mbani mbata mu Gibeya, ndi lipenga mu Rama. Kamburani mu Betavene; tenthema, iwe Benjamini.

Yeremiya 4:13

Ehe, watuza nge ndi mitambo, magareta ghake uli ndi kavuruvuru; ŵakavalo ŵake mbamankharo kuruska zinombo. Owe ifwe, pakuti tapasuka!

Habakuku 1:8

Ŵakavalo ŵawo mbapusu kuruska ŵanyalubwe, mbakari kuruska mphumphi zamazulo; ŵapakavalo ŵawo ŵajituntha, ŵapakavalo ŵatuwiya kutali, ŵawuruka nge ndi nombo yakuchimbiriya kurgha.

1 ŴaKorinte 15:52

mu ka nyengo kamanavi mu kukupiya kwa jiso, pa mbata yakumariya. Chifukwa mbata yamkumba, ndipo ŵakufwa ŵamyuskika ŵambura-chivuzi, ndipo ifwe tamsanduskika.

Mateyu 24:28

Kose ko chingaŵa chiŵanda, kweniko ndiku ghaunjikanenge makuŵi.

Zekariya 11:1

Jura makhomo ghako iwe Lebanoni, kuti moto woche milanji yako!

Zekariya 9:14

Viyo Ambuya awonekenge pachanya pawo, ndipo muvwi wawo utewenge nge ndi limphezi; ndipo Ambuya Chiuta wambenge mbata ndi kwenda mu ŵakavuruvuru ŵaku mwera.

Zefaniya 1:16

zuŵa la chiwawa cha mbata ndi nkhondo yakulimbana ndi misumba ya malinga, ndi vigongwe vitali.

Amosi 9:1

Ndinguwona Ambuya kuma mumphepete mu jochero, ndipo anguti, “Puma miti ya nchingamilo zapa khomo mpaka mizati yisukunike, ndipo uyipong'i pa mitu ya ŵanthu wose; ndipo wo ŵajengeko ndiŵabayenge ndi lipanga; pakaŵangavi yumoza wakathaŵanga, chingana njumoza wakuti wapozomoke.

Amosi 8:3

Sumu za mu Kasopi zisandukenge chitenje mu zuŵa lo,” atiti Ambuya Chiuta; “viŵanda vyamukuŵa vinandi; mu malo ghose; vitayikenge kwa chisisi.”

Amosi 3:6

Kumbi mbata yingambika mumsumba, ndipo ŵanthu ŵangareka kopa? Kumbi chiheni chingaŵamo mu msumba, kwambura kuti chachitika ndi Ambuya?

Yoele 2:1

Mbani mbata mu Zioni; wawatani mu phiri langu lakupaturika! Wakuja mu charu chose watentheme, chifukwa zuŵa la Ambuya liŵandika, zuŵa lituza.

Hoseya 9:15

Uheni wawo wose wemu Gilgala; kwenikuwa ndiko ndingudanga chaŵatinkha. Chifukwa cha uheni wa milimu yawo, nkhaŵatuzganga mu nyumba yangu. Ndiŵanjenge so cha; mafumu ghawo ghose ghandigaruka.

Hoseya 4:6

Ŵanthu ŵangu ŵanangika chifukwa chakuŵavi zeru, chifukwa mwapata zeru, ine nane nditukupata kuŵa mzukuru wangu. Chifukwa waruwa dangu laku Chiuta wako, nane ndiruwenge ŵana ŵako.

Ezekiele 16:59

“Inya, atiti Ambuya Chiuta: Ndikachitanga nawe nge ndimo wachitiya, wanyoza rapu mukuswa phanganu,

Ezekiele 7:14

Ŵamba mbata wose ŵajirongoso; kweni palivi nanga njumoza wakuya ku nkhondo, pakuti ukari wangu we pa wumba wawo wose.

Yeremiya 51:27

“Umike mbendera pa charu chapasi, mbanga mbata mukati mu mitundu; rongoso mitundu kwachichita nkhondo ndi iyo, umudaniye maufumu, Ararati, Mini, ndi Ashikenaza; umikepo nduna yikuru paku iyo, uze ndi ŵakavalo nge ndi zombe wa nja.

Yeremiya 48:40

Pakuti viyo atiti Ambuya: “Ehe, wakaphururukanga uli ndi nombo, wakatambaruliyanga mapapa ghake paku Moabu;

Yeremiya 31:32

kuti ndakukozgana cha ndi phanganu lenilo ndinguchita ndi auskeu, pa nyengo yo ndinguŵasoske janja kuŵatuzga mu charu cha Egipiti, phanganu lo ŵanguswa, chingana ndenga murumi wawo, atiti Ambuya.

Yeremiya 6:1

Thaŵiyani kwakubisama, mwa ŵanthu ŵaku Benjamini, kuthaŵa mukati mu Yerusalemu! Mbani mbata mu Tekoa, ndipo soskani chiteskeru pa Betehakeremu; pakuti chiheni chituza kutuliya ku nkhonde ndi pharghaniko likuru.

Yeremiya 4:5

Kambani mwaku Yuda ndipo memezani mu Yerusalemu, ndi muti, “Mbani mbata kuporota mu charu; kamburani, munene kuti, ‘Wunganani, ndipo tiyeni tirute ku mizi ya malinga!’

Yesaya 58:1

“Bongoni ukongwa, kurekezga cha, kwezgani mazu ghinu uli ndi mbata; taulani ku ŵanthu ŵangu mautimbanizi ghawo, ku nyumba yaku Yakobe mauheni ghawo.

Yesaya 24:5

Charu chigona mu kukazuzgika pasi pa ŵakujamo ŵake; pakuti ŵalengeska marangu, ŵaswa panganu la muyaya.

Yesaya 18:3

Imwe mose mwa ŵakuja mu charu chapasi, imwe ŵakuja pa charu, asani mbendera yakwezgeka pa mapiri, lereskani! Asani mbata yambika, vwani!

2 ŴaKaronga 18:27

Kweni nduna yo yinguti kwaku wo, “Kumbi mbuyangu wandituma kuzachikamba makani yagha ku mbuyamwe ndi kwaku imwe pe mwija, ku ŵanthu wo ŵaja pa linga cha, wo ŵe pasuzgu yikuru pamoza namwe kurgha busu la ŵeneko ndi kumwa makozo ghaŵeneko.”

Yoele 2:15

Mbani mbata mu Zioni; patuwani zuŵa la kufunga kurgha; danani unganu wakupaturika;

Yeremiya 34:18

Ndipo ŵanthu wo ŵangulakwiya phanganu langu ndipo kuti ŵangusunga cha muruliku waphanganu lo, lenilo ŵanguchita paurongo pangu, ndikachitanga uli ndi thole lenilo ŵadumuwa vipitika viŵi ndi kujumpha pakati paku vyo.

Yeremiya 49:22

Ehe, yumoza wakakwelanga ndi kuwuluka kwa mankharu nge ndi nombo, ndi kutambaruliya mapapa ghake pa Bozra, ndipo mtima wa wankhondo wa Edomu ukaŵanga mu zuŵa liya uli ndi mtima wa munthukazi wachiŵa mu kuŵaŵa kwake.”

Ezekiele 17:3

kuti, Viyo atiti Ambuya Chiuta: Nombo yikuru yakuŵa ndi mapapa ghakuru mavungwa ghatali, mavungwa gha mitundu yakupambanapambana, yinguza ku Lebanoni yinguto mphanda ya mlanje ya pachanya;

Ezekiele 11:4

Mu chifukwa cho uŵachimiye iwo, chima A! Mwana wa munthu.”