Hoseya 10:12 - Tonga Bible 1986

¹² Jipandiyeni urunji, vunani chipasi cha lisungu; swani mawongolomwa; chifukwa sono ndi nyengo yakupenje Ambuya, mwakuti ŵaze ndi kung'iska utaski paku imwe.

Hoseya 10:12 Referans Kwoze

Yakobe 3:18

Ndipo chipasi cha urunji chimijikiya mu chimangu kwaku ŵeniwo mbakutata chimangu.

Yesaya 45:8

“Yoyoskani, mwa machanya mwe kutuliya kuchanya, ndipo mudengwendi mung'iye pasi urunji; charu chapasi chijurike, kuti utaski ubuke, ndipo chimezge so urunji; ine Ambuya ndine ndikuchilenga.

Nthanthi 11:18

Munthu wa mphurupu watanduwa mphotu yakupusika, kweni mweniyo wamija urunji waronde mphotu yeneko.

Yesaya 55:6

“Penjani Ambuya penipo angusanirika, danani paku iwo penipo ŵeche pafupi;

Hoseya 6:3

Tiyeni tiziŵe, ndi tifwiririyepo kuziŵa Ambuya; kuruta kwawo nkhwambura kukayika nge nkhumatandakucha; azenge kwaku ifwe nge ndi vuwa, nge ndi vuwa yakudanga yo yizumbwiska charu.”

Yesaya 44:3

Pakuti ndikadiranga maji pa charu cha chiparamba, ndi tumisinji pa charu chiyumu; ndikapunguliyanga Mzimu wangu, pa mphapu zinu, ndi chitumbiku changu pa, wakupakika ŵinu.

Wakutaula 11:6

Umije mbeu yako ndi mlenjilenji, ndipo ndi mazulo ureke kuko janja lako; pakuti kuti uziŵa cha zo zandanenge, izi pamwenga ziya pamwenga vinu zose ziŵi zikaŵanga zamampha kwakukozgana.

Sumu 105:4

Penjani Ambuya ndi nthazi yawo, penjani chisku chawo nyengo yose!

Luka 13:24

“Limbalimbani kusere mu khomo lifinyi; pakuti ŵanandi, ndikuneniyani ŵamkhumba kuseremo, ndipo kuti ŵaŵenge ndi nthazi cha.

Amosi 5:15

Tinkhani uheni, ndi yanjani umampha, ndi mumike urunji mulikomo; pamwenga Ambuya, Chiuta wa maŵanja, wangaŵa ndi lisungu, ndi ŵakujako ŵaku Yosefe.

Amosi 5:6

Penjani Ambuya ndipo muŵenge ŵamoyo, vinu angakole nge ndi moto mu nyumba yaku Yosefe, ndiyinganyeka ndi pangaŵavi yumoza wamuzimwiyenge moto wo Betele.

Yesaya 31:1

Soka kwaku wo ŵasikiya ku Egipiti kupenja chovyu ndipo ŵagomekezga mu ŵakavalo, wo ŵagomekezga mu unandi wa magareta ndi mu ŵakukwera pa ŵakavalo pakuti mba nthazi ukongwa, kweni kuti ŵalereska ku Mtuŵa Yumoza yo waku Yisraele cha, pamwenga kufumba Ambuya!

Amosi 5:4

Chifukwa atiti Ambuya ku nyumba yaku Yisraele:

Hoseya 12:6

“Viyo iwe, ndi chivyo chaku Chiuta wako, were vuli; sungiska lisungu ndi cheruzgu ndipo rutiriya kulindizga Chiuta wako.”

Amosi 5:8

Yo wangupanga chirimila ndi mauta ndi wasanduska mdima kuŵa mlenji; ndi kufipiska msana kuŵa usiku, yo wadana maji gha nyanja ndi kughapunguriya pa chisku cha charu chapasi, Ambuya ndilo zina lawo,

Hoseya 8:7

Chifukwa ŵangupanda mphepo, ndipo ŵavunenge kavuruvuru. Trigu walivi mphonji, kuti wakapasanga vipasi cha. Asani wangupasa, ŵalendo ŵatinge ŵarghenge.

Machitidu gha Ŵakutumika 2:18

ndipo pa ŵateŵeti ŵanthurumi ŵangu ndi ŵateŵeti ŵanthukazi ŵangu mu mazuŵa ghenigha nkhapunguliyangapo Mzimu wangu; ndipo ŵamloska.

Ezekiele 34:26

Ndikazichitanga izo thumbiku pamoza ndi malo ghose ghakuzunguliya phiri langu; ndikatumanga vuwa mu nyengo yake; yikaŵanga vuwa yachitumbiku.

Yesaya 32:20

Mwa ŵakukondwa ndimwe mwa ŵakuseŵa pafupu ndi maji, imwe muzomerezga ng'ombe ndi mbunda vyendengemo kwawanangwa.

Yesaya 30:23

Ndipo akapaskanga vuwa pa mbutu yo mumija pa nyata, ndi vyakurgha, vyakume mu nyata, vyo vikaŵanga vyakunozga ndi vyakuzara. Mu zuŵa liya viŵetu vinu vikarghanga mu vipozwa vikuru;

Yeremiya 50:4

“Mu mazuŵa gha ndimu nyengo yiya, atiti Ambuya, ŵaYisraele ndi ŵaYuda ŵakazanga pamoza, ŵakaliyanga ŵachiza ndipo ŵazamupenja Ambuya Chiuta wawo.

Yesaya 5:6

Ndikauchitanga mapopa, kuti ŵakaupanthiyanga chingana nkhuulima cha, kankhande ndi minga vikamengamo; ndikalanguliyanga mitambo kuti yireke kung'iyapo vuwa paku wo.

Nthanthi 18:21

Nyifwa ndi umoyo vye munthazi ya lilime, ndipo ŵeniwo ŵatilanja ŵakarghanga vipasi vyake.

Sumu 72:6

Karonga waŵe ulaka nge ndimo vuwa yitung'iya pa minda, nge ndimo vuwa yiwazgiya pa charu.

2 ŴaKorinte 9:10

Ndipo mweniyo wapaska mbeu ku ŵakumija ndi chiŵande nge nchakurgha, wamkuskiyako ndi kwandaniska mbeu yinu yakumija, ndipo wamkuzga vipasi vya urunji winu.

Yesaya 48:18

Inya mphanyi ungutegherezga ku marangu ghangu! Po ndipo chimangu chako phatinge chiŵenge uli ndi msinji ndipo urunji wako uli ndi mayigha gha nyanja;

Hoseya 14:1

Yisraele uwere kwa Ambuya, Chiuta wako, pakuti waguŵa chifukwa cha ubendezi wako.

Yesaya 54:14

Ukajarikikanga mu urunji, ukaŵanga kutali kukuyuzgika, pakuti kuti ukawopanga cha; ndi ku chakofya, pakuti kuti chikazanga kufupi nawe cha.