Hoseya 6:6 - Tonga Bible 1986

⁶ Chifukwa ndikhumba lisungu, sembe cha; kumuziŵa Chiuta kwakuruska sembe zakocha.

Hoseya 6:6 Referans Kwoze

Mateyu 9:13

Kweni mukachisambire mo chiriri chenichi, ‘Ndilembe lisungu, chisopu cha.’ Chifukwa kuti ndinguza kuzachidana ŵarunjicha, kweni ŵalakwi.”

Mateyu 12:7

Kweni asani munguziŵa mo chiriri chenichi, ‘Lisungu ndikhumba, ndi chisopu cha,’ mphanyi kuti mwaŵasuska cha wo mbambura kalema.

Nthanthi 21:3

Kuchita urunji ndi cheruzgu chirunji vyamarondeka ku Ambuya kwakuruska mipasku.

1 Samuele 15:22

Samuele wanguti, “Kumbi Ambuya ŵendi likondwa likuru mu mipasku yakocha ndi zisembe, nge ndimo aliri nalo mu kuvwiya mazu ghawo? Ehe, kuvwiya nkhwamampha kuruska sembe, kutegherezga kuruska mafuta gha viphongo.

Amosi 5:21

“Nditinkha, ndiyeya madghera ghinu, ndipo kuti ndikondwa ndi maunganu ghinu ghakupaturika cha.

Yesaya 1:11

“Kwaku ine unandi wa mipasku yinu nkhane?” atiti Ambuya. “Ndaronde kale mipasku yakukwana yakocha ya ŵabira ndi mafuta gha nyama zakuliska, kuti ndikondwa ndi ndopa za nkhuzi cha, pamwenga za ŵana ŵa mberere, ndi za ŵaphongo cha.

Wakutaula 5:1

Sunga kenderu kako pakututa ku nyumba yaku Chiuta; kundere kufupi kutegherezga nkhwamampha kwakuruska kupereka sembe za wakupusa; pakuti kuti ŵaziŵa cha kuti ŵachita uheni.

Yeremiya 22:16

Ŵangweruzga mlando wa wakusauka ndi wakusuzgika, viyo kwenga umampha. Pakuchita viyo asi nkhundiziŵa ine? atiti Ambuya.

Mateyu 5:7

“Mbakutumbikika ŵalisunga: pakuti iwo wachitikiyenge lisungu.

Danyele 4:27

Viyo, karonga, muronde chenjezgu, langu; mureke kuchita uheni, ndi mwanji kuchita urunji, mureke maubedezi ghinu pakurongo lisungu ku ŵakusuzgika, kuti vinu nyengo ya chimangu chinu yingakuskikiyako.”

1 Mikoka 28:9

“Ndipo iwe Solomoni mwana wangu umuziŵe Chiuta wa ausu, umutatariye ndi mtima wakufikapo, ndi umoyo wakuzomera; chifukwa Chiuta wapenjapenja mitima yose, ndipo waziŵa lunguluku le lose. Asani utumpenja umusaniyenge; kweni asani utumureka wakutayenge muyaya.

Yeremiya 7:22

Pakuti mu zuŵa lo ndinguŵatuzgiya mu charu cha Egipiti, kuti ndingurongoro ku auskemwe cha, pamwenga kuŵalanguliya gha pa mipasku yakocha ndi sembe.

1 Yohane 3:6

Munthu yose wakuja mwaku iyo kuti walakwa cha: yose yo ngwakulakwa kuti wamuwona cha, chingana nkhumziŵa.

1 Yohane 2:3

Ndipo mwaku chenichi tiziŵa kuti timziŵa iyo, asani tisunga marangu ghake.

Mika 6:6

“Nkhazanga ndi chine pa maso pa Ambuya, ndi kusindama pa maso paku Chiuta wa pachanya paku vyose? Kumbi nkhazanga pa maso pake ndi sembe yakocha, ndimatholi gha chirimika chimoza? Kumbi Ambuya akakondwanga ndi vikwi vya ŵana ŵa mberere ŵanthurumi, ndi vikwi chumi (10,000) vya misinji ya mafuta?

Hoseya 4:1

Vwani mazu gha Ambuya imwe mwa ŵaYisraele; chifukwa Ambuya ŵe ndi mlando ndi ŵakuja mu charu. Palivi chigomezgu, chingana mbulemu, pamwenga kuziŵa Chiuta mu charu.

Yesaya 58:6

“Kumbi kufunga ko ine ndisankha asi ndi uku: kufwatuwa vimangiru vya uheni, kufwatuwa mikoŵa ya gori, kupaska wanangwa ku ŵakuyuzgika, ndi kuswa gori le lose?

Hoseya 2:20

Ndikujaliyenge kuti uŵe wangu wamagomekezgeka ndipo uziŵenge Ambuya.

Sumu 50:8

Kuti nditukususka chifukwa cha sembe zako cha; mipasku yako yakocha ye paurongo pangu rutaruta.

Marko 12:33

ndipo kumwanja iyo ndi mtima wose, ndi ndi uteska wose, ndi ndi nthazi yose, ndi kumwanja mwanase wako nge ndiwe wamweni, nkhwakuruska vyakocha vizirima ndi visopu.”

Hoseya 14:2

Uwere kwa Ambuya, uze ndi mazu ukambe kwaku iwo ghakuti; “Mutuzgeko ubendezi wose; muzomerezge cho nchamampha, ndipo tiperekenge vipasi vya milomo yidu.

Mika 6:8

Iyo wakurongo wa munthu, cho nchamampha, ndi cho Ambuya akhumbiya iwe, kweni kuchita urunji, ndi kwanja ulemu, ndi kwenda kwakujiyuyuwa ndi Chiuta wako?

Yoswa 5:5

Nanga wose wo ŵangutuwa ŵanguchinjika, kweni ŵanthu wose wo ŵangupapikiya mu nthowa mu bozwa ŵati ŵatuwa mu Egipiti ŵengavi kuchinjika.

Hoseya 8:13

Ŵatanja sembe; ŵapereka sembe ya nyama ndi ŵatiyirgha; kweni Ambuya kuti akondwa nawo cha. Sono wakumbukenge ubendezi wawo ndikuŵaranga chifukwa cha kulakwa kwawo; ŵawerenge so ku Egipiti.