Hoseya 2:5 - Tonga Bible 1986

⁵ Chifukwa nyinawo wachita ureŵi; yo wanguŵapapa wachita chilengesku. Chifukwa wanguti, ‘Ndirondonge ŵakundanja, wo ŵandipaska vyakurgha vyangu ndi maji ghagu, weya wangu ndi thonji langu, mafuta ghangu ndi chakumwa changu.’

Hoseya 2:5 Referans Kwoze

Hoseya 3:1

Ndipo Ambuya anguti kwaku ine, “Kanga so, ndi umwanje muwoli wako wakwanjika ndi bwezi lake, ndipo ndi mureŵi; nge ndimo Ambuya atanjiya ŵaYisraele, chingana iwo ŵagarukiya ku ŵachiuta ŵanyake ndi kwanja maburunga gha mphereska zakumira.”

Hoseya 2:8

Chifukwa wengavi kuziŵa kuti ndine ndingumupaska trigu, vinyo ndi mafuta, ndi kumwandaniskiya siliva, ndi golide, lenilo wanguchitiya Bala.

Yesaya 1:21

Muzi wamagomekezeka, wasanduka mureŵi, wo unguzara ndi cheruzgu chirunji! Urunji wajanga mwake, kweni sono mbakubaya ŵanthu.

Hoseya 9:10

Ndingumusaniya Yisraele nge ndi mphereska mu mapopa. Nge nchipasi chakudanga cha mkuyu, pa nyengo yake yakwamba, ndinguŵawona auskemwe. Kweni ŵanguza ku Bala-peori, ndi ŵangujipatuliya kwaku Bala, ŵanguŵa ŵakutinkhika nge nchinthu cho ŵangwanja.

Hoseya 8:9

Pakuti ŵakwere ku Asiriya nge ndi mbunda yamu dondo yakuyinga yija; Efraimu walembera ŵakwanjiwa ŵake.

Hoseya 4:5

Mukaguŵanga ndi msana, ndi mchimi nayo waguŵenge pamoza namwe ndi usiku; ndipo nkhananganga anyoko.

Hoseya 2:2

“Mususkani ndi nyinamwe, suskani chifukwa ndi muwoli wangu cha, nane kuti ndi murumi wake cha. Kuti watuzgepo ureŵi pa maso pake, ndi ureŵi pakati pa maŵe ghake.

Yeremiya 11:13

Pakuti ŵachiuta ŵinu ŵandana nge ndi mizi yinu, Yuda we; ndipo viguŵa vya sembe vyo mwazenge ku chilengesku vyandana nge ndi miseu ya Yerusalemu, viguŵa vyakochiyapo sembe kwaku Bala.

Yeremiya 2:20

“Pakuti ndikale ukongwa mungufyo gori linu ndipo munguphwatuwa vimangiro vinu, ndipo munguti, ‘Kuti nditataliyenge cha!’ Inya, pa phiri lose litali ndi msina muti wose uŵisi mungujikaniya nge ndi munthukazi mureŵi.

Yesaya 50:1

Viyo atiti Ambuya, “Wepani karata wa chipata wa anyoko, mweniyo ndinguŵapatiyapo? Pamwenga nkhu wamateu nunju yo ndingukuguliskako? Ehe, unguguliskika chifukwa cha maulakwi ghako, chifukwa cha mautimabanizi ghako reka anyoko angupatika.

Ŵeruzgi 16:23

Sono mafumu gha ŵaFilisti ghanguwungana pamoza kupereka mpasku ukuru kwaku Dagoni chiuta wawo, ndi kukondwere, pakuti ŵatinge, “Chiuta widu wapereka Samsoni wakupindikana widu mu janja lidu.”

Hoseya 1:2

Po Ambuya angudanga kukamba kwaku Hoseya, anguti, “Ruta ukato munthukazi mureŵi ndi ukaŵi ndi ŵana ŵaureŵi, chifukwa charu chose chichita ureŵi ukuru pakureka kuŵarondo Ambuya.”

Yeremiya 6:8

Uchenjezgeke, Yerusalemu we, vinu ndingatuwako ine kwako; vinu ndingakuchita kuŵa mapopa, charu chambura ŵanthu.”

Yeremiya 13:22

Ndipo asani mukakambanga mu mitima yinu, ‘Chifukwa chine vyatiziya vinthu ivi?’ Nchifukwa cha ukuru wa utimbanizi winu, viketi vinu vya kungunikiya muchanya, ndipo mutuvwa kupwetekeka kukuru.

Ezekiele 16:4

Ndipo pakunena za kawi kako, pa zuŵa lo ungupapikiya lichofu lako kuti lingudumulika cha, nanga nkhukusambika maji kuti utowe naku cha, ulive kupakika mche, pamwenga kuvungika ndi ntheŵela.

Ezekiele 16:35

“Viyo sono, wa mureŵi we, ayivwa mazu gha Ambuya:

Ezekiele 16:39

Ndikuperekenge iwe mu janja la ŵakwanjiwa ŵako, ndipo ŵakabwanganduliyanga pasi chipinda chako cha pachanya ndi kuwiska malo ghako gha pachanya; ŵakazuwanga vya kuvwara vyako ndi kuto vitowelo vyako vyamampha, kukusiya wankhuli kwambura kanthu.

Amosi 8:13

“Mu zuŵa lenilo ŵamwali ŵakutowa ndi ŵanyamata ŵamukufwa msara ndi nyota.