Hoseya 7:13 - Tonga Bible 1986

¹³ Owe, kwaku iwo; chifukwa ŵapatuka ku kwaku ine! Pharghaniko kwaku iwo chifukwa ŵagaruka kwaku ine! Ndingukhumba kuŵawombo kweni ŵatindikambiya utesi.

Hoseya 7:13 Referans Kwoze

Hoseya 9:12

Chingana ŵangalera ŵana, kweni ndiŵabayenge pakuti paŵengevi yumoza wakuja ndi umoyo, chitima kwaku iwo po nkhapatukangako kwaku iwo!

Hoseya 11:12

Efraimu wandizingirizga ndi mautesi, ndipo nyumba yaku Yisraele ndi chinyengo; kweni Yuda weche kuziŵikwa ndi Chiuta, ndipo ngwamagomezgeka ndi Mtuŵa Yumoza.

Chivumbuzi 8:13

Ndingulereska, ndipo ndinguvwa nombo yakuwuluka mude mukati, yakuliya ndi mazu ghakuru, “Owe! Owe! Owe kwaku wo mbakuja pa charu, chifukwa cha mazu gha mbata zakujapo za ŵangelo ŵatatu wo ŵakhumbanga kukuŵa.”

1 Yohane 1:10

Asani tinena kuti tirive kulakwa, timsanduska mtesi, ndipo mazu ghake mwaku ifwe mulive.

Mateyu 23:37

“Yerusalemu, Yerusalemu we, wakubaya ŵamchimi, ndi wakuŵapong'a mya wo ŵatumizgika kwako! Kwakaringa ndakhumba kuwunjika pamoza twana twako, nge ndimo nyakhutu waunjikiya twapiyupiyu twake kusi ku mapapiku ghake, ndipo kuti ungukhumba cha!

Mika 6:4

Pakuti ndamutuzgani mu charu cha Egipiti, ndi kumuwomboni mu nyumba ya uŵanda; ndipo ndingukutumiyani panthazi pinu Mosese, Aroni ndi Miriamu ŵarongozge.

Yona 1:10

Viyo ŵanthu yaŵa ŵangopa weniukongwa ndipo ŵanguti kwaku iyo, “Nchine cho wachita?” Chifukwa ŵanthu ŵanguziŵa kuti wathaŵa paurongo pa Ambuya, chifukwa wanguŵanene.

Yona 1:3

Kweni Yona wangusoka kuthaŵiya ku Tarshishi, kutuwapo paurongo pa Ambuya wangusikiya ku Yopa, ndi wangusaniya ngarawa yakulazgiya ku Tarshishi. Viyo wanguripa maripiro pakiyo, ndi wangusere mwaku yo, kuruta nawo ku Tarshishi, kuthaŵa paurongo pa Ambuya.

Hoseya 11:2

Mo ndinguŵadaniya, ndimu so ŵangutuwiyako kwaku ine; ŵangurutiriya kupereka sembe ku ŵaBala, ndi kuŵawoche vyakununkhira ŵangoza.

Hoseya 9:17

Chiuta wangu waŵatayenge, chifukwa ŵalivi kumuvwiya; ŵaŵenge ŵakuyinga mukati mu mitundu.

Hoseya 7:3

Ŵakondweska karonga ndi mauheni ghawo, ndi ŵakondweska mafumu ndi uchenjezi wawo.

Hoseya 7:1

ndi kuchizga Yisraele, uheni waku Efraimu uvumbukwa ndi so milimu yiheni ya Samaria; pakuti ŵachita kwautesi, munkhungu wasere, ndi wakuphanga waphanga kubwalo.

Ezekiele 34:6

Mberere zangu zinguparghang'ika, zingurandiya mu mapiri ghose ndimu mitunthu yose; mberere zangu zingumbininikiya uku ndi uku mu charu chose chapasi, ndipo kwengavi nanga njumoza wakuzirondo pamwenga kuzipenja.

Ezekiele 18:25

“Ndipuuli imwe mutiti, ‘Nthowa ya Ambuya kuti njaurunji cha.’ Avwani sono, nyumba yaku Yisraele mwe: Kumbi nthowa yangu kuti njakurunjika cha? Kumbi asi nthowa zinu ndizo ziheni?

Ezekiele 18:2

“Ung'anamuwanji pakuwerezgapo ntharika iyi ya kunena ndi charu cha Yisraele, kuti, Auskefwe ŵargha vipasi vya kunthyanthyama, ndipo minyu gha ŵana ghafwa uyeyera?

