Hoseya 4:2 - Tonga Bible 1986

² Mwe kurapa, kupusika, kubaya, kuba, ndi kuchita ureŵi, ŵabwanganduwa zimphaka, ndipo kubaya kurondo kubaya.

Hoseya 4:2 Referans Kwoze

Hoseya 6:9

Nge ndimo ŵankhungu ŵakhazgiya munthu, ndimo so ŵazukuru nawo wawungirana pamoza; ŵabaya mu nthowa yakurata ku Shekemu, inya ŵarutiriya kuchita uheni.

1 ŴaTesalonika 2:15

Wo nawo ŵangubaya Ambuya Yesu ndi ŵamchimi, ndipo ŵangutidikiska ifwe, ŵambura kumkondweska Chiuta, ndipo mbakumikirana ndi ŵanthu wose;

Mika 7:2

Ŵarunji ŵakumara pa charu, ndipo palivi murunji mukati muŵanthu; wose ŵalindizga ndopa; ndipo yose wasaka mbali wake ndi ukondi.

Hoseya 7:1

ndi kuchizga Yisraele, uheni waku Efraimu uvumbukwa ndi so milimu yiheni ya Samaria; pakuti ŵachita kwautesi, munkhungu wasere, ndi wakuphanga waphanga kubwalo.

Yeremiya 6:7

Mo chisima chisungiya maji ghake umampha, nayo ndimu wasungiya umampha uheni wake; viwawa ndi phasulu vivwika mukati mwake, matenda ndi mabala nyengo zose vye paurongo pangu.

Chivumbuzi 17:6

Ndipo ndingumuwona munthukazi yo wakuloŵe ndopa za ŵakupaturika ndi ndopa za ŵakaboni ŵaku Yesu. Ndipo pakumuwona ndingurwita ndi chirwita chikuru.

Machitidu gha Ŵakutumika 7:52

Nunju wa ŵamchimi auskemwe ŵengavi kumndondoloska? Ndi ŵanguŵabaya wo ŵangutauliya limu ndi kazidu ka Murunji yo; mweniyo sono imwe mwakombo ndi mwabaya.

Mateyu 23:35

viyo kuti ziziyenge paku imwe ndopa zose zirunji zakudikiya pa charu, kutuwa ku ndopa zo zaku Abelu murunji yo mpaka ku ndopa zaku Zekariya mwana waku Barakiya, yo mungukosore pakati pa kasopi ndi jochero.

Zekariya 7:9

“Viyo atiti Ambuya ŵa maŵanja, yeruzgani cheruzgu chakuneneska, rongoni ulemu ndi chisungusungu munthu yose ku munyake,

Zekariya 5:3

Ndipo wanguti kwaku ine, “Ili ndi thembo lakutuwiya pa chisku cha charu chose chapasi, chifukwa yose yo watuba wakadumulikanga, kwamba sono kwakuyana ndilo, ndipo yose yo warapa utesi wakadumulikangako sono kwakuyana ndilo.

Zefaniya 3:1

Soka ku mugaruki, wakukazuzgika, muzi wakusuzga!

Mika 6:10

Kumbi ndingaruwa usambasi wa uheni mu nyumba ya muheni, ndi thumba la vyakupimiya vyakupusika yo ngwakutembeka?

Mika 3:9

Vwani ichi, imwe mwaŵarongozgi ŵa nyumba yaku Yakobe, ndi mwa mafumu mwa nyumba yaku Yisraele, imwe mutinkha weruzgi ndi kubendezga urunji wose.

Mika 3:2

Imwe mutinkha umampha ndi kwanja uheni, mwaŵenimwe muparuwa khungu la ŵanthu ŵangu, ndi kucheka nyama kutuwa ku viwanga vyawo;

Hoseya 12:14

Efraimu wangumukaripiska ukongwa; viyo Ambuya ŵake asiyenge mlando wa ndopa paku iyo, ndipo Ambuya awezgiyenge paku iyo chilengesko.

Hoseya 10:4

Ŵakamba mazu ghaŵaka; ndi ŵarapa ŵaka pakuchita mapanganu viyo cheruzgu chibuka nge ndi uteka wakuŵaŵa mu migando yamu munda.

Hoseya 7:3

Ŵakondweska karonga ndi mauheni ghawo, ndi ŵakondweska mafumu ndi uchenjezi wawo.

Hoseya 5:2

Ndipo ŵakumba pasi ukongwa mbuna yaku Shitimu, kweni ndiŵarangenge wose.

Chitenje 4:13

Ichi chenga chifukwa cha mauheni gha ŵamchimi ŵake ndi kunanga kwa ŵazukuru ŵake, ŵeniwo ŵangudiska mukati mwake, ndopa za ŵanthu ŵarunji.

Yesaya 48:1

Ivwa ichi, wa nyumba yaku Yakobe we, imwe mudanika ndi zina laku Yisraele, ndi imwe mungutuwa mu viunu vyake Yuda, imwe murapa pa zina la Ambuya, ndi kuzomera Chiuta waku Yisraele, kweni mu uneneska pamwenga kwakurunjika cha.

Yesaya 24:5

Charu chigona mu kukazuzgika pasi pa ŵakujamo ŵake; pakuti ŵalengeska marangu, ŵaswa panganu la muyaya.

Chiyambo 4:8

Kaini wanguti kwaku Abelu mhurwa wake, “Tiye ku munda.” Ndipo penipo ŵenga mu munda, Kaini wangusoke pa mhurwa wake Abelu, ndi wangumubaya.

Marangu 5:11

“ ‘Ungazumbuwanga waka zina la Ambuya Chiuta wako, chifukwa Chiuta wampimenge wambura kalema cha, yo wazumbuwa waka zina lake.

Marangu 5:18

“ ‘Ungareŵa.

Marangu 5:19

“ ‘Ungabanga.

Yeremiya 51:5

Pakuti Yisraele ndi Yuda kuti ŵajoworeka cha ndi Chiuta wawo, Ambuya ŵa maŵanja, kweni charu cha ŵaKaldiya chazaza ndi kulakwa pa Mtuŵa yumoza waku Yisraele.

Ezekiele 7:23

ndi kughasanduska phasulu. “Chifukwa charu chazaza mirandu ya ndopa ndipo msumba wazaza viwawa,

Hoseya 6:8

Gileada ndi msumba wa ŵakuchita uheni, wanangika ndi ndopa.

Hoseya 7:4

Mbareŵi wose; ŵayana ndi ng'anjo yakufunda, yeniyo wakubikapo wareka kupembako moto, kwamba pakukanya chiŵande mpaka chitukumuke.

Hoseya 10:13

Mwalima ubendezi, ndipo mwavuna uwura urunji, mwargha chipasi cha mautesi. Chifukwa mwagomezga mu magareta ghinu, ndi mu unandi wa ŵankhondo ŵinu.

Hoseya 11:12

Efraimu wandizingirizga ndi mautesi, ndipo nyumba yaku Yisraele ndi chinyengo; kweni Yuda weche kuziŵikwa ndi Chiuta, ndipo ngwamagomezgeka ndi Mtuŵa Yumoza.