Hoseya 6:1 - Tonga Bible 1986

¹ “Zaninga, tiyeni tiwere kwa Ambuya; chifukwa aparuwa, mwakuti atichizge; atipuma ndipo atimangenge umempha mabara.

Hoseya 6:1 Referans Kwoze

Marangu 32:39

“ ‘Wonani sono kuti ine, ine pe ndine iyo. Palivi chiuta munyake pade paku ine. Ine ndibaya ndi ndipaska umoyo, ndigwaza ndi ndichizga, ndipo palivi yumoza wangataska ku janja langu.

Jobu 5:18

Pakuti watema bara ndi walimanga; walasa kweni manja ghake ghachizga.

1 Samuele 2:6

Ambuya abaya ndi kutore ku umoyo; aserezga pasi ku muunda, ndi kuyuska so.

Hoseya 14:4

Nkhachizganga kuwere vuli kwawo, nkhaŵanjanga kwawanangwa, chifukwa ukari wangu waweko kwaku iwo.

Yesaya 55:7

muheni wareke nthowa yake, ndi wakuwura urunji maghanaghanu ghake; wawere ku Ambuya, kuti amuŵiye ndi lisungu, ndi kwaku Chiuta widu, pakuti wagowokiyenge kwakuzala.

Yeremiya 30:17

Pakuti ndikakuwezgiyanga umoyo wamampha, ndipo ndikachizganga mabala ghinu, atiti Ambuya, chifukwa ŵakudana kuti we wakutayika kubwalo: ‘Ndi Zioni, mweniyo palivi yo watimuphwere!’

Yesaya 2:3

ndipo ŵanthu ŵanandi ŵakazanga ŵakatinge: “Zaninga, tikweriyenge ku phiri la Ambuya, ku nyumba yaku Chiuta waku Yakobe, alinga watisambizge nthowa zake, ndi kuti ifwe tendenge mu tunthowa twake.” Pakuti dangu likatuwanga mu Zioni, ndi mazu gha Ambuya, ghakatuwanga mu Yerusalemu.

Jobu 34:29

Pa iyo waja cheti, ndiyani wangasuska? Pa wabisa chisku chake, ndiyani wangamuwona; pamwenga ungaŵa mtundu pamwenga munthu,

Hoseya 14:1

Yisraele uwere kwa Ambuya, Chiuta wako, pakuti waguŵa chifukwa cha ubendezi wako.

Yeremiya 50:4

“Mu mazuŵa gha ndimu nyengo yiya, atiti Ambuya, ŵaYisraele ndi ŵaYuda ŵakazanga pamoza, ŵakaliyanga ŵachiza ndipo ŵazamupenja Ambuya Chiuta wawo.

Yeremiya 3:22

“Weniko mwa ŵana ŵambura magomezgeka mwe, ndikakuchizganinga kuti muŵe ŵamagomezgeka.” “Ehe, tituza kwinu; pakuti imwe ndimwe Ambuya Chiuta widu.

Yesaya 30:26

Nakweni nako ukweru wa mwezi ukaŵanga nge mbukweru wa lumwi, ndipo ukweru wa lumwi ukaŵanga wakufwapo kankhonde ndi kaŵi, uli mbukweru wa mazuŵa ghakhonde ndi ghaŵi, mu zuŵa lo Ambuya akamangiyanga chironda cha ŵanthu ŵawo, ndi kuchizga mabala ghakuchitika ndi kumpuma kwawo.

Yeremiya 33:5

ŴaKaldiya ŵakazanga kuzachirwa ndi kuzizaza ndi viŵanda vya ŵanthu ŵeniwo ndikakosonga mu kukwiya kwangu ndi ukari wangu; pakuti ndabisa chisku changu ku msumba uwu chifukwa cha mautimbanizi ghawo ghose.

Sumu 30:7

O Ambuya, mu ulemu winu, mukundijarika ngendi phiri lakukho. Kweni po mwaŵeni mungujibisa, ine ndingutenthema.

Yeremiya 30:12

“Pakuti viyo atiti Ambuya: Kulasika kwako nkhwambura mapoleka, ndipo bala lako ndaurwirwi.

