Hoseya 7:2 - Tonga Bible 1986

² Kweni ŵaghanaghana cha kuti ndikumbuka nchitu zawo zose ziheni. Sono milimu yawo yaŵazinga, ye pa maso pangu.

Hoseya 7:2 Referans Kwoze

Luka 12:2

Kweni palive kanthu kakubenekereka ko karekenge kuvunulika: ndi kakubisika keniko karekenge kuziŵikwa.

Sumu 90:8

Mwaŵika vyakubende vidu paurongo pinu, viheni vidu vyakubisika vye pakweru pa maso ghinu.

Amosi 8:7

Ambuya arapa ndi kuzirwa kwaku Yakobe: “Nadi kuti ndiruwenge cha, chingana ngumoza wa milimu yawo.

Yeremiya 14:10

Viyo atiti Ambuya ghapa ŵanthu yaŵa: “Ŵanja kuyingayinga kwa viyo, ŵalivi kukanizga marundi ghawo; chifukwa cho Ambuya kuti ŵati ŵaronde cha. Sono ŵakakumbukanga mautimbanizi ghawo, ndi kulanga mauheni ghawo.”

Yeremiya 2:19

Uheni winu ukudikiskeninga, ndipo kureka kusopa kukakuchenyaninga. Ziŵani, ndi wonani, kuti imwe pakureka Ambuya Chiuta winu mbuheni ndi kuŵaŵa kwaku imwe; kundopa ine mulivi mwaku imwe, atiti Ambuya Chiuta wa maŵanja.

ŴaHebere 4:13

Ndipo palive chakulengeka chambura kuwoneka paurongo pake: kweni vyose vye nkhuli ndi mwazi ku maso ghaku mweniyo te ŵachifukwa nayo.

1 ŴaKorinte 4:5

Viyo mungeruzgiyanga limu kanthu cha, yindaze nyengo, Ambuya ŵenga ŵandaze, ŵeniwo nawo ŵavumuwenge vibisibisi vya mdima, ndipo ŵawoneskenge pakweru vipangu vya mitima. Penipa ndipo likamuŵiyanga munthu we yose rumbu lake kutuliya kwaku Chiuta.

Hoseya 9:9

Ŵajivundiska ukongwa nge ndi mu mazuŵa ghaku Gibeya. Wakumbukenge ubendezi wawo; waŵarengenge chifukwa cha maulakwi ghawo.

Yeremiya 32:19

mwa ŵara mu kupangizga zeru ndi ŵakulimba mu kuchita; mwaŵenimwe maso ghinu ghalereska nthowa zose za ŵanthu, mwaŵakupaska munthu we yose kwakulingana ndi nthowa zake ndi kwakulingana ndi chipasi cha nchitu zake;

Yeremiya 16:17

Pakuti maso ghangu ghe pa nthowa zawo zose, kuti mbakubisama cha kwangu, nanga mbutimbanizi wawo kuti ngwakubisika ku maso ghangu cha.

Yeremiya 4:18

Nthowa zinu ndi machitidu ghinu ndivyo vyatore ivi paku imwe Iyi ndi suzgu yako, ndipo njakuŵaŵa.”

Yesaya 5:12

Ŵendi kaligu ndi bangwi, mtangala fyorilo ndi vinyo pa madghera ghawo; kweni kuti ŵaphwereko machitidu gha Ambuya cha: pamwenga kuwona nchitu za manja ghawo.

Sumu 25:7

Rekani kukumbuka vya kulakwa kwa pa uhurwa wangu ndi mamphuru ghangu; kwakulingana ndi chanju chikuru mundikumbuke, pa chifukwa cha umampha winu pe, Ambuya, mwe.

Sumu 9:16

Ambuya ajiziŵiska ŵeneko, achita cheruzgu; ŵaheni ŵawira mu nchitu za manja ghawo.

