Hagayi 2:23 - Tonga Bible 1986

²³ Pa zuŵa lo, atiti Ambuya ŵa maŵanja, nkhakutonga, Zerubabele muteŵeti wangu, mwana waku Shealtiele, atiti Ambuya, ndi kukusanduska nge ndi mphete ya chidindu; chifukwa ndakusankha iwe, atiti Ambuya ŵa maŵanja.”

Hagayi 2:23 Referans Kwoze

Yesaya 43:10

“Mwe ŵakaboni ŵangu,” atiti Ambuya, “ndi ŵateŵeti ŵangu wo ndasankha, alinga muziŵe ndi kuvwana nane ndi kuwamo kuti ndine Iyo. Paurongo pangu palivi kuumbika chiuta, chingana nkhuti kukaŵangako munyake so pavuli pangu.

Yesaya 42:1

Ehe, muŵanda wangu mweniyo ndisoska, wakusankhika wangu, mwaku yo mzimu wangu ukondwere; ndaŵika Mzimu wangu paku iyo, wakarongonga cheruzgu chirunji ku mitundu.

Yeremiya 22:24

“Mo ndiliri wamoyo, atiti Ambuya, chingana Konia mwana waku Yehoyakimu, karonga waku Yuda, wanguŵa mphete ya kuzighiriya pa janja langu lakurghiya, kweni ndipuuli ndikakuparuwanga mbwenu,

Sumu ya Zisumu 8:6

Undiŵike nge nchizighiriyi pa mlima wako, nge nchizighiriyi pa janja lako, pakuti chanju nchamunthazi nge ndi nyifwa, sanji njikali nge ndi muunda. Kung'anima kwake nkhung'anima kwa moto, wakuŵa ndi dangalira la kofya.

1 Petro 2:4

Muzenge na kwaku mweniyo, mwa wamoyo, wakupatika nadi ndi ŵanthu, kweni kwaku Chiuta wakusankhika, wakuzirwa;

2 Timote 2:19

kweni chiŵanja cho chakurama chaku Chiuta chituma gwa, pakuŵa ndi chiŵali chenichi, “Waŵaziŵa Mbuya ŵeniwo mbake”: ndi “Wagaukeko ku uwura-urunji yose wakutamula zina lo la Ambuya.”

Yohane 6:27

Mungatakatakiya chaukurgha cho chitanangika cha, kweni chaukurgha cho nchakujaririya ku umoyo wamuyaya, chenicho Mwana wa munthu wakupaskeninge: chifukwa Chiuta Dada waŵika chizighiri chake paku iyo.”

Mateyu 12:18

“Awonani, Mwana wangu, yo ndasankha, nkhwanjiwa wangu mwaku mweniyo mzimu wangu ukondwere: ndiŵikenge paku iyo mzimu wangu, ndipo watauliyenge mitundu cheruzgu.

Yesaya 49:16

Ehe, ndakusindikizga iwe pa vikufi vya manja ghangu; vimati vyako vye paurongo pangu nyengo yose.

Sumu 65:5

Mutitamuka, Chiuta Mtaski widu, ndipo mutititaska pakuchita vinthu vyakuziziswa. Ŵanthu mu charu chose chapasi, ndi ŵakusirgha la zinyanja, ŵagomekezga mwaku imwe.