Hoseya 12:11 - Tonga Bible 1986

¹¹ Asani mwe utimbanizi mu Gileada, nadi ŵaŵenge ŵaŵakaŵaka; asani mu Gilgala wapereka sembe ya zinkhuzi, majochero ghawo ghaŵenge nge ndi ndundu ya mya mu migandu ya munda.

Hoseya 12:11 Referans Kwoze

Hoseya 8:11

Chifukwa Efraimu wandaniska majochero ghakwanangiyapo, kwaku iyo ghaŵa majochero ghakwanangiyapo.

Hoseya 6:8

Gileada ndi msumba wa ŵakuchita uheni, wanangika ndi ndopa.

Hoseya 4:15

Chingana muchita maureŵi, imwe ŵaYisraele, kweni Yuda wangananganga cha. Mungazanga ku Gilgala cha chingana nkhukwere ku Betavene, pamwenga kurapa, “Ambuya wamoyo.”

Hoseya 9:15

Uheni wawo wose wemu Gilgala; kwenikuwa ndiko ndingudanga chaŵatinkha. Chifukwa cha uheni wa milimu yawo, nkhaŵatuzganga mu nyumba yangu. Ndiŵanjenge so cha; mafumu ghawo ghose ghandigaruka.

Hoseya 10:1

Yisraele ndi mphereska yakukuwa umampha, yo yipasa vipasi vyake. Mo waliri ndi vipasi vinandi ndimo wazenge majochero ghanandi; mo charu chake chiŵiya chamampha, ndimo wachitiya vikozgo vyamampha.

Yona 2:8

Wo ŵaphwere vyangoza vya utesi, ŵataya kujithereska kwawo kwakuneneska.

Amosi 5:5

“Penjani ine ndipo muŵenge ŵamoyo; kweni mungapenjanga Betele, ndipo mungaserenga mu Gilgala cha, pamwenga kujumpha Beresheba; chifukwa Gilgala wakarutanga nadi ku umkoli, ndi Betele nayo wasandukenge chawaka.”

Amosi 4:4

“Zani ku Betele, muzachilakwa; ndipo ku Gilgala, mwandaniske maulakwi; zani ndi sembe zinu, mlenji we wose, ndi vigaŵa vya chichumi paziŵa le lose la chitatu;

Yeremiya 10:15

Mbaŵakaŵaka, ndi nchitu yakufuvya; panyengo ya kulangika kwawo ŵakamaranga.

Yeremiya 10:8

Mbakupusa ndi ŵazereza, kusambizga kwa ŵangoza nchimuti pe!

Yeremiya 2:28

Nanga ŵachiuta ŵinu ŵepani wo mungujipangiya? Iwo ŵasoke, asani ŵangaziŵa kumutaskani imwe, mu nyengo yinu ya suzgu. Pakuti Yuda we, ŵachiuta ŵako mbanandi nge ndimo misumba yako yiliri.

Yeremiya 2:20

“Pakuti ndikale ukongwa mungufyo gori linu ndipo munguphwatuwa vimangiro vinu, ndipo munguti, ‘Kuti nditataliyenge cha!’ Inya, pa phiri lose litali ndi msina muti wose uŵisi mungujikaniya nge ndi munthukazi mureŵi.

1 ŴaKaronga 17:1

Sono Eliya mu Tishibe waku Tishibe mu Gileada, wanguti kwaku Ahabu, “Ulaka ndimo aliri amoyo Ambuya Chiuta waku Yisraele, paurongo paku mweniyo ine ndituma, kuti kukaŵanga dungwi chingana ndi vuwa cha virimika ivi, kweni pa mazu ghangu pe.”

Hoseya 10:2

Mtima wawo ngutesi, sono ŵatenere kusanirika ndi kafukwa. Ambuya agumuliyenge pasi majochero ghawo, ndi kubwanganduwa vikozgo vyawo.

Maŵerengedu 12:6

Ambuya anguti, “Tegherezgani mazu ghangu: Asani mwe mchimi mukati mwinu, ine Ambuya nditumuziŵiska kuti ndiripo mu chiwona, ndirongoro nayo mu loto.

2 ŴaKaronga 17:13

Kweni Ambuya anguchenjezga Yisraele ndi Yuda mu mchimi ndi muwona we yose, kuti, “Mutuweko ku nthowa zinu ziheni ndipo sungani marangu ghangu, ndi vyeruzgu vyangu kwakuyana ndi dangu lose lenilo ndingulanguliya auskemwe, ndi lenilo ndingumutumiyani mu ŵateŵeti ŵangu ndi ŵamchimi.”

Ezekiele 17:2

“Mwana wa munthu, ghanaghana ntharika, kamba chakweruzgiyapo ku nyumba yaku Yisraele;