Hoseya 5:2 - Tonga Bible 1986

² Ndipo ŵakumba pasi ukongwa mbuna yaku Shitimu, kweni ndiŵarangenge wose.

Hoseya 5:2 Referans Kwoze

Hoseya 9:15

Uheni wawo wose wemu Gilgala; kwenikuwa ndiko ndingudanga chaŵatinkha. Chifukwa cha uheni wa milimu yawo, nkhaŵatuzganga mu nyumba yangu. Ndiŵanjenge so cha; mafumu ghawo ghose ghandigaruka.

Yesaya 29:15

Soka kwaku wo ŵabisa fundu zawo pa ndimba ku Ambuya, wo vyakuchita vyawo vye mu mdima, ndipo ŵatiti, “Njani watitiwona? Njani watitiziŵa?”

Hoseya 6:9

Nge ndimo ŵankhungu ŵakhazgiya munthu, ndimo so ŵazukuru nawo wawungirana pamoza; ŵabaya mu nthowa yakurata ku Shekemu, inya ŵarutiriya kuchita uheni.

Chivumbuzi 3:19

Ŵeniwo wose nditanja, ndituŵachenya ndikuŵalanga: viyo pamphuka, ndi ng'anamuka.

Hoseya 6:5

Chifukwa ichi ndaŵacheka ndi ŵamuchimi, ndaŵabaya ndi mazu gha mu mlomo wangu, ndipo cheruzgu changu chituwa nge mbukweru.

Hoseya 4:2

Mwe kurapa, kupusika, kubaya, kuba, ndi kuchita ureŵi, ŵabwanganduwa zimphaka, ndipo kubaya kurondo kubaya.

Yeremiya 18:18

Sono iwo ŵanguti, “Tiyeni, timuchitiye vya chiŵembo Yeremiya, pakuti dangu kuti likamaranga cha ku mzukuru, chingana ndi fundu ku wazeru, chingana ndi mazu kutuwa ku mchimi. Tiyeni, timupume ndi lilime, ndipo tireke kuphwereko mazu ghake chingana ngamoza.”

Yeremiya 6:28

Wose mbachigaruka ŵanonono, ŵaruta uku ndi uku ndi mautesi; iwo ŵe mkuŵa ndi chisulo, wose ŵatakataka kwaŵaka.

Yeremiya 5:3

Ambuya mwe, asi maso ghinu ghapenja uneneska? Imwe munguŵapuma, kweni kuti ŵanguvwa kuŵaŵa cha; imwe munguŵamara, kweni kuti ŵangukhumba kususkikacha. Ŵalimbiska visku vyawo kwakuruska jarawi ŵakana kung'anamuka mtima.

Yesaya 1:5

Chifukwa chine mukapumikiyanga-pumikiyanga, pakuti mugarukiya-garukiya? Mutu wose ngwakutama, mtima wose utufwa chipoyo.