Hoseya 5:6 - Tonga Bible 1986

⁶ Ŵarutenge kupenja Ambuya ndi mskambu wa mberere, ndi mpingu wa ng'ombe zawo, kweni kuti aŵasaniyenge cha; apatukako kwaku iwe.

Hoseya 5:6 Referans Kwoze

Yohane 7:34

Mundilembenge, kweni kuti mundisaniyenge cha: ndipo ko nde ine imwe kuti muziŵa kuzako cha.”

Nthanthi 1:28

Pa nyengo yo ŵakadananga kwaku ine; kweni kuti ndamukenge cha: ŵakandipenjanga kwarwana kweni kuti ŵakandibowozganga cha.

Ezekiele 8:6

Sono wangunena nane, “Mwana wa munthu, kumbi uwona vyo ŵachita, maunyakazi ghakuru gho nyumba yaku Yisraele yichita pano, kundidikiskiya kutali ndi malo ghangu ghakupaturika? Ehe, ukawonanga mbwenu maunyakazi ghakuru kwakuruska.”

Chitenje 3:44

Mwajikulunga ndi mtambo, viyo kuti palivi rombu lo lingaporota.

Yeremiya 7:4

Mungagomezganga mu mazu yagha ghakupusika cha: ghakuti, ‘Uyu ndi kasopi wa Ambuya, kasopi wa Ambuya, kasopi wa Ambuya.’

Nthanthi 15:8

Mpasku wa wamphulupulu mbukazuzi ku Ambuya, kweni rombu la wakunyoroka ndi likondwa lawo.

Luka 5:16

Kweni mweneko wabisamanga mu mabozwa, ndi warombanga.

Yeremiya 11:11

Chifukwa cho atiti Ambuya, Ehe, ine nditole uheni paku iwo, weniwo kuti angaziŵa kuwuthaŵa cha; chingana ŵangandiliriya, kuti ndikaŵategherezganga cha.

Yesaya 66:3

“Yo wabaya ng'ombe walingana ndi wakubaya munthu; yo wapereka chisopo cha mwana wamberere, walingana ndi yo wafyo khosi la garu; yo wapereka mpasku wa ufwa walingana ndi yo wasaska ndopa za nkhumba; yo wachita mpasku wa chikumbusku wa vyachema walingana ndi yo watumbika ngoza. Yaŵa ŵasankha nthowa yo ŵeneko, ndipo mtima wawo ukondwere mu maukazuzi ghawo;

Sumu ya Zisumu 5:6

Ndingumujuriyako nkhwanjiwa wangu, kweni nkhwanjiwa wangu wangutuwapo wanguruta. Nthazi za mzimu wangu zingugururuka wachirongoro. Ndingumupenja, kweni ndengavi kumusaniya; ndingumudana, kweni kuti wangumuka cha.

Nthanthi 21:27

Ambuya ŵatinkha asani ŵanthu ŵaheni ŵatuŵapaska mipasku, weni ukongwa asani ŵatu wupereka ndi maghanaghano ghaheni.

Chituwa 10:9

Ndipo Mosese wanguti, “Tikarutanga ndi ŵana ŵidu ndi makhongwe ghidu: tikarutanga ndi ŵana ŵidu ŵanthurumi ndi ŵanthukazi, ndipo ndi mberere zidu ndi ng'ombe zidu, chifukwa titenere kwachichitiya dghera Ambuya.”

Mika 3:4

Viyo ŵakaliyanga ku Ambuya, kweni kuti amukenge cha; akabisanga chisku chawo kwaku iwopa nyengo yiya, chifukwa nchitu zawo ŵazisanduska kuŵa ziheni.

Ezekiele 8:18

Muchifukwa ichi ndikachitanga mwa ukari; jiso langu kuti likasiyangapo cha, nanga nkhuchita chitima; ndipo nanga ŵaliya mu makutu ghangu ndi kubangura kukuru, kuti ndikaŵavwanga cha.”

Yeremiya 11:14

“Chifukwa cho reka kuŵarombe ŵanthu yaŵa, kuliya pamwenga kuromba chifukwa chawo, chifukwa kuti ndikategherezganga cha ŵachidana kwaku ine mu nyengo ya suzgu yawo.

Yeremiya 14:12

Chingana ŵangafunga, kuti ndikavwanga kuliya kwawo cha, ndipo chingana ŵangapereka mpasku wakocha ndi mpasku wa ufwa, kuti ndivirondiyenge cha; kweni ndikaŵamaranga ndi lipanga, ndi chilala, ndi chideru.”

Hoseya 8:13

Ŵatanja sembe; ŵapereka sembe ya nyama ndi ŵatiyirgha; kweni Ambuya kuti akondwa nawo cha. Sono wakumbukenge ubendezi wawo ndikuŵaranga chifukwa cha kulakwa kwawo; ŵawerenge so ku Egipiti.

Malaki 1:10

Ndikhumba kuti wangaŵapo yumoza waku imwe wakuti wajale makhomo kuti ŵareke kupemba moto waŵaka pa jochero langu! Ndilivi likondwa mwaku imwe, atiti Ambuya ŵa maŵanja; ndipo kuti nkharondiyanga cha mpasku wakutuwa mu janja linu.

Amosi 8:12

Ŵakayinganga kutuwa ku nyanja mpaka ku nyanja yinyake, kutuwa ku nkhonde mpaka ku vuma; ŵakachimbiyanga uku ndi uku, kupenja mazu gha Ambuya, kweni kuti ŵakaghasaniyanga cha.