Hoseya 13:2 - Tonga Bible 1986

² Ndipo sono wanangiyanangiya, ndi kujipangiya vikozgu vyakusongono, ŵangoza ŵakupangika umampha ndi siliva wawo, vyose ndi nchitu ya fundi. Ŵatiti, “Perekani sembe ku ŵangoza.” Sono ŵanthu ŵa fyofyontha mathole!

Hoseya 13:2 Referans Kwoze

Hoseya 2:8

Chifukwa wengavi kuziŵa kuti ndine ndingumupaska trigu, vinyo ndi mafuta, ndi kumwandaniskiya siliva, ndi golide, lenilo wanguchitiya Bala.

Yesaya 46:6

Ŵeniwo ŵasakaza golide kutuwa mu chikwama, ndi kupima siliva pa myeso, ŵalembera ŵakusula golide, ndipo iyo wativipanga kuŵa chiuta: sono iwo ŵatuwa pasi ndi kumusopa!

1 ŴaKaronga 19:18

Ndipuuli ndikasiyangamo vikwi vinkhonde ndi viŵi (7,000) mu Yisraele, makongono ghaku ŵeniwo ghalivi kujikamiya Bala ndi mlomo wose waku wo ulivi kumufyofyontha.”

Yeremiya 10:4

Ŵanthu ŵatiuzganga ndi siliva ndi golide; ŵatiukhozga ndi nyundu ndi mizumali kuti ureke kusukunika.

ŴaRoma 11:4

Kweni lititinji kwaku iyo yankhulaku Chiuta? “Ndajisungiya ŵanthurumi vikwi vinkhonde ndi viŵi, ŵeniwo ŵalive kungwadiya Bala.”

2 Timote 3:13

Kweni ŵanthu ŵaheni ndi ŵafuzi ŵakarutiriyanga ku uheni, ŵakurandizga ndi ŵakurandizgika,

ŴaRoma 2:5

Kweni mu unononu wako ndi mtima wako wakukana kupe, ujiŵikiya kandundu mu zuŵa la kandundu ndi la uvumbuzi wa cheruzgu chirunji chaku Chiuta;

Hoseya 11:6

Lipanga likaŵanga pa misumba yawo, kudumuwa mipiringizgu ya malikomo ghawo ndi kuŵamara mu malinga ghawo.

Hoseya 10:1

Yisraele ndi mphereska yakukuwa umampha, yo yipasa vipasi vyake. Mo waliri ndi vipasi vinandi ndimo wazenge majochero ghanandi; mo charu chake chiŵiya chamampha, ndimo wachitiya vikozgo vyamampha.

Hoseya 8:6

Ichi chapangika ndi mupangi; kuti ndi Chiuta cha. Mwana wa ng'ombe waku Samaria watekenyikenge.

Hoseya 8:4

Ŵamika ŵakaronga, kweni ŵakuturiya kwaku ine cha; ŵamika mafumu, kweni kwambura ine kuziŵa. Ŵapanga ŵangoza ndi siliva ndi golide wawo, kujipasuwa.

Yesaya 46:8

“Kumbukani ichi ndi ghanaghanani, jikumbuskeni, imwe mwaŵatimbanizi,

Yesaya 45:20

“Mujiwungang'e ndi muzenge, ndereni pafupi pamoza, mwa ŵakujapo ŵa mitundu! Kuti ŵawamo cha wo ŵanyamuwa-nyamuwa ŵangoza ŵawo ŵa miti ndipo wakiyakiya kuromba kwa ku chiuta yo kuti waziŵa kutaska cha.

Yesaya 30:1

“Soka ku ŵana wakugaruka,” atiti Ambuya, “ŵeniwo ŵachita cho ŵarongoso, kweni kuti nchangu cha; wo ŵazomerezgana kovwana, kweni kuti nkhovyana kwa mzimu wangu cha, kuti ŵasazgiyeko uheni ku uheni;

Yesaya 1:5

Chifukwa chine mukapumikiyanga-pumikiyanga, pakuti mugarukiya-garukiya? Mutu wose ngwakutama, mtima wose utufwa chipoyo.

