Hoseya 2:16 - Tonga Bible 1986

¹⁶ “Ndipo mu zuŵa lo,” atiti Ambuya, “ukandidananga kuti, ‘murumi wangu,’ kuti wazakumdina so cha kuti ‘Bala wangu.’

Hoseya 2:16 Referans Kwoze

Yesaya 54:5

Pakuti Mlengi wako ndi murumi wako, Ambuya ŵa maŵanja ndilo zina lawo; ndipo Mtuŵa Yumoza waku Yisraele ndiyo Muwombozi wako, Chiuta wa charu chose chapasi ndimu wadanikiya.

Hoseya 2:7

Warondonge ŵakumwanja ŵake, kweni kuti waŵasaniyenge cha, ndipo wakaŵapenjanga, kweni kuti wakaŵasaniyanga cha. Ndipo wakambenge kuti, ‘Nkharutanga ndi kuweriyana ndi murumi wangu wakudanga, chifukwa kwenga kwamampha kwaku ine kuruska mo ndiliri sono.’

Yeremiya 3:14

Weko, wa mwana wambura magomezgeka, atiti Ambuya; pakuti nde mbuyako; ndikakutoninga, yumoza kutuwa ku muzi, ndi ŵaŵi kutuwa ku mphapu yimoza, ndipo ndikakutoliyaninga ku Zioni.

Chivumbuzi 19:7

Tisangaruke ndi tikondwe ukongwa: tipaske iyo unkhankhu: pakuti yafika nthengwa ya Mwana-mberere yo, ndipo muwoli wake wajirongoso.

2 ŴaKorinte 11:2

Chifukwa ndikunwekiyani ndi linweka lauchiuta; chifukwa ndingumtoreskiyani ku mrumi yumoza, kwachipereke imwe nge ndi mwali mkhovu kwaku Kristu.

Yohane 3:29

Yo ngwakuŵa ndi mwali ndi mweni-nthengwa: kweni bwezi la mweni-nthengwa, lo litumapo ndi kumuvwa, limwemwete ukongwa chifukwa cha liu la mweninthengwa yo: chifukwa chenichi chimwemwe changu chifiskika.

Chiyambo 34:3

Ndipo mzimu wake unguya kwaku Dina mwana munthukazi waku Yakobe; wangwanja mwali yo ndipo wangukamba nayo kwakoloŵa.

Ŵeruzgi 19:3

Pavuli pake mrumi wake wangusoka wangumulondo, kwachirongoro nayo kwa ulemu ndi kumuwezga. Wenga ndi mteŵeti wake ndi mbunda ziŵi. Ndipo wanguza ku nyumba ya awiske wa mbiligha yo: ndipo po awiske ŵa munthukazi ŵangumuwona, ŵanguza ndi chimwemwe kukumana nayo.

Ruti 2:13

Sono Ruti wanguti, “We wawezi ukongwa kwangu, pakuti wandisangaruska ndi wakamba kwa ulemu ndi ine, chingana kuti nde yumoza wa mteŵeti munthukazi wako cha.”

Yesaya 40:2

Kambani ghakuzikiska mtima Yerusalemu, ndi mubongoliyeni kuti nkhondo yake yamara, uheni wake wagowokereka, pakuti waronde ku janja la Ambuya mwakuwerezga kaŵi pa uheni wake wose.

Ezekiele 20:35

ndikamutoriyaninga mu mapopa gha ŵamitundu, ndipo kwenikuwa ndikaserenga namwe pa cheruzgu chisku ku chisku.