Hoseya 2:12 - Tonga Bible 1986

¹² Ndipo ndinangenge mphereska zake, ndi miti yake ya mkuyu vyenivyo wanena kuti, ‘Ivi nchihara changu cho wakundanja wangu wandipaska.’ Nkhavisanduskanga lisuwa, ndipo nyama zamu dondo zikavirghanga.

Hoseya 2:12 Referans Kwoze

Yesaya 7:23

Mu zuŵa lo malo ghose mwenimo kale mwenga miti ya mphereska chikwi chimoza, yapa mtengo wa mashekelo gha siliva chikwi chimoza, yikasandukanga kankhande ndi minga.

Yesaya 5:5

Sono ndikakuneniyaninga, cho ndikachitanga ku munda wangu wa mphereska. Ndikapasuwanga lisitu lake, ndipo ukaliwanga: ndibwanganduliyenge pasi linga lake, ndipo ukaphwatikiyanga pasi.

Hoseya 13:8

Ndiŵarotokiyenge nge ndi chipembere yo waphangika ŵana ŵake, ndiparuwenge nganga yawo, ndipo nkhaŵarghanga nge ndi nkharamu, nge ndimo chikoko cha mu dondo chiparuriya.

Hoseya 2:5

Chifukwa nyinawo wachita ureŵi; yo wanguŵapapa wachita chilengesku. Chifukwa wanguti, ‘Ndirondonge ŵakundanja, wo ŵandipaska vyakurgha vyangu ndi maji ghagu, weya wangu ndi thonji langu, mafuta ghangu ndi chakumwa changu.’

Mika 3:12

Viyo chifukwa chaku imwe Zioni wakalimikanga nge ndi munda; Yerusalemu wakaŵanga ndundu ya vyakupasuka, ndi phiri la nyumba nge ndi miti yitali mulisuwa.

Hoseya 9:1

Ungasakeriyanga cha, Yisraele! Ungajikuzgana nge mba mitundu chifukwa wachita ureŵi, pakusiya Chiuta wako. Wanja mphoto ya munthukazi mureŵi pa chitanthali chose cha trigu.

Yeremiya 26:18

“Mika waku Moreshete wanguchima mu mazuŵa ghaku Hezekiya karonga waku Yuda, ndipo wanguti ku ŵanthu wose ŵaYuda, ‘Viyo atiti Ambuya ŵa maŵanja, Zioni wakalimikanga nge ndi munda; Yerusalemu wakasandukanga chimbumira cha vyakunangika, ndipo phiri la nyumba likaŵanga nge ndi malo gha pachanya gha dondo.’

Yeremiya 8:13

Penipo ndingwenere kuŵaunjika, atiti Ambuya, vipasi mulivi mu mphereska, nanga ndi nkhuyu mu mkuyu; chingana ndi mani ghamira, ndipo cho ndinguŵapaska chatuwako kwawo.”

Yesaya 29:17

Asi kwaja kanyengo kamanavi waka ko Lebanoni wakasanduskikanga kuŵa, munda wakupasa, ndipo munda wakupasa ndiwo ukadanikanga lisuwa?

Sumu 80:12

Kumbi mukupasuliyanji malisitu ghake? Sono yose yo wajumphapo waziŵa kuba vipasi vyake.

Yeremiya 5:17

“Ŵazamkurgha vuna yinu ndi kurgha kwinu; ŵazamkurgha ŵana ŵinu ŵanthurumi ndi ŵana ŵinu ŵanthukazi; ŵazamkurgha mberere zinu ndi viŵetu vinu: ŵazamkurgha mphereska zinu ndi miti ya mikuyu; ŵazamubwanganduwa ndi lipanga mizi yinu ya malinga mwaku yo mugomezga.”

Yeremiya 13:26

Ine ndamweni ndikakungunuliyanga ku maso viketi vinu, ndipo soni zinu ziwonekenge.

Hoseya 5:14

Chifukwa ndiŵenge kwaku Efraimu nge ndi nkharamu, ndi nge ndi nkharamu yimana ku nyumba yaku Yuda. Ine, nadi ine, ndiparuwenge ndi kutuwapo, ndikonge ndipo palivi yo wangataska.