Hoseya 4:3 - Tonga Bible 1986

³ Chifukwa ichi, charu chitenge, ndipo wose wo ŵaja mwaku cho ŵakhuluruka nthazi, ndi so nyama zamu dondo, ndi tuyuni twa mude, chingana ndi somba zamu nyanja nazo zitoreka.

Hoseya 4:3 Referans Kwoze

Zefaniya 1:3

“Ndimarenge munthu ndi chinyama; ndimarenge viyuni vya mude ndi somba zamu Nyanja. Ndiparghang'enge ŵaheni; nkhatuzgangamo ŵanthu wose mu charu,” atiti Ambuya.

Nahumu 1:4

Achenya nyanja ndi kuyikamuska, aphwiska misinji yose; Bashani ndi Karmele ŵafota, luŵa laku Lebanoni nalo lifota.

Amosi 5:16

Chifukwa ichi atiti Ambuya, Chiuta wa maŵanja, Ambuya: “Mu maluluwa mose mukaŵangachitenje; ndipo mu ŵagurwi wose ŵakatinge, ‘Owe! owe!’ Ŵakadananga ŵalimi kuzachiliya ndi kwazachiliya ndi wo mbakugozga mu chitenje,

Ezekiele 38:20

somba za mu nyanja, tuyuni twa mude, nyama za mudondo, ndi vyakukwaŵa vyose, ndi ŵanthu wose woŵe pa chisku cha charu chapasi, ŵakambwambwanthiyanga pa maso pangu, mapiri ghakapong'ekanga pasi, vinkhwawu vikawanga, ndipo viliŵa vyose vikabwangandukiyanga pasi.

Yeremiya 12:4

Charu chikatenjenga mpaka zuŵanji, mpaka zuŵanji uteka wamu minda yose ukamiranga? Chifukwa cha mautimbanizi ghaku wo ŵaja mwenimo vinyama ndi viyuni vyakukurwa; chifukwa ŵanthu ŵanguti, “Kuti wakawonanga umari widu cha.”

Yeremiya 4:25

Ndingulereska, ndi ehe, pengavi munthu, ndipo viyuni vyose vya mude vinguthaŵa.

Amosi 8:8

Kumbi charu kuti chitenthemenge cha pa chifukwa ichi, ndi munthu yose kuliya yo wajamo, ndi chose kuyuka nge ndi Nile, ndi kupong'eka ndi kubizgika so, nge ndi Nile waku Egipiti?”

Amosi 1:2

Ndipo wanguti: “Ambuya abongonge mu Zioni, ndikutuzgiya mazu ghawo mu Yerusalemu; mauliska gha ŵaliska ghatenjenge, ndi pachanya pa Karmele pafotenge.”

Yesaya 33:9

Charu chitenje ndi nchakuvuka; Lebanoni ngwachitima ndi wafota; Sharoni wasanduka bozwa; ndipo Bashani ndi Karmele ŵayoyoska mani ghawo.

Yeremiya 9:10

“Dangani kuliya ndi kwenjerwa chifukwa cha mapiri, tenjeni chifukwa cha mauliska gha mubozwa, chifukwa ghachitika mapopa palivi yo waporotamo, ndipo kubama kwa ng'ombe kuti kuvwika cha; vyose viyuni vya mude ndi nyama za mudondo vyathaŵa kuti viwoneka so cha.

Yeremiya 23:10

Pakuti charu chazazika ndi ŵareŵi; chifukwa cha thembo charu chitenje ndipo mauliska gha mubozwa ghamira. Kenderu kawo mbuheni, ndipo nthazi yawo kuti njakurunjika cha.

Yoele 1:18

Vyakuŵeta viragha, miskambu ya ng'ombe yazingariwa chifukwa chipozwa kulivi; chingana ndi miskambu ya mberere njakutomboroka.

Zekariya 5:4

Ndilitumizgenge, atiti Ambuya ŵa maŵanja, ndipo liserenge mu nyumba ya munkhungu, ndi mu nyumba yaku yo warapa utesi mu zina langu; ndipo lijenge mu nyumba yake ndi kuyimara, miti yake ndi mya yake pamoza.”

Yeremiya 9:9

Kumbi kuti ndikaŵalanganga cha chifukwa cha vinthu ivi? atiti Ambuya; Kuti ndikajitayiyanga thayu cha pa mtundu nge ndi uwu?