Hoseya 5:10 - Tonga Bible 1986

¹⁰ Mafumu ghaku Yuda ghaŵa nge ndiwo ŵanderezga mphaka; ndipunguliyenge ukari wangu paku iwo nge ndi maji.

Hoseya 5:10 Referans Kwoze

Marangu 19:14

“Mu chihara chenicho mukaŵanga nacho mu charu chenicho Ambuya Chiuta winu watukupaskani kuŵa chinu, kuti mukanderezganga chichiri cha mphaka ya charu cha, chenicho ŵara ŵakale ŵangujintha.

Sumu 32:6

Chifukwa ichi we yose yo ngwauchiuta wapereke rombu kwaku imwe; pa nyengo ya suzgu, mukusapatiya kwa maji ghanandi, kuti ghamukwaskenge cha.

Marangu 27:17

“ ‘Watembeke yo wanderezga chichiri cha mphaka ya charu cha muzengezgani wake.’ Ndipo ŵanthu wose ŵanenenge, ‘Ameni.’

Luka 6:49

Kweni wakuvwa wambura kuchita wakozgana ndi munthu wakuzenga nyumba pa dongo kwambura chiŵanja; paku yeniyo msinji ungukukurwiya, ndipo sosonukweni yinguwa; ndipo phasulu la nyumba yiya lenga likuru.”

Mateyu 7:27

ndipo yingung'a vuwa, ŵazandi ŵanguza, zinguputa mphepu, ndi zingubumiya pa nyumba yo; mpaka yinguwa: ndipo kwenga kukuru kupasuka kwake!”

Ezekiele 7:8

Sono kwaja kanyengo kamanavi ndipunguliyenge ukari wangu, ndikufiska kukara kwangu paku imwe, ndikweruzgeninge kwakuyana ndi nthowa zinu; ndikulangeninge pa maukazuzi ghinu ghose.

Nthanthi 22:28

Munganderezganga cha mphaka yacharu ya kale yeniyo auskemwe ŵangujintha.

Nthanthi 17:14

Kwamba kwa ndeu kwe uli nkhutuzga maji, viyo tuwapo ndeu yenga yindayambe.

Sumu 88:17

Vitindizunguliya zuŵa lose nge nkhusefuka kwa maji; vyandizingirizga kose kose.

Sumu 69:24

Ukari winu punguliyani paku iwo, ndipo ufyu wa kandundu kinu uŵasaniye.

Yesaya 1:23

Ŵaraŵara ŵinu ŵaŵa vigaruka ndi mabwezi gha ŵankhungu. We yose watanja vinda ndipo ŵaunukiya vyaulera. Kuti ŵavikiriya ŵana ŵaranda cha, ndipo makani gha choko ŵatighaphwere cha.

Ezekiele 22:22

Mo siliva lisongonoke mu ng'anjo, ndimo imwe namwe mukasongonokiyanga mukati mwake; ndipo mukaziŵanga kuti ine Ambuya ndapunguliya ukari wangu paku imwe.”