Hoseya 13:16 - Tonga Bible 1986

¹⁶ Samaria wasuskikenge chifukwa wagaruka kwaku Chiuta wake; wakabayikanga ndi lipanga, ŵamujedu ŵawo ŵatekenyulikenge tumanatumana ndi ŵanthukazi ŵawo ŵa nthumbu ŵakapangulikanga.

Hoseya 13:16 Referans Kwoze

2 ŴaKaronga 15:16

Pa nyengo yiya Menahemu wangupoka Tapua, ndi wose wo ŵenga mukati mwake ndi chigaŵa cha charu kwamba pa Tirza kuya ku nthazi, chifukwa ŵengavi kuwujuliya iyo, chifukwa cho wanguwupoka, ndipo wangutumbuwa ŵanthukazi wose ŵenga mwenimo ŵakuŵa ndi nthumbo.

2 ŴaKaronga 8:12

Hazaeli wanguti, “Chifukwa chine mbuyangu waliya?” Iyo wangwamuka, “Chifukwa ndiziŵa uheni wo mukachitiyanga ŵanthu ŵaku Yisraele, mukawochanga malinga ghawo, mukabayanga ŵanyamata ŵawo ndi lipanga, mukapikitanga tumanatumana malitema ghawo, ndipo mu katumbuwanga ŵanthukazi ŵawo ŵa nthumbo.”

Yesaya 13:16

Malitema ghawo ghakasirikanga tumanatumana pa maso pawo, nyumba zawo zikakwamphulikanga ŵawoli ŵawo ŵakayorekanga.

Amosi 1:13

Viyo atiti Ambuya: “Chifukwa cha maulakwi ghatatu gha Amoni, ndi wachinayi, kuti ndiwezgenge kulangika kwawo cha; chifukwa ŵangupanguwa ŵanthukazi ŵanthumbu ŵaku Gileada mwakuti ŵakuzgi mphaka yawo.

Nahumu 3:10

Kweni ŵangutoreka, ŵanguruta mu umikoli, twana twake tungutekenyurikiya pasi mu ŵagurwi wose; ŵanthu ŵake ŵakuzirwa ŵanguŵapenduzgiya mphenduzga, ndipo vinkhara vyake vyose vingumangika ndi unyoro.

Mika 6:16

Chifukwa mwasunga vilayizgu vyaku Omri, ndi vyakuchita vyose vya nyumba yaku Ahabu; ndi mwayenda mufundu zawo; ndi mupasuweninge, ndi ŵakujamo ŵinu wakafyonyekanga; viyo mukayeyekanga ndi ŵanthu.”

Mika 1:4

Ndipo mapiri ghakasongonokanga pasi pake, ndi madambo ghakaparukanga, nge ndi phura pafupi pa mo to, ndi nge ndi maji gho ghadika pa malo gha kusendemuka.

Amosi 9:1

Ndinguwona Ambuya kuma mumphepete mu jochero, ndipo anguti, “Puma miti ya nchingamilo zapa khomo mpaka mizati yisukunike, ndipo uyipong'i pa mitu ya ŵanthu wose; ndipo wo ŵajengeko ndiŵabayenge ndi lipanga; pakaŵangavi yumoza wakathaŵanga, chingana njumoza wakuti wapozomoke.

Amosi 3:9

Wandiskani mu malinga mu Asiriya ndi mu malinga mu charu cha Egipiti, kuti, “Unganani pa mapiri gha Samaria, ndi muwone vivurupi vikuru mukati mwake, ndi visuzgu mukati mwake.”

Hoseya 11:6

Lipanga likaŵanga pa misumba yawo, kudumuwa mipiringizgu ya malikomo ghawo ndi kuŵamara mu malinga ghawo.

Hoseya 10:2

Mtima wawo ngutesi, sono ŵatenere kusanirika ndi kafukwa. Ambuya agumuliyenge pasi majochero ghawo, ndi kubwanganduwa vikozgo vyawo.

Hoseya 7:14

Kuti ŵaliya kwaku ine ndi mtima wawo wose cha; kweni ŵatenje pa vita vyawo, ŵawunganirana chifukwa cha trigu ndi vinyo; ŵagaruka kwaku ine.

Yesaya 17:3

Linga likazirimitiyanga mwaku Efraimu, ndi ufumu mu Damasko, ndipo ŵakujapo ŵaSiriya ŵakaŵanga uli ndi unkhankhu wa ŵana ŵaku Yisraele, atiti Ambuya ŵa maŵanja.

Yesaya 8:4

pakuti wenga wandiziŵe kudana mwana ‘Ada,’ pamwenga ‘ama,’ usambasi wa Damasko ndi vyakuskoŵa vya Samaria vikatolekanga kuruta navyo paurongo pa karonga wa Asiriya.”

2 ŴaKaronga 17:18

Chifukwa cho Ambuya angukara ukongwa ndi Yisraele, ndipo anguŵatuzgapo pa maso pawo, pengavi yumoza wangujapo kweni khamu laku Yuda pe.

2 ŴaKaronga 17:6

Mu chirimika cha chinkhonde ndi vinayi chaku Hosheya karonga yo wa Asiriya wangupoka Samaria, ndi wanguyora ŵaYisraele kuyanawo ku Asiriya, wanguŵaŵika mu Hala, ndi pa Haboro, msinji waku Gozani, ndi msumba ya Dedisi.

2 ŴaKaronga 17:5

Sono karonga wa Asiriya wangugoŵe charu chiya chose ndi wanguza ku Samaria, ndipo wanguwuzinga virimika vitatu.