Hoseya 13:13 - Tonga Bible 1986

¹³ Urwirwi wa pakubara mwana umuziyenge, kweni ndi mwana wambura zeru, chifukwa sono kuti wajirongo cha pa mlomo wa nthumbu.

Hoseya 13:13 Referans Kwoze

Yesaya 37:3

Ŵanguti kwaku iyo, “Viyo ndimu wakambiya Hezekiya, ‘Zuŵa ili ndi zuŵa lasuzgu yikuru la kuchenya, ndi la chilengesku, pakuti nyengo yakupapiya ŵana yafikapo, ndipo palivi nthazi yakuŵapapiya.

Yesaya 13:8

ndipo ŵakazizwanga. Kulasa ndi urwirwi vikaŵakonga, ŵakaŵanga mu suzgu ulaka ndi munthukazi wakupapa. Ŵakawonekanga nge mbazereza pakulereskana; visku vyawo vikalipukanga ndi moto.

Yesaya 26:17

Uli ndi munthukazi wa paluŵavu, yo wagadabuka-gadabuka ndi kuliya mu urwirwi wake, po waŵandika ku nyengo yake, viyo ndimu tinguŵiya ifwe chifukwa chinu, Ambuya,

Sumu 48:6

chitenthe chinguŵako penipa, urwirwi nge ngwamunthukazi pakupapa.

2 ŴaKaronga 19:3

Ŵanguti kwaku iyo, “Viyo watiti Hezekiya, ‘Zuŵa ili ndi zuŵa la suzgu la kuchenya zuŵa la chilengesku, nthumbo zayuka, ŵana ŵaza ku kupapika, kweni nthazi za kuŵatuzgiya palivi.

1 ŴaTesalonika 5:3

Po ŵatiti, “Chimangu ndi wanangwa,” penipo ndipo phasulu lituŵawiya kwakubuchizga, uli ndimo urwirwi utumuŵiya wanthumbo; ndipo kuti wampozomoka kose cha.

Nthanthi 22:3

Munthu wakuphwere wawona urwani ndipo wabisama; kweni munthu wauliuli wakiyakiya, ndipo wakomwiyapo.

2 ŴaKorinte 6:2

Chifukwa watiti, “Mu nyengo yakurondeka ndingutegherezga kwako, ndipo mu zuŵa la utanski ndingukovya.” Onani, sono ndi nyengo yamarondeka; onani, sono ndi zuŵa la utaski.

Machitidu gha Ŵakutumika 24:25

Kweni wachipokoto iyo vyapa urunji, ndi kujitintha ndi cheruzgu cho chikazanga, Feliko wangumbwambwantha, ndi wangwamuka, “Sono rutanga; ndipo ndichiŵa ndi nyengo, ndamkukudana.”

Yeremiya 49:24

Damasko watomboroka, wangung'anamuka kuti wathaŵenge; mantha ghamuvumbatiya; suzgu ndi vitima vyamuko, nge ndi munthukazi pa kupapa.

Yeremiya 30:6

Fumbani sono, ndipo wonani, kumbi munthurumi wangapapa mwana? Na chifukwa chine ndiwona munthurumi we yose manja ghake wako mu chiunu ulaka ndi munthukazi wachipapa? Chifukwa chine chisku chose chatuŵa?

Yeremiya 22:23

Iwe wakuja mu Lebanoni, wakuja mu zimphako za milanji, ukatamanthanga po ukavwanga maurwirwi, kuŵaŵa nge nkhwa munthukazi wachipapa.”

Yeremiya 13:21

Mukakambanganji asani ŵamika kuŵa nge ndi mutu paku imwe ŵeniwo imwe mwaŵeni mungusambizga kuŵa ŵakovwana namwe? Asi kuŵaŵa kukamukukaninga, uli nkhwamunthukazi wakupapa?

Yeremiya 4:31

Pakuti ndavwa kuliya uli nkhwa munthukazi yo we mukupapa, kuŵaŵa nge nkhwaku yo wapapa mwana wake wa umwali, kuliya kwa ŵanthu ŵaku Zioni ŵayatuka, ŵatambaruwa manja ghawo, ŵatiti, “Owe ifwe tiyatuka paurongo pa ŵakubaya.”

Yesaya 66:9

Kumbi ndikafikiskanga ku kupapa ndi kureka kupapizga? atiti Ambuya; kumbi ine ndichitiska kubala ndikajaranga chibali? watiti Chiuta winu.

Yesaya 21:3

Chifukwa cho chiunu changu chazazika ndi suzgu; urwirwi wandikwetere, uli mburwirwi wa munthukazi yo wapapa; ndakotama pasi viyo kuti nditondeka kuvwa, ndagongowa viyo kuti nditondeka kulereska.

Yohane 16:21

Munthukazi wachipapa we ndi chisungu, pakuti laza ora lake; kweni watakuti wapapa mwana, kuti wakumbuka so cha suzgu yake, chifukwa cha chimwemwe chakuti munthu wapapikiya mu charu.

Marangu 32:6

Kumbi mutiŵatayiya thayu viyo Ambuya, mwa ŵanthu ŵakupusa ndi ŵambura chinjeru imwe? Kuti ndiwo auskemwe cha wo angumulengani, wo angumupangani imwe ndi kumujarikani?

Hoseya 5:4

Nchitu zawo kuti ziwazomerezga cha kuwere kwaku Chiuta wawo. Chifukwa mzimum waureŵi we mukati mwawo, ndipo ŵalivi kuŵaziŵa Ambuya.

Yohane 5:4

pakuti mungelo wazanga kaŵikaŵi kwazivunduwa maji. Ndipo maji ghati ghavunduka yo yose wangudanga kubiramo wanguchizigika ku nthenda yose yo wenga nayo.]