Sumu 2:12

Fyofyonthani marundi ghawo, vinu angakaripa, ndi mungamariya mu nthowa; pakuti ukari wawo ukole ruŵi. Mbakutumbikika wose wo ŵadingang'a mwaku iwo.

2 Mikoka 33:23

Kweni kuti wangujiyuyuwa cha pa maso ghaku Chiuta nge ndimo Manase awiske ŵangujiyuyuliya, kweni Amoni wanangiyanga-nangiyanga.

2 Mikoka 28:13

ŵanguti kwaku wo, “Kuti mukaŵatoriyanga kuno cha ŵamikoli, chifukwa munkhumba kutitole chifukwa kumikana ndi Ambuya, kusazgiyako ku uheni ndi kwananga kwidu kwa sono. Chifukwa kwananga kwidu nkhukulu kali; ndipo ulipo ukari ukuru kumikana ndi Yisraele.”

1 Samuele 10:1

Sono Samuele wanguto supa ya mafuta wangupunguliya pa mutu wake, wangumufyofyontha ndi wanguti, “Asi ndi Ambuya wo akupaka mwakuti uŵe chirongozgi wa ŵanthu ŵake ŵaYisraele? Ndipo ukawusanga pa ŵanthu ŵa Ambuya ndi kuŵapozomoska mu janja la ŵarwani ŵawo ŵakuŵazingirizga. Ndipo ichi chiŵenge chisimikizgu kwaku iwe kuti Ambuya akupaka kukupatuwa uŵe fumu pa ŵanthu ŵake.

Maŵerengedu 32:14

Ndipo awonani imwe mwa yuka mu malo gha auskemwe, mphapo ya ŵanthu ŵalakwi, kukuzgiya pachanya ukari wakofya wa Ambuya paku Yisraele.

Yeremiya 10:8

Mbakupusa ndi ŵazereza, kusambizga kwa ŵangoza nchimuti pe!

Hoseya 4:17

Efraimu wabatikana ndi ŵangoza mlekeni yija.

Hoseya 8:5

Ndazira mwana wa ng'ombe yako, O Samaria. Ukari wangu ukole kumikana nawo. Kuŵenge viyo mpaka zuŵanji, mpaka penipo mulivi kalema mu ŵaYisraele?

Hoseya 10:5

Ŵakuja mu Samaria ŵatenthema chifukwa cha thole laku Betavene. Ŵanthu ŵake ŵamuliriyenge, ndi ŵazukuru ŵake wo ŵasopa ŵangoza ŵamutenjeriyenge, chifukwa cha unkhankhu wake wo watuwapo.

Hoseya 14:3

Asiriya kuti watitaskenge cha, kuti tikwerenge pa ŵakavalo cha. Ndipo tinenenge so cha kuti, ‘Chiuta widu,’ ku nchitu ya manja ghidu. Mwaku imwe mranda wasaniya lisungu.”

Yesaya 44:11

Ehe, ŵanyake wose ŵakalengeskekanga, ndipo ŵamisili mbanthu ŵaka, ŵalekeni ŵawungane wose, ŵalekeni ŵazichima pakweru ŵakatenthemeskekanga ŵakalengeskekiyanga pamoza.

Yeremiya 8:5

Na chifukwa chine ŵanthu yaŵa ŵapatukiya kunyake, ŵawere vuli kwambura kuweko? Ŵakoreska kupusika, ŵakana kuweko.

Hoseya 11:2

Mo ndinguŵadaniya, ndimu so ŵangutuwiyako kwaku ine; ŵangurutiriya kupereka sembe ku ŵaBala, ndi kuŵawoche vyakununkhira ŵangoza.