Hoseya 14:1 - Tonga Bible 1986

¹ Yisraele uwere kwa Ambuya, Chiuta wako, pakuti waguŵa chifukwa cha ubendezi wako.

Hoseya 14:1 Referans Kwoze

Hoseya 6:1

“Zaninga, tiyeni tiwere kwa Ambuya; chifukwa aparuwa, mwakuti atichizge; atipuma ndipo atimangenge umempha mabara.

Hoseya 12:6

“Viyo iwe, ndi chivyo chaku Chiuta wako, were vuli; sungiska lisungu ndi cheruzgu ndipo rutiriya kulindizga Chiuta wako.”

Yeremiya 4:1

“Asani mukawenga, Yisraele we, atiti Ambuya, mutenere kuweredi kwaku ine. Asani munderezgapo maukazuzi ghinu paurongo pangu, ndi kuti mukangang'a cha,

Hoseya 13:9

Ndikuparghang'enge iwe, Yisraele; ndiyani wangakovya?

Chitenje 5:16

Chifuku cha ufumu chambotokako ku mutu widu; Owe! Soka ifwe, pakuti talakwa!

Hoseya 5:5

Kujikuzga kwaku Yisraele kusimikizga pa maso pake; Efraimu waguŵenge mu kwananga kwake; Yuda nayo waguŵenge pamoza nayo.

Yeremiya 2:19

Uheni winu ukudikiskeninga, ndipo kureka kusopa kukakuchenyaninga. Ziŵani, ndi wonani, kuti imwe pakureka Ambuya Chiuta winu mbuheni ndi kuŵaŵa kwaku imwe; kundopa ine mulivi mwaku imwe, atiti Ambuya Chiuta wa maŵanja.

Yesaya 19:22

Ambuya akakosonga Egipiti, kukoso ndi kuchizga, ndipo ŵakaŵeyerenga ku Ambuya, Ambuya akategherezganga ku mapemphu ghawo ndi akaŵachizganga.

Ezekiele 33:11

Uŵanene kuti. Mo ndiliri wamoyo, atiti Ambuya Chiuta, ndilivi likondwa mu nyifwa ya muheni, kweni kuti muheni waweko ku nthowa yake, waŵe ndi umoyo; weniko, weniko ku nthowa zinu ziheni; kumbi mufwiyengenji, mwa ŵa nyumba yaku Yisraele?

Ezekiele 33:14

Ndipo so, nanga ndingakamba ku muheni, ‘Nadi ukafwanga,’ Kweni ndipuuli asani waweko ku uheni wake ndi wachita cho nchakwenere ndi chakurunjika,

Hoseya 4:8

Waturgha kwananga kwa ŵanthu ŵangu; ŵaŵika mtima pa kulakwa kwawo.

Hoseya 9:7

Mazuŵa ghakurangikiya ghafika, mazuŵa ghakuwezge thayu ghafika. Yisraele wakaghaziŵanga. Mchimi ngwakupusa, munthu wa mzimu wafuntha, chifukwa cha ubendezi winu ndi kutinkha kukuru.

Hoseya 10:12

Jipandiyeni urunji, vunani chipasi cha lisungu; swani mawongolomwa; chifukwa sono ndi nyengo yakupenje Ambuya, mwakuti ŵaze ndi kung'iska utaski paku imwe.

Hoseya 12:8

Efraimu wanguti, “Ehe, nde musambasi, ndajanduliya usambasi”; kweni usambasi wake wose kuti ungaziŵa cha kutozga uheni wo wachita.

2 ŴaKaronga 8:12

Hazaeli wanguti, “Chifukwa chine mbuyangu waliya?” Iyo wangwamuka, “Chifukwa ndiziŵa uheni wo mukachitiyanga ŵanthu ŵaku Yisraele, mukawochanga malinga ghawo, mukabayanga ŵanyamata ŵawo ndi lipanga, mukapikitanga tumanatumana malitema ghawo, ndipo mu katumbuwanga ŵanthukazi ŵawo ŵa nthumbo.”

Ezekiele 16:46

Ndipo muku wako mura ndi muSamaria, yo wajanga ndi ŵana ŵake ŵanthukazi kuchiri ku nkhonde; muhurwa wako, yo wajanga kuchiri ku malaŵi, ndi ŵana ŵake ŵanthukazi ndi muSodomu.

Hoseya 9:13

Ŵana ŵaku Efraimu mo ndaŵawone ine, ŵanozgeke kwachiŵa ŵakuskoŵeska. Efraimu watenere kurongozga ŵana ŵake ku kubayika.

Amosi 1:13

Viyo atiti Ambuya: “Chifukwa cha maulakwi ghatatu gha Amoni, ndi wachinayi, kuti ndiwezgenge kulangika kwawo cha; chifukwa ŵangupanguwa ŵanthukazi ŵanthumbu ŵaku Gileada mwakuti ŵakuzgi mphaka yawo.