Hagayi 2:5 - Tonga Bible 1986

⁵ kwakulingana ndi phanganu lo ndingupangana namwe penipo mwatuwanga mu Egipiti. Mzimu wangu uja mwaku imwe; lekani kopa.

Hagayi 2:5 Referans Kwoze

Chituwa 34:10

Ndipo iwo anguti, “Ehe, ndichita phanganu. Paurongo pa ŵanthu ŵako wose ndikachitanga vyakuziziswa, vyo kuti vikuchitikapo cha mu charu chose chapasi pamwenga mukati mwa mtundu umoza; ndipo ŵanthu wose ŵakukumana namwe ŵakawonanga mlimu wa Ambuya; pakuti nchinthu chakofya cho ndikachitanga namwe.

Nehemiya 9:20

Mungupaska mzimu winu kuŵarunguchizga, ndipo mwengavi kunora milomo yawo mana ghinu, ndi munguŵapaska maji pa nyota yawo.

Yesaya 41:13

Pakuti ine, Ambuya Chiuta wako, ndiko janja lako lakurghiya; ndine ndititi kwaku iwe, “Ungopanga cha, ndikakovyanga.”

Zekariya 8:13

Ndipo kuŵenge kuti, nge ndimo munguwiya thembo mukati mu mitundu, iwe nyumba yaku Yuda ndi nyumba yaku Yisraele, viyo ndimo ndimtaskiyeninge ndipo muŵenge ŵakutumbikika. Mungopanga, kweni manja ghinu ghakhome.”

Zekariya 8:15

viyo so ndaghanaghana mu mazuŵa yagha kuchitiya umampha Yerusalemu ndi nyumba yaku Yuda; mungopanga;

Machitidu gha Ŵakutumika 27:24

wakuti, ‘Ungopanga cha, Paulo; kutenere iwe kwachima paurongo paku Kaisare: ndipo awona, Chiuta wakupaska wose ŵakwenda nawe pamoza.’

Yesaya 41:10

ungopanga cha, pakuti ndenawe pamoza, ungatenthemanga cha pakuti ndine Chiuta wako; ndikakukhomeskan'ga, ndikakovyanga, ndikakusunganga ndi janja langu, lakurghiya la upundi.

Chivumbuzi 1:17

Ndipo ndichimwona, ndinguwa pa marundi ghake nge ngwakufwa. Ndipo wanguŵika pangu janja lake lamarghe, wakuti, “Ungopanga: Ine Ndine Wakudanga ndi Wakumariya,

Mateyu 28:5

Kweni mungelo yo wakwamuka wanguŵanene ŵanthukazi, “Mungopanga cha, chifukwa ndiziŵa kuti mupenja Yesu yo wangupayikika.

Zekariya 4:6

Viyo wangunena nane, “Yagha ndi mazu gha Ambuya kwaku Zerubabele; ndi nkhondo cha, pamwenga ndi nthazi cha, kweni ndi Mzimu wangu, atiti Ambuya ŵa maŵanja.

Nehemiya 9:30

Virimika vinandi mungukunthiyapo, ndi munguŵachenjezga ndi mzimu kukambiya mu ŵamchimi ŵinu; kweni ŵengavi kutegherezgako. Chifukwa cho munguŵapereka mu janja la ŵanthu ŵamu vyaru vyo.

2 Mikoka 20:17

Kuti nkhwinu kwachipota nkhondo cha, khwimani mtima, mwamkuma ŵaka jo, kuwona chipozomosko chaku Chiuta chakwaku imwe mwa ŵaYuda ndi Yerusalemu.’ Mungopanga chingana nkhutenthema, mawa rutaninge, chifukwa Chiuta waŵenge namwe.”

Yoswa 8:1

Ndipo Ambuya angunena ndi Yoswa, “Ungatethemanga pamwenga kugongowa cha; utore pamoza nawe wose ŵakurwa nkhondo, ndipo soka, kweriyanga ku Ai; ehe, ndapereka mu janja lako karonga waku Ai, ndi ŵanthu ŵake, msumba, ndipo ndi charu chake;

Chituwa 34:8

Ndipo Mosese wangukankhamika kukotama ndi wangusopa.

Chituwa 19:4

munguwona cho ndinguchita ku ŵaEgipiti, ndimo ndingukunyamuliyani pa mapapa gha nombo ndi ndingumutoliyani kwaku ndamweni.

Chituwa 19:6

ndipo imwe mukaŵanga ufumu wa ŵazukuru ŵangu ndi mtundu wakupaturika wangu. Yagha ndigho mazu gho ukambenge ku ŵana ŵaku Yisraele.”

Chituwa 24:3

Mosese wanguza ndi wanguŵakambiya ŵanthu mazu ghose gha Ambuya ndi vyeruzgu vyose; ndipo ŵanthu wose ŵangwamuka ndi mazu ghamoza, ndi ŵanguti, “Mazu ghose gho Ambuya akamba tikachitanga.”

Chituwa 24:8

Ndipo Mosese wanguto ndopa ndi wanguwazgiya ku ŵanthu ndi wanguti, “Awonani ndopa za chipanganu cho ŵachita ndi Imwe Ambuya kwakulingana ndi mazu yagha ghose.”

Yoswa 1:9

Asi ndakulanguliya? Uŵi wanthazi, khwima; ungopanga cha, nanga nkhufipa mtima; pakuti Ambuya Chiuta wako we pamoza nawe ko ukayanga.”

1 Samuele 12:20

Samuele wanguti, “Rekani kopa mwachita uheni uwu wose, viyo sono rekani kupatukako kukurondo Ambuya, muteŵetiyeni ndi mtima winu wose;