Hoseya 7:11 - Tonga Bible 1986

¹¹ Efraimu wenge ndi nkhunda, yakupusa ndi yambura zeru; wadana ku Egipiti, watiya ku Asiriya.

Hoseya 7:11 Referans Kwoze

Hoseya 12:1

Efraimu wakhwema mphepo; wandondoloska mphepo yaku vuma zuŵa lose, watandaniska mautesi ndi nkhaza; wapangana phanganu la maronda ndi Asiriya, ndipo mafuta ghapingikiya ku Egipiti.

Hoseya 5:13

Po Efraimu wanguwona utenda wake, ndi Yuda wanguwona chironda chake, Efraimu wanguruta ku Asiriya ndi kutuma mazu ku karonga mkuru. Kweni iyo kuti waziŵa kumuchizgani cha pamwenga kuchizga chironda chinu.

Hoseya 11:11

Wakazanga ŵakutenthema nge nthuyuni twakutuwa ku Egipiti, nge ndi nkhunda zakutuwa ku Asiriya, ndipo nkhaŵawezgiyanga ku mizi yawo, atiti Ambuya.

Hoseya 4:11

Vinyo ndi vinyo mufya, watuzgako vinjeru vyawo.

Hoseya 9:3

Kuti ŵakajanga mu charu cha Ambuya cha; kweni Efraimu wakawerenga, ku Egipiti, ndipo ŵamukurgha kurgha kuheni mu Asiriya.

Hoseya 14:3

Asiriya kuti watitaskenge cha, kuti tikwerenge pa ŵakavalo cha. Ndipo tinenenge so cha kuti, ‘Chiuta widu,’ ku nchitu ya manja ghidu. Mwaku imwe mranda wasaniya lisungu.”

Yeremiya 2:36

Kwa muyaya mutachikamba ndi mphwayi kusintha nthowa yinu! Mukalengeskekanga ndi Egipiti uli ndimo mungulengeskeke ndi Asiriya.

Yeremiya 2:18

Ndipo sono mutanduwapunji pakuya ku Egipiti kwachimwa maji gha mu Nile? Pamwenga mutanduwapunji pakuya ku Asiriya kwachimwa maji mu Efrate?

Nthanthi 17:16

Chifukwa nchine chakuti wakupusa waŵi ndi malonda mu janja lake kugula zeru, penipo walivi maghanughanu?

Nthanthi 15:32

Mweniyo wakana kusambizgika watijiyuyuwa; kweni mweniyo waphwere kuchenyeka wasaniya kuwamo.

Nthanthi 6:32

Yo wachita ureŵi walivi chinjeru, yo watichichita ichi watijibwanthuwa mweneko.

2 ŴaKaronga 15:19

Puli karonga wa Asiriya wanguza kuzachirwa ndi charu cho, ndipo Menahemu wangupaska Puli matalente gha siliva chikwi chimoza, alinga kuti wamovye kukhozga kuŵa ndi nthazi ya ukaronga.

Mateyu 10:16

“Awonani, ndikutumani imwe nge ndi mberere mukati mu zimphumphi. Viyo muŵe ŵachinjeru nge ndi zinjoka, ndi ŵakuzika nge ndi zinkhunda.

Hoseya 4:6

Ŵanthu ŵangu ŵanangika chifukwa chakuŵavi zeru, chifukwa mwapata zeru, ine nane nditukupata kuŵa mzukuru wangu. Chifukwa waruwa dangu laku Chiuta wako, nane ndiruwenge ŵana ŵako.

Hoseya 5:4

Nchitu zawo kuti ziwazomerezga cha kuwere kwaku Chiuta wawo. Chifukwa mzimum waureŵi we mukati mwawo, ndipo ŵalivi kuŵaziŵa Ambuya.

Hoseya 8:13

Ŵatanja sembe; ŵapereka sembe ya nyama ndi ŵatiyirgha; kweni Ambuya kuti akondwa nawo cha. Sono wakumbukenge ubendezi wawo ndikuŵaranga chifukwa cha kulakwa kwawo; ŵawerenge so ku Egipiti.

Hoseya 9:6

Chifukwa ehe, ŵaruta ku Asiriya; Egipiti waŵawunjikenge, Mefisi waŵaŵikenge mu masano. Ukasi ukataŵanga pachanya pa vyakuzirwa vyawo vya siliva, minga yiŵenge mu mahema ghawo.

2 ŴaKaronga 16:7

Viyo Ahazi wangutuma mathenga kwaku Tiglati-pileseri karonga wa Asiriya, kuti, “Nde mteŵeti wako ndi mwana wako munthurumi. Ukwere kuno kuzachindipozomoska ku janja la karonga wa Siriya ndi ku janja la karonga wa Yisraele wo ŵalimbana nane.”

Hoseya 12:2

Ambuya ŵe ndi mlando ndi Yuda; amupaniskenge Yakobe kwakulingana ndi nthowa zake, ndi kumuwezge kwakuyana ndi milimu yake.

Obadiya 1:7

Ŵanthu wose wo ŵenga pa chimangu ndi iwe ŵakupusika, ŵakudikiskiya ku mphaka; wose wo ŵenga pa phangano nawe ŵakugoda; ŵabwezi ŵako ŵamagomekezgeka ŵakuthya msampha kusi kwako kuti iwe uziŵa ndi ichi cha.