Hoseya 10:2 - Tonga Bible 1986

² Mtima wawo ngutesi, sono ŵatenere kusanirika ndi kafukwa. Ambuya agumuliyenge pasi majochero ghawo, ndi kubwanganduwa vikozgo vyawo.

Hoseya 10:2 Referans Kwoze

Mika 5:13

ndi nkhapasuwanga vikozgo vyako, ndi mizati yako kutuwa mukati mwako, ndipo kuti ukalambiyanga so cha milimu ya manja ghako.

1 ŴaKaronga 18:21

Ndipo Eliya wanguza pafupi ndi ŵanthu wose, wanguti, “Mpaka zuŵanji mwendenge ŵakuganthiyaganthiya ndi makhumbo ghaŵi ghakupambana? Asani Ambuya ndiwo Chiuta, murundoni, kweni asani ndi Bala, iku rondoni mweniyo.” Ndipo ŵanthu kuti wangumwamuka nanga ndi mazu cha.

Yakobe 4:4

Mwaŵareŵi, asi muziŵa kuti kukondana ndi charu mbumawongu paku Chiuta? Viyo mweniyo yose wakhumba kuŵa wachikondana ndi charu wajisanduska wamawongu waku Chiuta.

Yakobe 1:8

ndi munthu wa mtima wapaŵi, wakusaŵasaŵa mu mendedu ghake ghose.

Zefaniya 1:5

ndi wo ŵasopa pachanya pa nyumba, maŵanja gha kuchanya; ndi wo ŵasopa ndi kurapa ku Ambuya, ndipuuli ŵarapa Milikomu;

Luka 16:13

Palive muŵanda yo ngwanthazi kuteŵete ŵambuya ŵaŵi: chifukwa pamwenga wamtinkhenge yumoza, ndi wanjenge munyake; pamwenga ku yumoza wamiziriyenge ndi wamyuyuwenge munyake. Kuti muziŵa kuteŵete Chiuta ndi so chuma cha.”

Mateyu 6:24

“Palive yumoza waziŵa kuteŵete ambuya ŵaŵi: chifukwa pamwe wamtinkhenge yumoza, ndi wamwanjenge munyake; pamwenga wajiperekenge ku yumoza, ndi wamtozenge munyake. Kuti muziŵa kuteŵete Chiuta ndi chuma so cha.

Zekariya 13:2

“Ndipo kukaŵanga pa zuŵa lo, atiti Ambuya ŵa maŵanja, ndituzgengeko mazina gha ŵangoza ku charu; mwakuti ŵakakumbukikanga so cha; ndipo so ndituzgengemo mu charu ŵamchimi, ndi mzimu uheni.

Hoseya 13:16

Samaria wasuskikenge chifukwa wagaruka kwaku Chiuta wake; wakabayikanga ndi lipanga, ŵamujedu ŵawo ŵatekenyulikenge tumanatumana ndi ŵanthukazi ŵawo ŵa nthumbu ŵakapangulikanga.

Hoseya 7:8

Efraimu watijisazga ndi mitundu yinyake; Efraimu nchiŵande chambura, mang'anamulika.

Yeremiya 43:13

Wazamkuswa mya ya Heleopole yo ye mu charu cha Egipiti, ndi wazamukocha ndi moto nyumba za ŵachiuta ŵa Egipiti.’ ”

Yesaya 44:18

Kuti waziŵa cha, chingana nkhuti wateska cha, pakuti wajara maso ghawo, alinga waleke kuwona, ndi zeru yawo, alinga ŵaleke kuwamo.

1 Samuele 5:4

Kweni ŵanguti ŵaza so ku mlenji unyake, awonani, Dagoni wawa kavunama pasi paurongo pa bokosi la Ambuya, mutu waku Dagoni ndi manja ghake ghose ghaŵi vingudumuka ndi kugona mukhomo: Dagoni wanguja chipiriŵiri pe.

1 Yohane 2:15

Munganjanga charu cha, chingana ndi vyo vyamu charu. Asani munthu watanja charu cho, kuti chanju cho cha Dada che mwake cha.

Hoseya 3:4

Chifukwa ŵana ŵaku Yisraele ŵakajanga mazuŵa ghanandi kwambura karonga pamwenga fumu, kwambura sembe pamwenga mzati, kwambura mphenduzga pamwenga ŵakaboni.

Hoseya 12:11

Asani mwe utimbanizi mu Gileada, nadi ŵaŵenge ŵaŵakaŵaka; asani mu Gilgala wapereka sembe ya zinkhuzi, majochero ghawo ghaŵenge nge ndi ndundu ya mya mu migandu ya munda.

Chituwa 23:24

mungagwadiyanga ŵachiuta ŵawo cha, chingana nkhuŵatataliya, chingana nkhuchita ulaka ndi nchitu zawo nako cha, kweni mukaŵamariyanga limu, ndi kubwanganduwa mizati yawo tumana-tumana.

ŴaLevi 26:30

Nkhaparghang'anga malo ghinu gha pachanya ndi kugumuliya pasi majochero ghinu gha vyachema ndi kupong'a viŵanda vinu pachanya pa viŵanda vya ŵangoza ŵinu mtima wangu umukaneninge.

Nthanthi 11:18

Munthu wa mphurupu watanduwa mphotu yakupusika, kweni mweniyo wamija urunji waronde mphotu yeneko.

Ezekiele 14:5

mwakuti ndiko mitima ya ŵa nyumba yaku Yisraele, ŵeniwo wose ŵapatukako kwangu mu ŵangoza ŵawo.