Hoseya 4:1 - Tonga Bible 1986

¹ Vwani mazu gha Ambuya imwe mwa ŵaYisraele; chifukwa Ambuya ŵe ndi mlando ndi ŵakuja mu charu. Palivi chigomezgu, chingana mbulemu, pamwenga kuziŵa Chiuta mu charu.

Hoseya 4:1 Referans Kwoze

Yeremiya 4:22

“Pakuti ŵanthu ŵangu mbakupusa kuti ŵatindiziŵa cha; mbana ŵakupusa, ŵalivi kuwamo. Mbakuchenje mu kuchita uheni, kweni kuchita umampha kuti ŵaziŵa cha.”

Mika 6:2

Vwani, imwe mwamapiri, suskanu ya Ambuya, ndi imwe viŵanja vyakukho vya charu chapasi; pakuti Ambuya ŵe ndi suskanu ndi ŵanthu ŵawo, ndipo akamikananga ndi Yisraele.

1 ŴaKorinte 15:34

Yukiyani ku urunji, ndi kuti mungalakwa cha; chifukwa ŵanyake mbajira mu kumuziŵa Chiuta; ndikamba namwe ichi alinga kuti mulengeke lilengu.

ŴaRoma 1:28

Ndipo uli ndimo ŵangukaniya kuŵa ndi Chiuta mu mziŵiru wawo, Chiuta iyo wanguŵapereka ku chinjeru chauzereza kuchita vyamwikhu,

Hoseya 12:2

Ambuya ŵe ndi mlando ndi Yuda; amupaniskenge Yakobe kwakulingana ndi nthowa zake, ndi kumuwezge kwakuyana ndi milimu yake.

Yeremiya 25:31

Kukambula kukavwikanga ku umari wa charu chapasi, chifukwa Ambuya atole mlando pa mitundu; asere mu cheruzgu ndi ŵanthu wose ndipo ŵatimbanizi akaŵaŵikanga ku lipanga, atiti Ambuya.’

Yeremiya 5:4

Viyo ine ndinguti, “Yaŵa mbakusauka, ŵalivi chinjeru; pakuti kuti ŵaziŵa cha nthowa ya Ambuya, dangu laku Chiuta wawo.

Yesaya 34:1

Ndereni pafupi, mwa ŵa mitundu mwe, kuzachivwa, ndipo tegherezgani, mwa ŵanthu mwe! Charu chapasi chitegherezge, ndi vyose vyakuzaza mwake, charu, ndi vyose vyakutuwa mwaku cho.

Yesaya 1:18

“Zaninga sono, tipaskane fundo,” atiti Ambuya: “Chingana uheni winu ungaŵa waku chesama, ukaŵanga utuŵa nge ndi nyankhuŵinda, chingana ungaŵa wakuti jee ngendi nkhama, ukasandukanga nge ndi weya wa mberere.

Chivumbuzi 2:29

Mweniyo we ndi gutu, wavwenge cho Mzimu ukamba ku mipingu.’

Chivumbuzi 2:11

Mweniyo we ndi gutu, wavwenge cho Mzimu ukamba ku mipingu. Yo wapunda kuti wakapwetekekanga kose cha ndi nyifwa yo yachiŵi.’

Yohane 8:55

ndipo kuti mwaŵaziŵa cha; kweni ine ndituŵaziŵa, asani ndinganena kuti ndirive kuŵaziŵa ndiŵenge wakukozgana ndi imwe, mutesi, kweni ndituŵaziŵa, ndipo ndisunga mazu ghawo.

Amosi 7:16

Viyo sono, uvwi mazu gha Ambuya. Iwe utiti, ‘Ungachimanga cha ku mikana ndi Yisraele, ndi ungasambizganga cha kususka nyumba yaku Yisaki.’

Hoseya 5:1

Vwani ichi, mwa ŵazukuru! Vwiyani, mwa ŵanyumba yaku Yisraele! Vwiyani, mwa ŵanyumba ya karonga! Chifukwa cheruzgu nchinu; pakuti mwenga chiŵana pa Mizipa, ndi ukonde wakupong'eka pa Taboro.

Yeremiya 34:4

Kweni ivwa mazu gha Ambuya, Zedekiya we, karonga waku Yuda, viyo atiti Ambuya gha paku iwe: ‘Kuti ukafwanga ndi lipanga cha.

Yeremiya 19:3

Wamkuti, ‘Avwani mazu gha Ambuya, mwa ŵakaronga ŵaku Yuda ndi mwa ŵakuja mu Yerusalemu. Viyo atiti Ambuya ŵa maŵanja, Chiuta waku Yisraele, Ehe, ine ndikatolenga uheni pa malo yagha weniwo po ŵanthu ŵakauvwanga, ŵakazizwanga nawo.

Yeremiya 9:20

Mwa ŵanthukazi mwe, avwani mazu gha Ambuya, gutu linu lironde mazu gha mlomo wawo; ŵana ŵinu ŵanthukazi muŵarunguchizge chitenje, yose warunguchizge mwanasi wake sumu ya chitenje.

Yeremiya 7:28

Ndipo wamkuti kwaku wo, ‘Uwu ndi mtundu weniwo wengavi kuvwiya mazu gha Ambuya Chiuta wawo, ndipo kuti ŵanguronde langulu cha; uneneska wamara; ukudumulikako ku milomo yawo.

