Hoseya 2:4 - Tonga Bible 1986

⁴ Kuti nkhaŵachitiyanga lisungu chingana mbana ŵake cha, chifukwa mbana ŵa ureŵi.

Hoseya 2:4 Referans Kwoze

Hoseya 1:6

Gomere wanguzuuka so wangupapa mwana munthukazi, ndipo Ambuya anguti kwaku Hoseya, “Umudani mwana yo zina lakuti, ‘Wambura kuchitikiya lisungu,’ chifukwa kuti nkhaŵanga ndi lisungu so cha ndi ŵanyumba yaku Yisraele chingana nkhuŵagowoke.

Hoseya 1:2

Po Ambuya angudanga kukamba kwaku Hoseya, anguti, “Ruta ukato munthukazi mureŵi ndi ukaŵi ndi ŵana ŵaureŵi, chifukwa charu chose chichita ureŵi ukuru pakureka kuŵarondo Ambuya.”

Ezekiele 8:18

Muchifukwa ichi ndikachitanga mwa ukari; jiso langu kuti likasiyangapo cha, nanga nkhuchita chitima; ndipo nanga ŵaliya mu makutu ghangu ndi kubangura kukuru, kuti ndikaŵavwanga cha.”

Yeremiya 13:14

Ndipo ine ndikaŵabwanyaniskanga uyu ku munyake, ŵauskeu ndi ŵana pamoza, atiti Ambuya. Kuti ndikachitanga chitima pamwenga kuŵareka waka nanga nkhuŵa ndi lisungu nako cha, kuti ndireke kuŵananga.’ ”

Yakobe 2:13

Chifukwa cheruzgu nchambura lisungu ku wakureka kuchita lisungu: ndipo lisungu litumbwiya pa cheruzgu.

ŴaRoma 11:22

Alereni viyo ulemu ndi ukari waku Chiuta, ukari paku wo ŵanguwa, kweni ulemu waku Chiuta we paku iwe, asani ujaririya mu ulemu wake: vinu nawe so ungadumulikako.

ŴaRoma 9:18

Viyo na, mweniyo wakhumba wamchitiya lisungu, ndipo mweniyo wakhumba wangangamiska.

Yohane 8:41

Imwe muchita nchitu za auskemwe.” Wangumwamuka, “Ifwe kuti tapapika mu ureŵi cha, te nayo uskefwe yumoza, ndiyo Chiuta.”

Zekariya 1:12

Penipo mungelo wa Ambuya wanguti, ‘Ambuya ŵa maŵanja, kumbi mpaka zuŵanji murekenge kuŵa ndi lisungu pa Yerusalemu ndi pa misumba yaku Yuda, yo mungutundiya nayo virimika ivi machumi ghankhonde ndi viŵi (70)?’

Ezekiele 9:10

Ine nane, jiso langu kuti likasiyangako kanthu cha, nanga nkhuti ndiŵi ndi lisungu naku so cha, kweni nkhawezgiyanga nchitu zawo pa muti yawo.”

Yeremiya 16:5

“Pakuti viyo atiti Ambuya: Ungaserenga mu nyumba ya maliro, ungarutanga kwachitenje, pamwenga kuŵachitiya chitima; pakuti ndatuzgako chimangu changu ku ŵanthu yaŵa, atiti Ambuya, chanju changu chizirima ndi lisungu.

Yesaya 57:3

Kweni imwe, ndereni pano pafupi, mwaŵana ŵa vyanusi, mphapu ya mureŵi ndi wachigololo.

Yesaya 27:11

Zititi zamira mphanda zake, zifyoka, ŵanthukazi ŵatuza kuzachidewa nkhuni za moto. Pakuti yaŵa mbanthu ŵambura kuteska, chifukwa cho wakiŵalenga yo kuti wakaŵanga nawo ndi lisungu cha, mweniyo wanguŵaumba kuti wakaŵarongonga wezi so cha.

2 ŴaKaronga 9:22

Ndipo penipo Yoramu wanguwona Yehu, wanguti, “Kumbi nchimangu, Yehu?” Iyo wangwamuka, “Pangaŵa chimangu cha mtundu uli penipo maureŵi gha anyoko a Yezebelu gheche ghanandi pamoza ndi maufwiti ghawo?”

Ezekiele 23:25

Ndirongozgiyenge kukara kwangu paku iwe, alinga kuti akuchitiye iwe mwa ukari. Ŵakadumuwanga mphunu yako, makutu ghako, ndipo ŵakusiyika, mwaku iwe ŵakawanga ndi lipanga. Ŵakakonga ŵana ŵako ŵanthurumi ndi ŵana ŵako ŵanthukazi, ndipo ŵakusiyika ŵako ŵakapiriyanga mu moto.

Hoseya 5:7

Wachita kwambura magomekezgeka ndi Ambuya, chifukwa ŵabala ŵana ŵachilendo. Sono mwezi ufya wakuŵalika ŵamarenge pamoza ndi minda yawo.

Yesaya 50:1

Viyo atiti Ambuya, “Wepani karata wa chipata wa anyoko, mweniyo ndinguŵapatiyapo? Pamwenga nkhu wamateu nunju yo ndingukuguliskako? Ehe, unguguliskika chifukwa cha maulakwi ghako, chifukwa cha mautimabanizi ghako reka anyoko angupatika.