Hoseya 8:13

Ŵatanja sembe; ŵapereka sembe ya nyama ndi ŵatiyirgha; kweni Ambuya kuti akondwa nawo cha. Sono wakumbukenge ubendezi wawo ndikuŵaranga chifukwa cha kulakwa kwawo; ŵawerenge so ku Egipiti.

Yesaya 1:3

Ng'ombe yiziŵa mbuyake ndi mbunda khora lake; kweni Yisraele kuti waziŵa cha, ŵanthu ŵangu kuti ŵawamo cha.”

Sumu 50:22

“Sono ziŵani ichi, mwa ŵakuruwa Chiuta, vinu ndingakuparuwani, ndi kungaŵavi wakutaska!

Jobu 34:21

“Pakuti maso ghake ghe pa nthowa za munthu ndipo ghawona mendero ghake ghose.

Marangu 32:29

Asani ŵenga ŵazeru, mphanyi ŵanguwamo ichi, mphanyi ŵanguziŵa umari wawo wakuŵapo pavuli.

Maŵerengedu 32:23

Kweni asani kuti mukachitanga viyo cha, ehe, mwalakwiya Ambuya; ndipo muŵe ŵaneneska kuti ulakwi winu ukamusaniyaninga.

Yesaya 44:19

Palivi yumoza wakughanaghana, chingana nkhuti pe zeru pamwenga kuteska kunena kuti, “Chigaŵa chimoza ndinguwocha pa moto, ndipo ndinguwocha chiŵande pa maka ghake, ndinguwocha nyama ndipo ndargha ndipo kumbi ndichitenge vyakujapo vyake kuŵa ukazuzi? Kumbi ndikajikamiyanga paurongo pa muti?”

Yesaya 26:16

Ambuya mwe, mu suzgu ŵangukupenjani, ŵangupereka rombu, penipo likhwechu linu lenga paku iwo.

Yeremiya 17:1

Uheni waku Yuda walembeka ndi peni ya chisulo: ndi songo ya daimoni wazighirika pa chakulembapo cha mtima wawo, ndi pa masengwe gha majochero ghawo,

Yeremiya 44:21

“Kwakuyana ndi vyachema vyo munguwoche mu misumba yaku Yuda ndi mu miseu ya Yerusalemu, imwe ndi auskemwe, ŵakaronga ŵinu ndi mafumu ghinu, ndi ŵanthu ŵa charu cho kumbi Ambuya kuti anguvikumbuka cha? Kumbi ŵengavi kughanaghanapo kanthu?

Hoseya 4:9

Kukaŵanga viyo ku ŵanthu, ndi ŵazukuru, ndiŵarangenge chifukwa cha kendero kawo, ndi kuŵawezge nchitu zawo.

Hoseya 9:15

Uheni wawo wose wemu Gilgala; kwenikuwa ndiko ndingudanga chaŵatinkha. Chifukwa cha uheni wa milimu yawo, nkhaŵatuzganga mu nyumba yangu. Ndiŵanjenge so cha; mafumu ghawo ghose ghandigaruka.

Hoseya 12:2

Ambuya ŵe ndi mlando ndi Yuda; amupaniskenge Yakobe kwakulingana ndi nthowa zake, ndi kumuwezge kwakuyana ndi milimu yake.

Yona 1:2

“Soka, ruta ku Nineve, msumba ukuru, ndi ukadanirizge ku ususka, pakuti uheni wawo wakwere paurongo pangu.”

Sumu 10:11

Mu mtima wake watiti, “Chiuta waruwa, wabisa chisku chake, kuti wakachilereskanga so cha.”

Ezekiele 21:29

Penipo ŵawone iwe viwona vya utesi, po ŵatikuwombeze mawula gha utesi kuŵikika pa makhosi gha ŵakufipiskika ŵaheni, wo zuŵa lawo lafika, nyengo yakulangika kwawo kwakumariya.

Hoseya 6:2

Pavuli pa mazuŵa ghaŵi atizizimuskenge; pa zuŵa la chitatu atiyuskenge, mwakuti tije ŵamoyo pa maso pa wo.