Hoseya 4:15 - Tonga Bible 1986

¹⁵ Chingana muchita maureŵi, imwe ŵaYisraele, kweni Yuda wangananganga cha. Mungazanga ku Gilgala cha chingana nkhukwere ku Betavene, pamwenga kurapa, “Ambuya wamoyo.”

Hoseya 4:15 Referans Kwoze

Hoseya 12:11

Asani mwe utimbanizi mu Gileada, nadi ŵaŵenge ŵaŵakaŵaka; asani mu Gilgala wapereka sembe ya zinkhuzi, majochero ghawo ghaŵenge nge ndi ndundu ya mya mu migandu ya munda.

Hoseya 9:15

Uheni wawo wose wemu Gilgala; kwenikuwa ndiko ndingudanga chaŵatinkha. Chifukwa cha uheni wa milimu yawo, nkhaŵatuzganga mu nyumba yangu. Ndiŵanjenge so cha; mafumu ghawo ghose ghandigaruka.

Amosi 4:4

“Zani ku Betele, muzachilakwa; ndipo ku Gilgala, mwandaniske maulakwi; zani ndi sembe zinu, mlenji we wose, ndi vigaŵa vya chichumi paziŵa le lose la chitatu;

Amosi 8:14

Ŵeniwo ŵarapa pa Ashima waku Samaria, ndipo ŵatiti, mo ‘Chiuta wako waliri wamoyo, O Dani,’ ndipo, ‘Nge ndimo Beresheba wajaliya’; wakawanga, kwambura kuyuka so.”

Amosi 5:5

“Penjani ine ndipo muŵenge ŵamoyo; kweni mungapenjanga Betele, ndipo mungaserenga mu Gilgala cha, pamwenga kujumpha Beresheba; chifukwa Gilgala wakarutanga nadi ku umkoli, ndi Betele nayo wasandukenge chawaka.”

Hoseya 10:8

Malo gha pachanya ghaku Avene, ndi kwananga kwaku Yisraele, vyose vimarenge. Minya ndi nthula vikamenga pa majochero ghawo; ndipo ŵakatinge ku mapiri, “Wiyani paku ifwe”; ndi mitunthu, “Tivunikiriyeni.”

Hoseya 10:5

Ŵakuja mu Samaria ŵatenthema chifukwa cha thole laku Betavene. Ŵanthu ŵake ŵamuliriyenge, ndi ŵazukuru ŵake wo ŵasopa ŵangoza ŵamutenjeriyenge, chifukwa cha unkhankhu wake wo watuwapo.

Hoseya 5:8

Mbani mbata mu Gibeya, ndi lipenga mu Rama. Kamburani mu Betavene; tenthema, iwe Benjamini.

Yeremiya 5:2

Chingana ŵatiti, “Nge ndimo aliri amoyo Ambuya,” kweni ŵarapa kwakupusika.

ŴaEfeso 5:11

ndipo mungasangana ndi nchitu zambura vipasi za mdima, kweni viŵiviŵi muzisuske nadi;

Amosi 6:10

Ndipo asani mbali wapa mtima wa munthu, yo watumocha, wakamutonga kutuzgamo viwanga mu nyumba, ndipo wakatinge kwaku yo we mu nyumba mukati ukongwa, “Kumbi waliku soyumoza ndi iwe?” Wamukenge kuti, “Awa” Ndipo watinge, “Ja chete! pakuti tingaumbuwa zina la Ambuya cha.”

Hoseya 11:12

Efraimu wandizingirizga ndi mautesi, ndipo nyumba yaku Yisraele ndi chinyengo; kweni Yuda weche kuziŵikwa ndi Chiuta, ndipo ngwamagomezgeka ndi Mtuŵa Yumoza.

Hoseya 4:12

Ŵanthu ŵangu ŵafumba fundu ku chimuti, ndipo ndodo yawo yitiŵakonkhoske. Chifukwa mzimu wa ureŵi waŵarandizga, ndipo ŵareka Chiuta wawo chifukwa ŵakhumba kuchita ureŵi.

Ezekiele 20:39

“Kwaku imwe, nyumba yaku Yisraele, Ambuya Chiuta watiti, Rutani yumoza ndi yumoza waku imwe watakatakiye ŵangoza ŵake, sono ndi kunthazi viyo, asani mukarekanga kundivwiya; ipo lireke kukazuzgika zina langulituŵa ndi vyawanangwa vinu ndi ŵangoza ŵinu.

Yesaya 48:1

Ivwa ichi, wa nyumba yaku Yakobe we, imwe mudanika ndi zina laku Yisraele, ndi imwe mungutuwa mu viunu vyake Yuda, imwe murapa pa zina la Ambuya, ndi kuzomera Chiuta waku Yisraele, kweni mu uneneska pamwenga kwakurunjika cha.

Yeremiya 44:26

Chifukwa cho vwani mazu gha Ambuya, imwe mose mwaku Yuda, imwe muja mu charu cha Egipiti: Ehe, ndarapiya pa zina langu likuru, atiti Ambuya, kuti zina langu likazumbulikanga so cha ndi mlomo wa munthu nanga njumoza mu Yuda mu charu chose cha Egipiti, kunena kuti, ‘Achiŵa amoyo Ambuya Chiuta.’

Yoswa 5:9

Ndipo Ambuya angunena ndi Yoswa, “Msana wale ndatuzgapo kuwere kwa ŵaEgipiti paku imwe.” Viyo malo ghadanika Gilgala mpaka zuŵa lino.

Yoswa 7:2

Yoswa wangutuma ŵanthu kutuliya ku Yeriko kuya ku Ai wo we pafupi ndi Betavene, kumwela kwa Betele, wangunena nawo, “Kwerani mukaskoli charu cho.” Ŵanthu ŵanguruta ŵangwachiskola Ai.

2 Mikoka 17:4

Kweni wangupenja Ambuya Chiuta wa awiske, wangwenda mu marangu ghake, kwambura kwenda mu nthowa zaku Yisraele.

2 Mikoka 21:11

Ndipo so napu wanguzenga so malo gha pachanya mu mapiri ghaku Yuda, wanguchitiska ŵamu Yerusalemu kuchita ureŵi ndi kuchichizga ŵaYuda kuti nawo ŵachitenge viyo pe.

Hoseya 12:1

Efraimu wakhwema mphepo; wandondoloska mphepo yaku vuma zuŵa lose, watandaniska mautesi ndi nkhaza; wapangana phanganu la maronda ndi Asiriya, ndipo mafuta ghapingikiya ku Egipiti.

Hoseya 12:12

Yakobe wanguthaŵiya ku charu cha Aramu, Yisraele wanguteŵeta kwenikuwa chifukwa cha munthukazi, ndipo wanguliska mberere chifukwa cha munthukazi.