Hoseya 2:2 - Tonga Bible 1986

² “Mususkani ndi nyinamwe, suskani chifukwa ndi muwoli wangu cha, nane kuti ndi murumi wake cha. Kuti watuzgepo ureŵi pa maso pake, ndi ureŵi pakati pa maŵe ghake.

Hoseya 2:2 Referans Kwoze

Yesaya 50:1

Viyo atiti Ambuya, “Wepani karata wa chipata wa anyoko, mweniyo ndinguŵapatiyapo? Pamwenga nkhu wamateu nunju yo ndingukuguliskako? Ehe, unguguliskika chifukwa cha maulakwi ghako, chifukwa cha mautimabanizi ghako reka anyoko angupatika.

Ezekiele 23:45

Kweni ŵanthu ŵarunji ŵakaperekanga cheruzgu paku iwo kwakuyana ndi cheruzgu cha ŵanthukazi ŵareŵi, ndi cheruzgu cha ŵanthukazi ŵakudiska ndopa, chifukwa iwo mbanthukazi ŵareŵi, ndipo ndopa ze pa manja ghawo.”

Yeremiya 3:13

Zomera waka kulakwa kwako, kuti ungugarukiya Ambuya Chiuta wako ndipo unguparghaniya mwaŵi wako mu ŵalendo pa sina pa muti wose uŵisi, ndi kuti ulivi kuvwiya mu mazu ghangu, atiti Ambuya.

Ezekiele 16:25

pa mphambano ya gurwi we yose ukuzengapo malo gha pachanya ndi kufipiska utozi wako, kujisaska iwe wamweni kwaku yose yo wajumphapo, ndipo wandaniska ureŵi wako.

Yeremiya 3:1

“Asani munthu wapata muwoli wake ndipo watumsiya, ndipo sono watuŵa muwoli wa munthu munyake, kumbi munthu yo waweriyenge ku munthukazi yo? Kumbi kuti chikazuzgikenge weni ukongwa cha charu cho? Iwe wareŵa ndi mabwezi ghanandi; kumbi ukaweriyanga kwangu? atiti Ambuya.

Hoseya 2:5

Chifukwa nyinawo wachita ureŵi; yo wanguŵapapa wachita chilengesku. Chifukwa wanguti, ‘Ndirondonge ŵakundanja, wo ŵandipaska vyakurgha vyangu ndi maji ghagu, weya wangu ndi thonji langu, mafuta ghangu ndi chakumwa changu.’

Hoseya 1:2

Po Ambuya angudanga kukamba kwaku Hoseya, anguti, “Ruta ukato munthukazi mureŵi ndi ukaŵi ndi ŵana ŵaureŵi, chifukwa charu chose chichita ureŵi ukuru pakureka kuŵarondo Ambuya.”

Yeremiya 19:3

Wamkuti, ‘Avwani mazu gha Ambuya, mwa ŵakaronga ŵaku Yuda ndi mwa ŵakuja mu Yerusalemu. Viyo atiti Ambuya ŵa maŵanja, Chiuta waku Yisraele, Ehe, ine ndikatolenga uheni pa malo yagha weniwo po ŵanthu ŵakauvwanga, ŵakazizwanga nawo.

2 ŴaKorinte 5:16

Viyo na, ifwe kutuwa ku sono kuti tiziŵa yumoza uli nkhu liŵavu cha: chingana napo tamziŵa Kristu uli nkhu liŵavu, ndikweni sono kuti timziŵa viyo so cha.

Ezekiele 23:43

“Penipo ndinguti, Kumbi ŵanthu sono kuti ŵachita ureŵi cha asani ŵachita nayo ureŵi?

Ezekiele 20:4

Kumbi ukaŵayeruzganga, wa mwana wa munthu, kumbi ukaŵayeruzganga? Ipo uŵaziŵiske maunyakazi gha auskeu,

Ezekiele 16:20

Ndipo ŵana ŵanthurumi ndi ŵana ŵanthukazi wo ungupapiya ine, iwe ukuŵato kuŵapereka sembe kwaku wo kuti ŵarghike. Kumbi chifukwa cha maureŵi ghako kenga kanthu kawana-wana,

Yeremiya 2:2

“Ruta, ukamemeze mu makutu gha Yerusalemu, viyo atiti Ambuya, Ndikumbuka kuti ungunditeŵete penipo wenga muhurwa, chanju chako uli ncha mwali wanthengwa, mwenimo ungundindondoloske mu bozwa, mu charu chambura kumijamo mbeu.

Yesaya 58:1

“Bongoni ukongwa, kurekezga cha, kwezgani mazu ghinu uli ndi mbata; taulani ku ŵanthu ŵangu mautimbanizi ghawo, ku nyumba yaku Yakobe mauheni ghawo.

Hoseya 2:1

Nena ku mbali wako, “Ŵanthu ŵangu”, ndi ku mzichi wako, “Waronde lisungu.”

Hoseya 4:5

Mukaguŵanga ndi msana, ndi mchimi nayo waguŵenge pamoza namwe ndi usiku; ndipo nkhananganga anyoko.

Yesaya 11:12

Wakasoskiyanga mbendera pa mitundu, wakaunjikanga pamoza wakutayika waku Yisraele, ndi kuunjika ŵakuparghang'ika ŵaku Yuda kutuwa ku visongo vinayi vya charu chapasi.

Yeremiya 3:18

Mu mazuŵa gho nyumba yaku Yuda yikaŵanga pamoza ndi nyumba yaku Yisraele, ndipo wose pamoza ŵakatuwanga ku charu chaku nkhonde kuza ku charu chenicho ndingupaska auskemwe kuchihara.

Mika 2:13

Yo wajura dangazi waruta panthazi pawo; wakatoronga ndi kuporota pa likomo, kutuliya kubwalo paku lo. Karonga wawo ndiyo wamudanjiya panthazi pawo, Ambuya akuŵalongozga.