Hagayi 2:22 - Tonga Bible 1986

²² ndi kubwanganduwa chitengu cha mafumu, nde pafupi kubwanganduwa nthazi za gha mitundu, ndi kubwanganduwa magareta ndi ŵakukwerapo ŵawo; ndi ŵakavalo ndi ŵakukwerapo ŵawo ŵawenge pasi, yose wakawanga pa lipanga la mwanasi wake.

Hagayi 2:22 Referans Kwoze

Mika 5:10

Ndipo mu zuŵa lo, atiti Ambuya, nkhadumuwanga ŵakavalo mukati mwako, ndipo nkhabwanganduwanga magareta ghako;

Ŵeruzgi 7:22

Penipo ŵanthu machumi pe chumi ghatatu (300), ŵangumba mbata zo Ambuya anguchitiska kuti lipanga la munthu yose lingulasa munyake kuzunguliya ugoŵi wose; ndipo liŵanja la nkhondo linguthaŵa kwachifika ku Beteshita kurata ku Zerera, kwachifika ku mphaka ya Abele-mehola, pafupi ndi Tabata.

Mateyu 24:7

Chifukwa mtundu uyukiyenge pa mtundu, ndi ufumu pa ufumu: ndipo viŵengepo vilala ndi viyeuyeu mu malo ndi malo;

Zekariya 10:11

Ndipo ŵaporotenge mu nyanja ya charu cha Egipiti, ndi mayigha gha nyanja ghamupumika ndipo ndimba zose za msinji Nile ziphwenge. Ndipo kujikuzga kwa Asiriya kusiskikiyenge pasi, ndipo ndodo ya ukaronga waku Egipiti yituwengeko.

Zekariya 4:6

Viyo wangunena nane, “Yagha ndi mazu gha Ambuya kwaku Zerubabele; ndi nkhondo cha, pamwenga ndi nthazi cha, kweni ndi Mzimu wangu, atiti Ambuya ŵa maŵanja.

Zefaniya 3:8

“Viyo ndilindizgeni,” atiti Ambuya, “mpaka zuŵa lo nkhaŵiyanga nge ndi kaboni. Chifukwa ndaŵika mtima wangu pakuwungang'a mitundu ya ŵanthu, kuwunjika ŵakaronga, kuti ndipunguliye pawo kundundu kangu, chifundizi chose cha ukari wangu; chifukwa mu moto wa kandundu kangu ka sanji charu chose chazamukufya.

Mika 5:15

Ndipo ndi ukari ndi kandundu ndiwezgiyenge nduzga pa mitundu yo yengavi kuvwiya.

Ezekiele 39:20

Mukagutanga pa gome langu ndi ŵakavalo ndi ŵakukwera pa ŵakavalo, ndi vinkhara ndi ngwazi za mtundu mtundu’, atiti Ambuya Chiuta.

Sumu 46:9

Arekeska zinkhondo mpaka ku chigoti cha charu chapasi; uta afyo, ndi kuwaruwa mkondo, magareta atocha ndi moto!

Danyele 8:25

Ndipo ndi uchenjezi wake wachitenge chanduwu chaupusikizgi mu janja lake, wajikuzgenge mu vinjeru vyake. Kwambura kudanga wachenjezga wakabayanga ŵanthu ŵanandi ndipo wakamikananga so ndi karonga wa ŵakaronga; kweni wakabwangandukanga kwambura janja la munthu.

Sumu 76:6

Po munguŵawofya, A Chiuta waku Yakobe, vyose ŵakavalo ndi ŵakugarapo ŵawo ŵanguwa, ŵangufwa.

Chivumbuzi 11:15

Wangukuŵa mungelo wachinkhonde ndi chiŵi; ndipo ghanguŵapo mazu ghakuru kuchanya, ghakuti, “Ufumu wa panupasi sono ngwa Mbuyafwe, ndi waku Kristu wake, ndipo wakausanga ku muyaya muyaya!”

Zekariya 14:3

Ndipo Ambuya atuwenge kurwana ndi mitundu yo nge ndi pa ŵaturwa mu zuŵa la nkhondo.

Zekariya 9:10

Ndidumuwenge gareta lakutuwa kwaku Efraimu ndi kavalo wankhondo wakutuwa ku Yerusalemu; uta wankhondo nawo udumulikenge; ndipo wakambenge chimangu ku ŵa mitundu. Ukaronga wake wambenge kutuwa ku nyanja kwachifika ku nyanja, kutuwa ku Msinji kwachifika ku vigoti vya charu.

Mika 5:8

Ŵakujako ŵaku Yakobe ŵakawanga mukati mu mitundu, mukati mu ŵanthu ŵanandi, nge ndi nkharamu mukati mu mskambu wa nyama za mu dondo, nge ndi nkharamu yamupupuka mukati mu mskambu wa mberere, yeniyo pa yiporotamo, yikanda pasi ndi yiparuwa tumanatumana, ndipo palivi yo waziŵa kutaska.