Yesaya 30:22

Sono mukakazuzganga ŵangoza ŵinu ŵakusema ŵakuzgangika ndi siliva ndi ŵangoza ŵinu ŵakwenguwa ŵakuzgangika ndi golide. Mukaŵaparghang'anga nge ndi vinthu vyaukazuzi, mukakambanga kwaku wo kuti, “Rutaninga!”

Zefaniya 2:1

Zaninga pamoza, ndi unganani, imwe mtundu wambura soni,

1 Samuele 7:3

Penipo Samuele wangunena ndi nyumba yaku Yisraele, “Asani mung'anamukiya ku Ambuya ndi mtima winu wose, iku tuzgani ŵachiuta ŵachilendo ndi Ashitaroto mukati, rongozgiyani mitima yinu ku Ambuya, mteŵetiyeni iyo, ndipo wakamupozomoskaninga mu janja la ŵaFilisti.”

Jobu 16:9

Ukari wake, ndi wanditinkha, wandikukutiya minyu ghake, wamawongo wangu wathwanuliya maso ghake paku ine kumikana nani.

Sumu 6:2

Ndichitiyeni wezi, A Chiuta, chifukwa nditomboroka ine; Ambuya, ndichizgeni, chifukwa vitenthema viwanga vyangu.

Sumu 71:20

Imwe mwanditumiya suzgu ndi vyakupweteka, kweni mukandisisipuskanga so; kutuwa ku ndimba za charu chapasi; imwe mukandisoskiyanga so pachanya.

Wakutaula 3:3

nyengo yakubayiya, ndi nyengo yakuchizgiya; nyengo yakubwanganduliya pasi, ndi nyengo yakuzenge;

Yesaya 17:7

Mu zuŵa liya ŵanthu ŵazamuphwere mlengi wawo ndipo maso ghaŵo ghazamulereska ku Mtuŵa yo Yumoza waku Yisraele,

Yeremiya 33:6

Ehe, ndikatolenga kwaku wo umoyo ndi kuchizga, ndipo ndikaŵachizganga ndi kuŵalongo kuzara kwa vyakusakata ndi wanangwa.

Yeremiya 50:5

Ŵazamufumba nthowa ya kuya ku Zioni, po visku vyawo vilereska kweniko, ŵakatinge, ‘Tiyeni, tijisazge pamoza ku Ambuya mu chipangano cha muyaya, cho kuti chikaruwikanga cha.’

Chitenje 3:11

wangundipatuska munthowa ndi kundiparuwa tumana-tumana; wandipasuwa;

Hoseya 11:10

Ŵakarondonga Ambuya, Ambuya akoromenge nge ndi nkharamu, inya akoromenge, ndipo ŵana ŵake ŵakazanga ndi chitenje kutuwa ku zambwe.

Hoseya 12:6

“Viyo iwe, ndi chivyo chaku Chiuta wako, were vuli; sungiska lisungu ndi cheruzgu ndipo rutiriya kulindizga Chiuta wako.”

ŴaLevi 14:48

“Kweni asani mzukuru waza ndipo wapima ndi wasaniya kuti nthenda yilivi kuthaza mu nyumba yo pavuli yati yakuluŵika, sono mzukuru wakanenenga kuti nyumba njakutozgeka; pakuti nthenda yamara.

2 Mikoka 30:6

Viyo methenga ghanguruta mu Yisraele yose ndi Yuda ndi ŵakarata ŵakutuwa ku karonga ndi mafumu ghake, kwakuyana nge ndimo karonga wangulanguliya, kuti, “Mwa ŵaYisraele, wereni ku Ambuya, Chiuta waku Abrahamu, Yisaki ndi Yisraele, mwakuti awere so kwaku wo ŵajako ŵaku imwe, wo ŵapozomoka ku manja gha ŵakaronga ŵaku Asiriya.

Jobu 22:23

Asani uwere ku Wanthazizose, ndi kujiyuyuwa, asani utuzgapo uheni pa hema lako,

Hoseya 3:5

Pavuli ŵana ŵaku Yisraele ŵawenge ndi ŵapenjenge Ambuya ŵawo, ndi Davidi karonga wawo; ndipo ŵazenge ndi mantha ku Ambuya ndi ku urunji wake mu mazuŵa ghakumariya.