Hoseya 12:4 - Tonga Bible 1986

⁴ Wangulimbana ndi mungelo ndipo wangupunda, wanguliya ndi wanguŵeyere wezi wake. Ŵangukumana ndi Chiuta pa Betele, ndipo Chiuta wangukamba nayo kwenikuwa.

Hoseya 12:4 Referans Kwoze

Malaki 3:1

“Nadi, ndatuma thenga langu kunozga nthowa panthazi pangu, ndipo Ambuya wo mupenja akazanga kwamabuchibuchi mu kasopi wawo; ehe lituza thenga la phanganu mwaku lenilo mukondwere, atiti Ambuya ŵa maŵanja.

Chiyambo 35:15

Viyo Yakobe wangudana zina la malo penipo Chiuta wangukamba nayo, Betele.

ŴaHebere 5:7

Mweniyo mu mazuŵa ghake ghaliŵavu, wanguti wapereke, ndi Mubobotu wanthazi ndi masozi, maniniziku, maŵeyerero, kwaku yo wenga ndi nthazi kumtaska kunyifwa, ndipo wanguvwika pa chifwa cha uwopa Chiuta wake.

1 ŴaTesalonika 4:17

pavuli pake ifwe taŵamoyo, taŵakujaririya, tikakwamphulikiyanga pamoza nawo mu mitambo, kwachikumana ndi Ambuya mude; ndipo viyo tikaŵanga muyaya pamoza ndi Ambuya.

Yesaya 63:9

Mu kuyuzgika kwawo kose iyo nayo wanguyuzgika, kweni mungelo wakuma pa maso pake wanguŵataska; mu chanju chake ndi chitima chake wanguŵawombo; wanguŵasoska ndi kuŵanyamuwa mazuŵa ghose gha kali.

Sumu 66:6

Wakusanduska nyanja mtunda uyumu; ambuyafwe angwambuka msinji pasi. Kwenukuwa tingwangara pa chifukwa chaku cho chinguchitika;

Chiyambo 48:15

Ndipo wangutumbika Yosefe ndi wanguti, “Chiuta paurongo paku mweniyo ada Abrahamu ndi Yisaki wangwenda, Chiuta mweniyo wandirongozga mu umoyo wangu utali kufika ku zuŵa lino,

Chiyambo 32:29

Sono Yakobe wangumufumba, “Undinene, nditukupempha, zina lako.” Kweni iyo wanguti, “Chifukwa chine ufumba zina langu?” Ndipo penipa wangumutumbika.

Chiyambo 32:24

Ndipo Yakobe wangujowoleka pakuyija; ndipo munthu wangukoana kulimbana nayo mpaka ku matanda kucha.

Chiyambo 32:26

Sono wanguti, “Ndireke ndirutenge pakuti kutucha.” Kweni Yakobe wanguti, “Kuti ndikakutayanga cha mpaka penipo wanditumbika.”

Chiyambo 25:26

Pavuli mhurwa wake wangusotopoka, ndipo janja lake linguko rundi laku Esau; chifukwa ichi zina lake lingudanika Yakobe. Yisaki wenga wa virimika machumi ghankhonde ndi limoza (60) pa nyengo yeniyo nyinawo wanguŵapapa.

Chiyambo 32:25

Po yuwa munthu wanguwona kuti walivi kumupunda Yakobe, wanguko mu udibwa wa chigha chake, ndipo chigha chaku Yakobe chingugweduka mu malunga po walimbananga nayo.