Ezekiele 21:27

Phasulu, phasulu, ndichichitenge phasulu; kuti mukaŵanga kanthu kakuwonekamo so cha mpaka po waza, yo iyo ndiyo mweneko; kwaku iyo ndikachiperekanga.

Yesaya 60:12

Pakuti mtundu ndi ufumu wo urekenge kumutataliyani ukamaranga; mitundu yaviyo yikachitikanga mapopa kumariya limu.

Yesaya 19:2

Ndikakhuwizganga ŵaEgipiti pa ŵaEgipiti, ndipo ŵakabayananga, mwana ndi mwana munyake munthu yose ndimzengezgani wake, muzi pa muzi unyake, ufumu pa ufumu unyake;

Yesaya 9:19

Kutuliya mu ukari wa Ambuya wa maŵanja charu chitufya, ndipo ŵanthu ŵe uli ndi nkhuni za moto; palivi munthu yo wachitiya lisungu mwana munyake.

2 Mikoka 20:22

Ndipo ŵachamba kumba ndikutumbika, Ambuya anguŵakhazga ŵina Amoni ndi ŵaMoabu ndi ŵaku phiri Seiri pakuza kwawo kurwana nkhondo ndi Yuda, ndipo ŵangutimbanizgika.

1 Samuele 14:16

Ŵalonda ŵaku Sauli pa Gibea waku Benjamini pakulereska; ŵanguwona mzinda umbininika uku ndi uku.

Chituwa 15:19

Pakuti penipo ŵakavalo ŵaku Farao ndi magareta ghake, ndi ŵakukwera pa ŵakavalo ŵake ŵangusere mu nyanja, Ambuya anguwezge maji gha nyanja paku wo; kweni ŵaYisraele ŵangwenda pa mtunda uyumu mukati mu nyanja.

Chituwa 14:28

Maji ghanguwe ndi ghangukuka magareta gho ndi ŵankhondo ŵapa ŵakavalo ndi liŵanja la nkhondo lose laku Farao lo linguŵarondo mu nyanja, kuti kungujapo nanga njumoza waku wo cha.

Chituwa 14:17

Ndipo ndikanonopeskanga mitima ya ŵaEgipiti kuti ŵaseremo kuŵandondoloska, ndipo ine ndirondenge unkhankhu paku Farao ndi liŵanja lake lose, magareta ghake, ndi ŵankhondo ŵapa ŵakavalo ŵake.

Chituwa 15:4

“Magareta ghaku Farao ndi liŵanja lake la nkhondo ataya mu nyanja; ndipo ŵara ŵake ŵankhondo ŵakusankhika, ŵabira mu Nyanja Yiyera.

2 Mikoka 20:23

Chifukwa ŵaAmoni ndi ŵaMoabu ŵanguyukiya ŵaku phiri Seiri kuŵabaya, ndipo ŵanguti ŵamara ŵaku Seiri ŵangung'anamukiyana ŵija kubayana.

Ezekiele 26:16

Penipo mafumu ghose ghakunyanja gha kasikiyanga pasi kutuwa pa vitengo vyawo, ŵakazuwanga minjitira yawo, ndi kukhoropo maraya ghawo gha maŵanga-maŵanga; ŵakajivwarikanga kunjenjeme, wakajanga pasi pa ŵaka ŵakumbwambwanthiya nyengo yose, ndi ŵambura nthazi paku iwe.

Ezekiele 38:21

Ndikadananga chakofya cha mtundu we wose kulimbana ndi Gogi, atiti Ambuya Chiuta; lipanga la munthu yose likamikananga ndi mbali wake.

Amosi 2:15

yo wako uta kuti wakachinthanga cha, ndipo yo ndi mupusu kuchimbiya kuti wakajitaskanga cha, chingana ndi yo wakwera pa kavalo kuti wataskenge umoyo wake cha.

Mika 7:16

Mitundu yikawonanga ndikukoreka soni chifukwa cha nthazi zawo zose; ŵakaŵikanga manja ghawo pa milomo yawo; makutu ghawo ghakagatanga;

Zekariya 10:5

Ndipo pamoza ŵakaŵanga nge vinkhara vya nkhondo, ŵakukandirizgiya pasi ŵarwani ŵawo mu mawulambwe gha miseu; ŵapotenge chifukwa Ambuya ŵe nawo. Ndipo ŵakamaranga ŵakukwera pa kavalo.

2 Mikoka 15:6

Wangupasurana, mtundu ungupasuwa mtundu unyake, msumba ungupasuwa msumba unyake chifukwa Chiuta wanguŵasuzga ndi chisuzgu che chose.

Mika 5:9

Janja linu likatumphuliskikiyanga pazimphindikwa zinu ndipo ŵarwani ŵinu wose ŵakadumulikanga.

Zekariya 12:9

Ndipo pa zuŵa lo ndikhumbenge kuparghang'a mitundu yose ya ŵanthu yo yituza kubayana ndi Yerusalemu.