Yeremiya 6:13

“Pakuti kwamba ku mumana kwachifika ku mura wawo, we yose ndi msusi chifukwa cha chanduwu chakupusika; ndipo kutuwa ku mchimi mpaka ku mzukuru we yose wachita kwakupusika.

Yeremiya 4:28

Charu chapasi chikatenjenga chifukwa chaku ivi ndipo kuchanya kukafipanga; pakuti ndakamba, ndasimikizga mtima; ndilivi kugowoka chingana nkhuti ndikawerenga vuli nako so cha.”

Yeremiya 2:4

Vwani mazu gha Ambuya, mwa nyumba yaku Yakobe, ndi mphapu zose za nyumba yaku Yisraele.

Yesaya 66:5

Vwani mazu gha Ambuya, imwe mutenthema pa mazu ghawo: “Ŵabali ŵinu wo ŵatikutinkhani ndipo ŵatikudikiskani chifukwa cha zina langu ŵakuti, ‘Ambuya akankhuskike, kuti tiwone chimwemwe chinu,’ kweni ndiwo wo ŵakalengeskekanga.

Yesaya 34:8

Pakuti Ambuya ŵendi zuŵa la thayu, chirimika cha chilangu chifukwa cha Zioni.

Yesaya 28:14

Chifukwa cho vwani mazu gha Ambuya, mwa ŵankharghi, imwe muteruzga ŵanthu mu Yerusalemu!

Yesaya 5:3

Ndipo sono, mwa ŵakuja mu Yerusalemu mwe, ndi ŵanthu ŵaku Yuda, mweruzge, nditukupemphani, pakati pangu ndi munda wangu wamphereska.

Yesaya 1:10

Avwani mazu gha Ambuya, mwa ŵeruzgi ŵa Sodomu! Tegherezgani gutu ku kurunguchizga kwaku Chiuta widu, mwa ŵanthu ŵaku Gomora!

1 ŴaKaronga 22:19

Ndipo Mikaya wanguti, “Chifukwa cho vwani mazu gha Ambuya: ndinguwona Ambuya akuja pa chitengo chawo cha ufumu, ndi liŵanja lose la kuchanya lakuma pafupi nawo ku janja lawo la marghe ndi la maze;

Yesaya 59:4

Palivi yumoza yo wasere pa mlandu mu uneneska palivi yo watiya ku dangu mu ukongorekwa; ŵayegeme pa mpandira uyumu, ŵarongoro mautesi, ŵazuwuka urwani, ndipo ŵapapa mphurupuru.

Yesaya 59:8

Nthowa ya chimangu kuti ŵatiyiziŵa cha, mulivi cheruzgu chirunji mu nthowa zawo; wanyongoloska miseu yawo, palivi yumoza wakwenda mwaku zo yo waziŵa chimangu.

Yeremiya 9:3

Ŵapinda malilime ghawu uli ndi uta; mu charu mwazara ndi kupusika, uneneska cha, pakuti ŵarutiriya kutuwa pa uheni kuya pa uheni, ndipo kuti ŵatindiziŵa cha ine, atiti Ambuya.

Yeremiya 51:5

Pakuti Yisraele ndi Yuda kuti ŵajoworeka cha ndi Chiuta wawo, Ambuya ŵa maŵanja, kweni charu cha ŵaKaldiya chazaza ndi kulakwa pa Mtuŵa yumoza waku Yisraele.

Yoele 1:2

Avwani ichi, imwe mwa ŵara, tegherezgani gutu, imwe mose muja mu charu! Kumbi chinthu chaviyo chikuŵako mu mazuŵa ghinu, pamwenga mu mazuŵa gha auskemwe?

Sumu 81:9

Mungateŵetiyanga chiuta wa chilendo cha, pamwenga kusopa so Chiuta wa kuchiri kunyake.

Yeremiya 2:9

“Chifukwa ichi ndeche kulimbana namwe, atiti Ambuya, ndikalimbananga ndi ŵana ŵa ŵana ŵinu.

Yeremiya 9:7

Chifukwa chenichi atiti Ambuya ŵa maŵanja, “Ehe, ndiŵasongononge ndi ndiŵesenge, pakuti na nchine so cho ndingachita, chifukwa cha ŵanthu ŵangu.

Yeremiya 11:7

Pakuti ndinguŵachenjezga auskemwe, pa nyengo yo ndinguŵatuzgiya mu Egipiti; kuŵachenjezga kaŵi, inya mpaka zuŵa lino, kuti, Vwiyaninga mazu ghangu.

Ezekiele 16:35

“Viyo sono, wa mureŵi we, ayivwa mazu gha Ambuya:

Hoseya 5:4

Nchitu zawo kuti ziwazomerezga cha kuwere kwaku Chiuta wawo. Chifukwa mzimum waureŵi we mukati mwawo, ndipo ŵalivi kuŵaziŵa Ambuya.

Hoseya 12:3

Mu nthumbu wanguko chitende cha mbali wake; ndipo wanguti waŵa mura wangulimbana ndi Chiuta.

Amosi 3:1

Vwani mazu yagha Ambuya akamba kususka imwe, mwa ŵanthu ŵaku Yisraele kususka mbumba yose yo ndikutuzga mu charu cha Egipiti: