Hoseya 12:13 - Tonga Bible 1986

¹³ Ndi mchimi Ambuya angutuzga Yisraele mu charu cha Egipiti, ndipo ndi mchimi wangusungika.

Hoseya 12:13 Referans Kwoze

Sumu 77:20

Mungurongozga ŵanthu ŵinu nge ndi muskambu, ndipo Mosese ndi Aroni ndiwo ŵenga ŵakuŵatufuliya.

Mika 6:4

Pakuti ndamutuzgani mu charu cha Egipiti, ndi kumuwomboni mu nyumba ya uŵanda; ndipo ndingukutumiyani panthazi pinu Mosese, Aroni ndi Miriamu ŵarongozge.

Chituwa 13:3

Ndipo Mosese wanguti ku ŵanthu, “Kumbukani zuŵa ili, mwaku lo mungutuliya mu Egipiti, kutuwa mu nyumba ya uŵanda, pakuti ndi nthazi ya janja Ambuya Angukutuzgani ku malo yagha: kuwulevi kurgha chiŵande cha mtupu.

1 Samuele 12:8

Po Yakobe wanguya ku Egipiti, ŵaEgipiti ŵanguŵakandirizga, ndipo auskemwe ŵanguliriya ku Ambuya, Ambuya angutuma Mosese ndi Aroni wo ŵangutuzga auskemwe mu Egipiti, kwaziŵajarika mu malo yagha.

Chituwa 14:19

Sono mungelo waku Chiuta yo wendanga paurongo pa liŵanja la ŵaYisraele wangundere ndi wanguja kuvuli kwawo; ndipo chiguŵa cha mtambo chingutuwako kuurongo kwawo ndi chinguma kuvuli kwawo.

Maŵerengedu 12:8

Ndirongoro nayo maso ndi maso, ndi mazu ghakuvwika, ghambura kubisika; iyo wawonanga kawonekedu ka Ambuya. Sono chifukwa nchine mwengavi chofyu kumikana ndi mteŵeti wangu Mosese?”

Hoseya 2:15

Kwenikuwa ndimupaskenge minda yake ya mphereska, ndi kusanduska chidika cha Akoro kuŵa khomo la chigomezgu. Ndipo kuwa wamukenge nge ndi mu mazuŵa gha umupupuka wake, ndi nge mpha nyengo yo wangutuliya mu charu cha Egipiti.

Hoseya 11:1

Po Yisraele wenga mwana ndingumwanja, ndipo ndingumudana mwana wangu kutuwa mu Egipiti.

Chiyambo 28:2

Soka, ruta ku Padani-aramu ku nyumba yaku Betuele uskeu wa anyoko; ndipo ukatoko munthukazi kuŵa muwoli wako kwenikuwa yumoza wa ŵana ŵanthukazi ŵaku Labani mzichi wa anyoko.

Chiyambo 29:20

Viyo Yakobe wangutata virimika vinkhonde ndi viŵi chifukwa chaku Rakelo, ndipo kwaku iyo vinguwoneka uli ndi mazuŵa ghamanavi chifukwa cha chanju cho wenga nacho paku iyo.

Marangu 26:5

“Ndipo mukamukanga paurongo pa Ambuya Chiuta winu, kuti, ‘MuAramu wakuyingayinga ŵenga ada; ndipo iyo wangusikiya ku Egipiti ndi wangugonera mwenimuwa, ndi mbumba yake yimanavi; ndipo muwa wanguguwa kuŵa mtundu ukuru, wakurimba, ndi wakwandana.