Ezekiele 16:23

“Ndipo pavuli pa uheni wako wose (owe soka, soka lo! atiti Ambuya Chiuta),

Chitenje 5:16

Chifuku cha ufumu chambotokako ku mutu widu; Owe! Soka ifwe, pakuti talakwa!

Yeremiya 42:20

kuti pakupuruka kwinu mukafwanga. Pakuti mungundituma ku Ambuya Chiuta winu kuti, ‘Tirombe ku Ambuya Chiuta widu, ndipo chose cho Ambuya Chiuta widu wakambenge utitauliye ndipo tikachichitanga.’

Yeremiya 14:10

Viyo atiti Ambuya ghapa ŵanthu yaŵa: “Ŵanja kuyingayinga kwa viyo, ŵalivi kukanizga marundi ghawo; chifukwa cho Ambuya kuti ŵati ŵaronde cha. Sono ŵakakumbukanga mautimbanizi ghawo, ndi kulanga mauheni ghawo.”

Yesaya 63:8

Pakuti anguti, Kwakuneneska mbanthu ŵangu, ŵana wo kuti ŵakachitanga kwakupusika cha; ndipo iyo wanguŵa Mtaski wawo.

Yesaya 59:13

kutimbanizga, ndi kukana Ambuya, ndipo tituwako kukurondo Chiuta widu, tirongoro kuyuzga ndi chigaruka, tizuwuka utesi mu mitima, ndi kutuzga mazu gha kunyenga pa mlomo.

Yesaya 43:1

Kweni sono atiti viyo Ambuya, yo wangukulenga iwe, Yakobe we, yo wangukuumba, Yisraele we: “Ungopanga cha, pakuti ndakuwombo; ndakudana iwe ndi zina, we wangu.

Yesaya 41:14

Ungopanga cha, owe fusi Yakobe, imwe mwa ŵanthu ŵaku Yisraele! Ndikovyeninge, atiti Ambuya; muwobozi winu ndi Mtuŵa Yumoza yo waku Yisraele.

Yesaya 31:1

Soka kwaku wo ŵasikiya ku Egipiti kupenja chovyu ndipo ŵagomekezga mu ŵakavalo, wo ŵagomekezga mu unandi wa magareta ndi mu ŵakukwera pa ŵakavalo pakuti mba nthazi ukongwa, kweni kuti ŵalereska ku Mtuŵa Yumoza yo waku Yisraele cha, pamwenga kufumba Ambuya!

Sumu 106:10

Wanguŵataska ku ŵakuŵatinkha; wanguŵapozomoska ku ŵakupindikana ŵawo.

Jobu 22:17

Ŵanguti kwaku Chiuta, ‘Patukako kwaku ifwe,’ ndipo so, ‘Kumbi Wanthazizose wangachitanji kwaku ifwe?’

Nehemiya 1:10

Yaŵa mbateŵeti ŵinu ndi ŵanthu ŵinu wo munguwombo ndi nthazi zinu zikuru ndi janja linu lakulimba.

Marangu 15:15

Mukakumbukanga kuti mwenga ŵaŵanda mu charu cha Egipiti, ndipo Ambuya Chiuta winu wangumuwomboni, viyo ndimulanguliyani dangu ili zuŵa ili.

Yeremiya 7:15

Ndipo ndikakudikiskaninga ku chisku changu, uli ndimo ndingudikiskiya ŵabali ŵinu, mphapu yose yaku Efraimu.

Yeremiya 51:9

Mphanyi tingumuchizga Babiloni, kweni kuti wanguchira cha. Timureke, ndipo tirutenge we yose ku charu chake; pakuti cheruzgu chake chachifika kuchanya, chanyamurikiya ndi ku mlengalenga.

Mika 6:12

Ŵanthu ŵinu ŵasambasimba kuzazika ndi nkhaza; ŵakuja mwaku imwe ŵakamba mautesi, ndi lilime lawo ndakupusika mu mlomo wawo.

Yesaya 30:1

“Soka ku ŵana wakugaruka,” atiti Ambuya, “ŵeniwo ŵachita cho ŵarongoso, kweni kuti nchangu cha; wo ŵazomerezgana kovwana, kweni kuti nkhovyana kwa mzimu wangu cha, kuti ŵasazgiyeko uheni ku uheni;

Yesaya 30:2

wo ŵasoka kuya ku Egipiti, kwambura kufumba fundu yangu, kwachibisama mu kuvikirika kwaku Farao, kwachipenja msasa mu mduzi wa Egipiti!

Hoseya 5:7

Wachita kwambura magomekezgeka ndi Ambuya, chifukwa ŵabala ŵana ŵachilendo. Sono mwezi ufya wakuŵalika ŵamarenge pamoza ndi minda yawo.