Hagayi 2:6 - Tonga Bible 1986

⁶ Chifukwa cho atiti Ambuya ŵa maŵanja: ndipo so, pavuli pa nyengo yimanavi, nkhasukuniskanga machanya ndi charu chapasi, ndi nyanja, ndi mtunda uyumu;

Hagayi 2:6 Referans Kwoze

Yesaya 10:25

Pakuti mu kanyengo kamanavi ukongwa kukara kwangu mukamaranga ndipo ukari wangu ukatumikanga ku phasulu lawo.

Machitidu gha Ŵakutumika 2:19

Ndipo nkhapaskanga virwita mumachanya kuchanya, ndi visimikizgu pa charu cha pasi; ndopa, ndi moto, ndi mvuchi wa usi:

Yoele 3:16

Ambuya abongo mu Zioni, ndi atuzga mazu ghawo kutuliya mu Yerusalemu, machanya ndi charu chapasi visukunikenge; kweni Ambuya nchakutaskikiyamo cha ŵanthu ŵawo linga lakukho ku ŵana ŵaku Yisraele.

Yesaya 29:17

Asi kwaja kanyengo kamanavi waka ko Lebanoni wakasanduskikanga kuŵa, munda wakupasa, ndipo munda wakupasa ndiwo ukadanikanga lisuwa?

ŴaHebere 10:37

“Chifukwa kachalipo kanyengo kamanavikeni, ndipo yose wakuza wazenge, ndipo kuti wakaziwulikanga cha.

Ezekiele 38:20

somba za mu nyanja, tuyuni twa mude, nyama za mudondo, ndi vyakukwaŵa vyose, ndi ŵanthu wose woŵe pa chisku cha charu chapasi, ŵakambwambwanthiyanga pa maso pangu, mapiri ghakapong'ekanga pasi, vinkhwawu vikawanga, ndipo viliŵa vyose vikabwangandukiyanga pasi.

Yeremiya 51:33

Pakuti viyo atiti Ambuya ŵa maŵanja, Chiuta waku Yisraele: Ŵanthu ŵaku Babiloni ŵe nge mphamalo pakupepete maŵe pa nyengo yo ŵakandapo; kweni kwaja ka nyengo kamanavi, nyengo ya kuvuniya kwake yikazanga.”

Yesaya 34:4

Liŵanja lose la kuchanya likavundanga, ndipo uli ndi mapepara mitambo yikazingikanga. Liŵanja lawo lose likawanga, nge ndimo mani ghawiya kutuwa ku mphereska, nge ndi mani ghatuwa kutuwa ku mkuyu.

Sumu 37:10

Kwaja kanyengo kamanavi, muheni kuti wakaŵangapo so cha; nanga uwonapo umampha pa malo ghake, iyo kuti wakaŵangapo cha.

Chivumbuzi 11:9

Ndipo ŵanthu ŵamu makhamu ndi mafuku ndi marongororedu ndi mitundu ŵamlereska vitanda vyawo mazuŵa ghatatu ndi nusu, ndipo kuti ŵamzomera cha kuti vitanda vyawo viŵikike mu muunda.

Jobu 9:6

mweniyo wasukuniska charu kuchituzga pa malo ghake, ndipo mizati yake yiyaghayika;

Sumu 18:7

Penipo charu chingusukunika ndi kuyaghayika; viŵanja vya mapiri navyo vingutenthema, ndi kusukuniskika, chifukwa Chiuta wangufya mtima.

Yesaya 2:19

Ŵanthu ŵazamusere mu zimphanji za majarawe ndi mazenje gha pasi, kuthaŵa ku chofyu cha Ambuya ndi ku unkhankhu wa ukaronga wake, penipo akasokanga kofya charu chapasi.

Yesaya 13:13

Chifukwa cho ndikanjenjemeskanga machanya, ndipo charu chapasi chikasukuniskikanga kutuwa mu malo ghake, pa ukari wa Ambuya ŵa maŵanja mu zuŵa la ukari wawo wakofya.

Yeremiya 33:14

“Ehe, mazuŵa ghakazanga, atiti Ambuya, penipo ndazamufiska phanganu lenilo ndingupangana ndi Yisraele ndi Yuda.

Ezekiele 38:19

Chifukwa mu sanji yangu ndi mukukore kwa ukari mwangu ndikamba kuti, Pa zuŵa leniliya kukaŵangapo kuyaghayika kukuru mu charu chaku Yisraele;